الانتهاء من مرحله اللغه مبكرا وترقيه المرحله

السلام عليكم ورحمه الله
الله يبارك لكم بما تبقي من الشهر الكريم ويجعلنا من عتقاءه من النار

عندي شويه اسئله للاسف المشرف الدراسي لم يتجاوب معي لحلها فارجوا من من لديه معلومات ينورنا

س1/ كم مده الابتعاث لطالب في تخصص علمي (هندسه) مع سنه اللغه 4 +1 سنه لغه = 5 سنوات او 5 سنوات +1 لغه =6 سنوات؟

س2/ في حال التمديد لي في اللغه 6 اشهر هل تخصم من مده بعثه التخصص؟ اي لو كانت الفتره المحدده لي في البكالريوس 4 سنين تصبح 3 سنين ونصف


س3/في حاله الطالب انهي اللغه في اقل من سنه (10 اشهر ) وحصل علي تمديد في فتره اللغه قبل نهايه السنه ولكن لم يستفد من هذا التمديد بسبب حصوله علي القبول الجامعي وتخرجه من معهد الجامعه وقام بترقيه المرحله الي بكالريوس فصل الخريف القادم ٢٠١٣ هل تضاف (6 اشهر التمديد) + 2 اشهر متبقيه من مرحله اللغه الاساسيه قبل التمديد الي مده ابتعاثه ؟

س4/ هل يجوز دراسه مواد الجنرال اديكيشون التي تؤ هل لبعض الكورسات المتقدمه في التخصص وقد تستغرق فصل دراسي ؟


س5/ في حال انني قررت تاجيل بد المرحله الاكاديميه التي تبدا بعد شهرين الخريف القادم والاستفاده من التمديد في مرحله اللغه الذي تمت الموافقه مسبقا عليه والانتقال لمعهد لغه (تجاري لمده ٦ اشهر) وانتهاء فتره اللغه في شهر 2 -٢٠١٤ و بدء الدراسه الجامعيه في شهر 9 فصل الخريف ٢٠١٤ اي ان الفارق بين انتهاء فتره اللغه (شهر ٢ ٢٠١٤) وبدء الدراسه شهر ٩ ٢٠١٤) سوف تكون (7 اشهر ) هل يستمر صرف الراتب علي الطالب بمجرد رفع القبول شهر ٢ -٢٠١٤ قبل انتهاء الشهر الاخير من التمديد او بعد البدء بالبرنامج الدراسي الجامعي ورفع خطاب المباشره حتي لو توفر القبول الجامعي مبكرا والجدول الدراسي؟



هذي اسئلتي بانتظار الاجابه وبالتوفيق يالغاليين

فترة اللغه لا تحسب مع مدة بعثة البكالريوس .. بل تحسب فتره اضافيه ..
بمعنى .. أن مدة بعثة البكالريوس هي 5 سنوات .. ومدة فترة اللغه هي سنه ونصف ..
فبالتالي تكون الفتره الاساسيه 6 سنوات ونصف على مجموع الفترتين ..

والتمديد لكل فتره .. يكون على حده !

فمثلا .. قمت بتمديد لفترة اللغه لمدة 6 اشهر اضافيه ..
وبعدها أنتهيت من فترة اللغه وقبلت بالجامعه ..
سيتم اعطائك 5 سنوات اخرى لفترة البكالريوس ..
وبالتالي ستكون مدة بعثتك كاملة هي 7 سنوات ! (فترة اللغه + فترة البكالريوس) ..

فلذلك تكون فترة اللغه تحسب لوحدها .. وفترة الدراسه الاكاديمية .. تحسب ايضا لوحدها ! وليس لهم علاقة في بعض !


أما اذا الطالب أنهى فترة اللغه قبل المده المشروطه .. فلا يحتاج الى تمديد ولن يعطى التمديد من الأساس لانه أنهى فترة اللغه وسيطالب بقبول جامعي !

وحتى وإن قضى فترة اللغه المشروطه وطلب تمديد أربع اشهر اضافيه .. وانهى فترة اللغه في خلال شهرين .. وتبقى شهرين ! .. المده المتبقيه لا تضاف الى فترة البكالريوس !

وإن أتى بقبول جامعي .. أعطي مدة بعثه اضافيه .. بدون أي تمديد !
فكما ذكرت سابقا .. المدتين (مدة اللغه + مدة البكالريوس) تعامل كل منهما على حده ..!

أما بالنسبه للمواد العامه في الجامعه .. فأنت ملزوم بإنهائها وإنهاء اي مواد اخرى متعلقه بها حتى وإن كانت لاتحسب بالمعدل التراكمي .. لانها من متطلبات الدراسه الجامعيه لكي يسمح لك بدراسة مواد التخصص .. وهي تأخذ على الاقل ثلاثة فصول دراسية !
وسوف يتم حسابها من ظمن مدة البعثه الأكاديمية .

وجوابا على سؤالك الأخير ..
يسمح لطالب اللغه بتغيير المعهد مره واحده فقط !
فإذا كان الطالب لم يغير معهده مسبقا .. فيسمح له تغيير المعهد حتى بعد التمديد !
والأهم أن يكون الطالب لازال في مرحلة اللغه .. أي أنه لم ينتهي منها بعد !
وإذا قام الطالب برفع قبول جامعي للملحقيه .. فسيتم إيقاف مدة اللغه وتحويلها الى مدة الدراسه الاكاديميه ..
وعادة يوقف عليه الصرف حتى تاريخ بدء الدراسه الجامعيه ..

فلذلك .. لاتفكر بهذه النقطه .. لانها سوف تتعبك ..!
لانك تحاول أن تستغل النظام لصالحك بطريقة غير مباشره .. ولكن هذه الطريقه ستدخلك متاهات انت غني عنها !

لان الوزارة لم تغفل عن هذه النقاط .. فلو تخرجت من المعهد الاول في فترة التمديد .. وبقي على فترة التمديد 6 اشهر .. وذهبت الى معهد اخر ... (دون أن ترفع شهادة التخرج الى الملحقيه).. ودرست 6 اشهر .. ولم يسعفك الوقت لتتخرج .. ستوقف الملحقيه عنك الصرف .. وستطالبك بإرسال شهادة التخرج .. ولن تعطى تمديد ..
وإن رفعت شهادة التخرج من المعهد القديم .. لن تقبله .. وستطالبك بإرسال شهادة التخرج من المعهد الحالي ..

فمن باب راحتك وإبعادك عن المشاكل .. أن تمسك على الطريقه المعروفه وهي أن تتخرج من المعهد وتقوم بتغيير مرحله وترفق شهادة التخرج مباشرة .. حتى وإن كنت قد انهيت اللغه قبل انتهاء فترة اللغه المحدده لك من الوزاره سواء قبل التمديد او بعده !

وأي تحايل على النظام قد ينهي بعثتك نهائيا !

فأرجوا الإنتباهه لهذه النقطه !

شكرا علي تجاوبك اخوي

كل شي واضح طيب وان كان الطالب سوف يقوم بتغيير المعهد فقط دون الجامعه وقام فقط بتاجيل القبول الي الخريف ٢٠١٤ اي انه قام بانها متطلبات اللغه من ناحيه الجامعه

باختصار بيصير مشاكل مع الملحقيه وتطلب توفل من جديد او انه مادام الجامعه موجوده والقبول موجود ماراح يمانعوا

علما والله اني بس متخوف من المرحله الاكاديميه وسبب النقل بس لتحسين اللغه اكثر وليس للتحايل علي اصدقائي الوزاره التمديد تمت الموافقه عليه وخلاص بس انا سجلت فل اكاديمك الان

ونزلت مواد اكاديمك علي الفصل الجاي وقلت استخير وبصراحه استخرت ولازلت في حيره شديده وماخاب من استشار

شكرا يالغالي تمنياتي لك بالتوفيق

اقتباس:

---

المشاركة الأصلية كتبت بواسطة ياسر1987

شكرا علي تجاوبك اخوي

كل شي واضح طيب وان كان الطالب سوف يقوم بتغيير المعهد فقط دون الجامعه وقام فقط بتاجيل القبول الي الخريف ٢٠١٤ اي انه قام بانها متطلبات اللغه من ناحيه الجامعه

باختصار بيصير مشاكل مع الملحقيه وتطلب توفل من جديد او انه مادام الجامعه موجوده والقبول موجود ماراح يمانعوا

علما والله اني بس متخوف من المرحله الاكاديميه وسبب النقل بس لتحسين اللغه اكثر وليس للتحايل علي اصدقائي الوزاره التمديد تمت الموافقه عليه وخلاص بس انا سجلت فل اكاديمك الان

ونزلت مواد اكاديمك علي الفصل الجاي وقلت استخير وبصراحه استخرت ولازلت في حيره شديده وماخاب من استشار

شكرا يالغالي تمنياتي لك بالتوفيق

---

انا كلامي كله كان على هذه النقطه .. ولا تكلمت عن النقل من الجامعه .. بل كنت اتكلم عن المعهد ياغالي ;)

ومادامك سجلت بالجامعه ونزلت المواد على الفصل الجاي .. توكل على الله ولا تخاف .. بس تأكد من المواد اللي بتنزلها تكون خفيفه لاتثقل على نفسك من اول فصل ..
يعني ابتعد من مواد النظريه اللي تحتاج قرايه كثير وحفظ .. مثل الهيستوري والسايكالوجي وغيرها ...
خلك على المواد الخفيفه مثل الرياضيات والكوميزيشن والسبيتش .. هذي بتكون بدايه حلوه لك ومابتكون ثقيله مره .. بالعكس راح تساعدك بانك تفهم نظام الجامعه ونظام الدكاتره والتدريس ..
ويصير الفصل الثاني خلاص تعودت على الوضع وصار من السهل انك تنزل اللي تبي !

ولا تحتار ولا شي .. انت ماخلصت لغه الا اكيد ان عندك امكانيات ومهارات باللغه ممتازه .. بس انت خلك واثق من امكانياتك باللغه وتوكل على الله ..
والشي اللي تحس نفسك تحتاج الى زياده فيه .. ركز عليه .. مثلا تحتاج انك تطور مهارة القرائه .. اقرا كثير .. عندك مثلا ضعف بالكتابه .. اكتب كثير وطور مهارة الكتابه ..

يعني طور نفسك بنفسك .. المعاهد ماراح تجيب لك نتيجه .. اجتهادك الشخصي هو اللي يجيب النتيجه !

وبالتوفيق ياغالي .,

حبيبي انت كلامك جدا مشجع الله يعطيك العافيه

عطني رايك بالمواد اول فصل وش رايك اغير السينما ولا بيكون الكلاس مفيد
والفصل الثاني بعد نزلت المواد من الحين

FALL 2013
CIN
Introduction to Film
MTH
CLASS)
MTH
(WKSP)
WRT
Basic Writing


WINTER 2014

EGR-120-001
Engineering Graphics and CAD
CLASS

EGR-120-002
Engineering Graphics and CAD
LAB

GEO-200-004
Global Human Systems

MTH
AND
WRT
Composition I

اقتباس:

---

المشاركة الأصلية كتبت بواسطة ياسر1987

حبيبي انت كلامك جدا مشجع الله يعطيك العافيه

عطني رايك بالمواد اول فصل وش رايك اغير السينما ولا بيكون الكلاس مفيد
والفصل الثاني بعد نزلت المواد من الحين

FALL 2013
CIN
Introduction to Film
MTH
CLASS)
MTH
(WKSP)
WRT
Basic Writing


WINTER 2014

EGR-120-001
Engineering Graphics and CAD
CLASS

EGR-120-002
Engineering Graphics and CAD
LAB

GEO-200-004
Global Human Systems

MTH
AND
WRT
Composition I

---

عزيزي .. حاول انك ماتاخذ شي برى الخطه الدراسيه ! هذي شغله ..

الشغله الثانيه .. اساسا انت وش تخصصك ؟ لاني اشوف انت منزل الجرافيكس والكاد وانت حاط بمعلوماتك تخصص الكترونيات ؟ وانا اعرف ان التخصص هذا مافيه برامج جرافيكس !

لاتنزل شي ماهو مرتبط بخطتك الدراسيه .. لان بكذا راح تضيع وقت على الفاضي .. فلابد تنتبهه لهالنقطه ...
ممكن احيانا تضطر انك تنزل ماده او ثنتين من خارج الخطه لاجل تكمل عدد الساعات المطلوب .. لكن هذا يجي بعد نص المشوار .. بعد ماتنتهي من اغلب المواد من خطتك الدراسيه !

فلذلك .. اول شي شوف الخطه الدراسيه عندك .. شوف ايش الكورسات المطلوبه عليك .. ورتبها حسب صعوبتها من الاسهل الى الاصعب .. حتى يسهل عليك اخذ الكورسات .. وخليها عندك ثابته .. وكل كورس تاخذه اشطب عليه .. حتى تنتهي من الكورسات ..

توزيع الكورسات على السميسترات في البدايه بيكون اضطراري لبعض الكورسات .. بعد ماتفتح جميع المواد .. خلاص تبتدي تاخذ راحتك بالتوزيع .. ويصير تقدر مثلا تحط مادتين سهله ومادتين صعبه .. او ثلاث مواد سهله وماده صعبه .. يعني توازن باختيارك .. حتى مايكون ضغط كبير عليك ومن ثم تحاول انك تنجح فيها كلها .. ولكن بالنهايه تلاقي نفسك ضيعتها كلها !


بالنسبه للـ Fall 2013
اشوف ان الماث والبيسك رايتنج اوك .. بس مادري عن وضع كورس السينما .. وهل هو موجود بخطتك الدراسيه والا لا ..

نفس الكلام بالوينتر ..
الجرافيكس و الهيومن سيستمس .. مادري وش وضعها بالضبط مع خطتك الدراسيه .. وحتى لو كانت بخطتك الدراسيه .. فانت مره استعجلت فيها ..

اول سميسترين لابد تكون مركز على المواد العامه .. حتى تتعود على نظام الجامعه وتاخذ عليه وبعدها من السميستر الثالث تبتدي تدخل بمواد التخصص .. هذي مجرد نصيحه !

الا اذا انت عارف المواد وعندك معرفه مسبقه فيها وفي محتواها .. يعني مثل ماتقول متمرس فيها ومتاكد انك راح تجيب فيها درجات عاليه ! فهذا شي ثاني طبعا !