الأعضاء الإشتراك و التسجيل

الملتقيات
ADs

والله لو انهم بيعنوني رئيس الولايات المتحدة الامريكية كان اصدروا القرار وخلصوا !!

والله لو انهم بيعنوني رئيس الولايات المتحدة الامريكية كان اصدروا القرار وخلصوا !!


NOTICE

تنبيه: هذا الموضوع قديم. تم طرحه قبل 3558 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية bi!rd
    bi!rd

    مبتعث مميز Characteristical Member

    bi!rd الولايات المتحدة الأمريكية

    bi!rd , ذكر. مبتعث مميز Characteristical Member. من موزمبيق , مبتعث فى الولايات المتحدة الأمريكية , تخصصى student , بجامعة IU
    • IU
    • student
    • ذكر
    • South Bend, IN
    • موزمبيق
    • Apr 2007
    المزيدl

    March 23rd, 2008, 12:17 AM

    يعني اللي يشوفهم يقول انهم جالسين يدرسون قرار تغيير دستور دولة مثلاً.. او يدرسون فكرة غزو فنزويلا او الاطاحة بالنظام الشيوعي الصيني او يدرسون فكرة اشعال الفتنة بين ايران والعرب او الاستيلاء على السودان لاستخدام اراضيها الخصبة او او او او تعييني رئيساً للولايات المتحدة ؟؟!!

    يا عالم ملفي كله على بعضه ثلاث ورقات .. لالا عفواً .. ورقتين..

    شهادة الثانوي مترجمة واصصصصصصلية صادرة من ادارة (بين قوسين التربية) والتعليم وموقعة من وكيل ادارة قسم الاختبارات موسى الغامدي (صراحة مو هو اللي وقع لي لانه كان في البنك وتارك عمله للجن والعفاريت فاظطريت اني اوقعه من موظف اخر نيابة عنه .. وطبعاً هذا نظامهم هم في حال غاب السيد صاحب الصلاحية بالتوقيع) المهم اني بعد هذا التوقيع الثمين ذهبت الى وزارة الخارجية لعنة الله عليها كم اكرهها ..

    هل تريد ان تعرف ماهو الكبر ؟ وماهي الغطرسة ؟ وكيف يتم اذلال الناس.. والنظر اليهم كأنهم غنم او ابل او خنازير احياناً ( هي انت ليش واقف؟ اجلس محلك.. قوم تحرك .. لا تجلس هنا.. هيييييييييي انا ما قلت لك اجلس هناك ؟ ليش واقف هنا؟ اجلس ياسيد !! يا سيد اجلللسسسس !! بتجلس ولا لا ؟؟ اجلس لا تخليني ارميك برا ! ..) طبعاً اكثر من يتم معاملتهم بهذا الاسلوب من قبل موظفي وزارة الخارجية بجده هم الاجانب .. كون السعوديين اعلى مرتبة وانظف وارقى منهم.. وكون الاجنبي الواحد بنصف او ربع سعودي احياناً ..لذلك يتم معاملته كالبهيمة.. واحياناً يتم معاملة السعودي بنفس الاسلوب كذلك .. هذا بالنسبة للمنظمين والعسكر والحراس .. حتى داخل صالة الانتظار.. اما موظفي الخارجية اهل المراتب العالية الجالسين خلف الزجاج العازل فهم يرون الجميع انهم حشرات سواءاً كانوا سعوديين او اجانب.. فيهم كبر وغطرسة لم ارى مثلها في حياتي .. ( ومن هنا انصح بعدم تعيين اهل المراتب العالية في اماكن يحتكون بها مع عامة الناس.. لانهم غالباً ما يكونون متكبرين ومتغطرسين وسيضايقون الناس البسطاء ويضايقون انفسهم ايضاً )

    وبعد ان خرجت من هذه الوزارة السوداء ذهبت لفديكس وارسلت الاوراق بميتين وتسعين ريال (وبما اني غامدي فلا زالت حرارة هذه الخسارة تشتعل في قلبي الى الان للاسف ههههههههههه)

    المهم وصلت اوراقي المباركة اخيراً الى صديقي الذي يتواصل معي من الجامعة في امريكا واسمه بالمناسبة " تيان زابيان "

    شاب مؤدب خلوق ..يغضب علي احياناً واغضب عليه .. اخطط ان اعزمه على وجبة افطار عند وصولي الى الجامعة ان شاء الله ( اختيار وجبة افطار تحديدًا كان اقتصادي بحت على فكرة "ما قلنا غامدي!" )

    المهم السيد المحترم حبيبي تيان هذا ما عاد شفت وجهه .. سحب علي بعد ما سددت رسوم الابلكيشن وعبيت الفورمات ..

    وشكلي بكنسل فكرة وجبة الافطار هذي واتوطى في بطنه اول ما اشوفه ..

    سؤالي الان

    كم من الوقت تحتاج الجامعة لمراجعة الابلكيشن واصدار قرار القبول ؟
  2. يوه منك طير كلامك كثير .....امزح
    لا نصاب ما تمزح انت صادق..

    انا كلامي كثير في المكان اللي ارتاح فيه
    اما المكان اللي اكرهه مثل وزارة الخارجية فتشوفني ساكت مثل الجني ..

    بعدين ياخوي وربي اني طفشت
    والله اني شغال على اجراءات هالبعثه من يوم كنت في الصين
    وجيت هنا قلت بس اسبوع واحد وانا مخلص كل شي

    ولكككككككككككنننننننننننننننن للاسف

    ماقووووول الا الله يعين بس

    ترى بيني وبينك وبصراحة يعني
    ما كتبت الموضوع لاني محتاج جواب على سؤالي ..لالا

    سؤالي كان حجة فقط لكتابة الموضوع

    كتبته لاني لازم افضفض
    ولا والله لانفجر

    غير كذا ياخي سعودي وقاعد في السعودية

    ماعندي الا مبتعث

    بالله وين تبغاني اروح

    والله شي يجيب الهم

    هوووووووووفففففففففف بس


    شكراً لمرورك وحياك الله
    7 "
  3. ( هي انت ليش واقف؟ اجلس محلك.. قوم تحرك .. لا تجلس هنا.. هيييييييييي انا ما قلت لك اجلس هناك ؟ ليش واقف هنا؟ اجلس ياسيد !! يا سيد اجلللسسسس !! بتجلس ولا لا ؟؟ اجلس لا تخليني ارميك برا ! ..)
    بديت احس ان الغلط فيك ,, ياخي ليه ماتجلس وتفكـه ؟!

    -----
    عموما ياخوي الي مريت فيه جزء مما مرينا فيه لانك زي ما انت عارف الرياض تعقيداتها اكبر واماكنها ازفت ,, بس احس انك بالغت في بعض النوأحي ,, ولكن من الممتع رؤيتك منفعل كذا ,,
    ان شاء الله تحصل على قبول , وتعزم خويك على ( دغابيس ) !!

    بالنسبه للجامعه تحتاج من اسبوع الى اسبوعين في الغالب , ويمكن تاخذ اكثر ,
    الله يوفقك
    7 "
  4. ان شاء الله تحصل على قبول , وتعزم خويك على ( دغابيس ) !!
    هههههههههههههههههههههههههههههههههههههههههههههههههه هههههههههههههههههههه

    الله يسعدك ياشيخ هههههههههههههههههههههههههههههههههههههههه


    تخيل بالله

    هلووووووووو تياااان

    ذس از دقااابيسسسسسسسس ههههههههههههههههههه

    وربي لو اذبحه ما ياكلها

    ياخي شكلها يخوف

    تحس ان داخلها متفجرات


    المهم ترى الموظف هذاك ما كان يكلمني والله

    كان يكلم اجنبي

    وهم اسلوبهم كذا مع كل الاجانب تقريبا

    وانا كفشت اسلوبهم الزفت مع الاجانب كيف ؟؟

    لاني ما رحت بالزي الرسمي ..

    رحت ببدلة

    ووقفني العسكري عند البوابة

    قال لي الاقامة !

    قلت انا سعودي .. قال سعودي تجي بالزي الرسمي

    قلت لازم؟

    قال ايه لازم

    قلت طيب انا توني جاي السعودية

    كنت برا لمدة سنة

    وما عندي ثياب!!

    تلخبط العسكري وسكت ويطالع فيني باستغرااااب

    قال وين كنت !

    في الصين ..

    وخذ هاك الجواااز شوف اخر دخول متى

    قبل يومين

    جانا الظابط

    وخروا عنه

    قاضي القضاة حلال المشاكل

    قال له الجندي السالفة

    وقال خلاص ادخل

    دخلت

    وكل الموظفين يفكروني اجنبي .. لاني لو كنت سعودي لاااااااازم ادخل بالزي الرسمي

    فجربت اسلوبهم

    ونظراتهم

    وتعاملهم مع الاجانب

    يعني حطيت نفسي مكانهم وعايشت مواقفهم

    وصراحة ما الومهم يوم يكرهون السعودية

    ياخي والله تعاملنا زفت مع الاجانب

    متكبرين عليهم ماااادري على ايش

    طبعاً مو كلنا

    المهم انها ماهي اول مرة ادخل الخارجية

    هذي رابع مرة تقريبا

    يعني عارفهم زين

    المبالغة كانت بسيطة لا تبالغ انت بعد ههههههههه

    تحياتي لك يا دغبووس
    7 "
  5. الله يعينك اخوي طير وان شاء الله تطير لامريكا
    ما اجمل هذه الدعوة

    انا دايماً اقول انك رهيب في نفسي
    وما لقيت فرصة اصارحك الا الحين ههههههههه

    لا جد والله انت من الاعضاء الرهيبين في مبتعث صراحة

    تعجبني

    الله يوفقك
    7 "
  6. لله يعينك اخوي الطير
    وهذا حالنا وش السواه
    مالك الا الدعاء وربي ان شاء الله ييسرها
    بس انا عندي سوال ياريت الي يفهم فيه يجاوبني
    الحين الي يبي يدرس بامريكا بعثه >>>>> طبعا مو انا ان شاء الله رايحه ادرس بماليزيا
    وفي احد في العايله كان له سوابق بامريكا >>>>>>> عاد افهموها
    يطلعون لها فيزة ويخلونها تدرس ولا يعقدونها ويسوونها سالفه ؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.