بــخـــصو الــويســترن يــونون !!! وكذالك بطاقه الصراف السعوديه !!
ياخوان كيف طريقه التحويل في الويسترن يونيون !! وكم يأخذون على مبلغ 15 الف ريال !! وكم تجلس عشان توصلني الفلوس !
بنسبه لبطاقه الصرافه السعوديه اذا دخلتها في الصرافه الأمريكيه وشيكت على الحساب هل يغرموني على ذالك ؟؟ فيه صرافات في امريكا يقووولون لكن ماني متأكد ماتأخذ عموله على السحب او تشييك الحساب هل الكلام هذا ينطبق على الصرافات سعوديه كذالك ؟ اتمنى الأفاده وشكراً
الله يوفق كل شخص افادني
رد: بــخـــصو الــويســترن يــونون !!! وكذالك بطاقه الصراف السعوديه !!
بخصوص الويسترن يونيون التحويل لديهم 3 انواع ** نفس الوقت يكون بالسعوديه أو يوم الغد او 3 ايام عمل ...
استلام المبلغ عن طريق رقم حواله بأسم شخص انت تحدده يستلمها عن طريق فروع الحوالات -- انجاز للحوالات --- رسوم الحواله حسب المبلغ والوقت الذي تحدده ... بالنسبه لبطاقات البنوك السعوديه واستخدامها خارج المملكه . بالنسبه لمصرف الراجحي يأخذ رسوم على الاستفسار عن الرصيد وعن السحب ... تابع حسابك عن طريق الانترنت .
رد: بــخـــصو الــويســترن يــونون !!! وكذالك بطاقه الصراف السعوديه !!
أخي الفاضل غربة . .
إن كان تحتاج الويسترين يونيون لأجل يحولون لك المبلغ فأحسن لك تستخدم بطاقة بنك سعودي. .
ثانياً. . يسمح لك أن تحمل لـ 10 الآف دولار لدخول أمريكا ..
يعني مبلغ 15 ألف ريال بإمكانك حمله معك بدون تحويل وتعب .. وإذا وصلت هناك سوي له إيداع في حسابك الأمريكي ..
بخصوص معرفة حسابك .. تستطيع عن طريق الأنترنت .. سواء بآخذ الجهاز الخاص بالبنك اللي يعطيك الرقم السري .. ناسي وش إسمه .. رسومه 50 ريال سنوياً
أو عن طريق إستقبال رسالة على جوالك ... طبعاً موبايلي تجوالها على تي موبيل ببلاش .. وتستقبل مكالمات ببلاش. . يعني لو عندك شريحة موبايلي تستطيع ربطها بحسابك البنكي وتشيك عليه عن طريق النت ..
أنا أستخدم بنك الرياض .. وأشيك على حساب من صرافات مختلفة لبنوك أمريكية في أمريكا ولا يأخذون على ولا شيئ في التشييك .. لكن يأخذون رسوم على السحب
الرسوم ماهي عاليه للأمانه .. خصوصاَ اذا تسحب مبلغ كبير في مرة وحدة .. تستطيع سحب 800$ في مره وحده من الصرافات اللي عند البنوك أو وول مارت.
البنك الأمريكي راح يأخذ عليك على السحبه تقريب 3$ .. . أما رسوم البنوك السعودية أتوقع تختلف لكن بحدود الثلاثين والله أعلم ..
وفقك الله