الأعضاء الإشتراك و التسجيل

الملتقيات
ADs

ازدواجية تعامل الملحقية مع المبتعثين

ازدواجية تعامل الملحقية مع المبتعثين


NOTICE

تنبيه: هذا الموضوع قديم. تم طرحه قبل 1590 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. مع الأسف ., الملحقية لا أراها الا "مرآه" تعكس صورة من يراها !
    ولايمكنك أن ترى ماخلف هذه المرآه !

    غالبية المشاكل التي يعيشها المبتعثين , ماهي الا "قلم" في يد "أحد منسوبين" الملحقية!
    وأجزم بأن ليس هنالك مبتعث لم يواجهه مشكلة معهم طيلة فترة إبتعاثه ..!
    بل أجد أنه من المفترض أن يضاف إلى شروط الإبتعاث بند جديد " قدرة المبتعث على تحمل مشاكل الملحقيه والصبر عليها .. والدعاء لهم بالخير؟" ... ولابد أن نطالب بهذا البند : ) ..,.


    وغالبية طلبات المبتعث, تعتمد على موافقة المشرف نفسه .. فإذا كان المشرف "ابن حلال" .. لن يواجهه المبتعث أي مشكله ..
    ولكن لو كان المشرف غير ذلك .., فليس لنا إلا الدعاء !

    والإزدواجيه هنا .. تعتمد كل الإعتماد على المحسبويات ..,
    فليس هنالك مساواه بالتعامل .. واستبعد هذا الكلام عن من هم يستحقون معاملة خاصه ..,
    لأن هنالك مبتعثين , لهم ظروفهم الخاصه .. ونحن نعذرهم لذلك بل ونحاول أن نساعدهم قدر المستطاع !

    ولكن حينما يكون الطالب لايستحق تلك المعامله .., ويعطى حق من حقوقك ., والذي قد تم رفضه مسبقا في طلبك !
    فهنا تكون المصيبه !

    كمن يطلب تأجيل لاجل الرجوع للسعودية في حالة وفاه .. ويتم رفض طلبه .. واخر يطلب تأجيل لاجل زواج "أخوه" ويقبل طلبه !؟

    الملحقيه تطبق "آلية" الوزارات والدوائر الحكومية بالسعودية .. فليس هنالك فرق بالتعامل ابدا !
    فكما أن "المماطله" من إختصاص المسؤولين داخل السعودية .. فهي ايضا من "إتكيت" التعامل بالملحقية الثقافيه ..
    فلا تستغرب من كثرة الأجانب في الملحقية .. فإنها نفس آلية "السعوده" في وطننا الحبيب !
    لماذا يتم توظيف سعودي .. ويصرف له رواتب وبدلات عاليه .. بينما يمكن أن يتم توظيف "أجنبيين" بنصف المرتب الذي سيصرف للسعودي الواحد ؟!
    القنصليات والملحقيات الخارجيه لاينطبق عليها نظام التوظيف في البلدان الاجنبيه .. لان لها أنظمة خاصه !
    هل سبق وأن رأيت موظف سعودي داخل القنصليه الأمريكية بالسعودية ؟

    لو تباحثنا في مشاكلهم .. لصدرنا سلسلة من الكتب !

    لذلك لا أجد أن اقول إلا " حسبنا الله ونعم الوكيل"
    7 "
  2. الآن بعض الجامعات فيها فوق ١٠٠٠ طالب سعودي ..
    ليش مايكون المشرف مكتبة في الجامعة بدل الملحقية ؟؟
    ويكون الطلاب مرجعهم عندهم ومباشر ...

    هذي كانت فكرة واحد من الشباب كان عندي قبل فترة ..
    الجامعة اللي عندها عدد كبير من الطلاب السعوديين ماراح ترفض اعطاء مكتب لمشرفهم .
    خصوصاً وان الجامعة يجيها دخل قوي من الطلبةا لسعوديين
    7 "
  3. وعليكم السلام ورحمة الله وبركاتة

    الله يحيك يا أحمد .. .

    وكلامك في محله .. نعم يوجد إختلاف في إتخاذ القرارات تجاه كل حالة ... //

    ربما اختلف مع بعض الإخوان في الأراء .. وإن شاء الله ماينقال مطبل للملحقية بس : )

    أتوقع المشكلة مو في الملحقية فقط .. الملحقية من مسماها هي مجرد ملحق تابع لوزارة ..

    يا إخوان .. حنا في السعودية نعاني من تخبط إداري كبير .. تخيل حتى في محافظات بسيطة صغيره ماتحتاج أي إحترافية في الإدارة وبرضوا تلقى تخبط إداري. .

    المشكلة ماهي في إيجاد موظفين سعوديين .. في بلدنا موظفين سعوديين ومازلنا نعاني من التخبط الإداري وإزدواجية في كل التعاملات ..

    برأيي أن المشكلة اللي تعاني منها الملحقية هي :

    1 - ضعف الكوادر المؤهلة لإدارة وتنسيق وإفادة مايقارب المية ألف مبتعث

    أقصد بكلامي أن في ضعف في الكوادر القياديه والإشرافيه في المحلقية .. فـ تجد مدير إدارة لايعرف يسير موظفيه أو حتى يعرف يتفاهم ويتحاور معك بخلق جيد , يعني بعض الأحيان يرد عليك ولا يخلي لك مجال أصلاً تشرح مشكلتك
    وأيضاً ضعف المشرفين فبعضهم تسأله سؤال اليوم وتسأله نفس السؤال بكره تلقى الجواب مختلف .. لأن لايملك الخبره ولا القدرة في الإشراف.

    2- قلة عدد الموظفين ... فلايهم كون الموظف سعودي أو العكس بما أنه يوفي بالغرض ويؤدي مهمته ... فليس عدلاً أن تقيم موظف واحد وهو مسؤول عن حوالي 500 طالب على الأقل .. .

    كيف راح يقدر يعرف مستواهم ويناقش مشاكلهم. . ويساعدهم على إجتياز مراحلهم .. وهو مو ملحق ينهي ضماناتهم المالية من كثرهم !!!

    إذاً المشكلة ترجع للوزارة اللي هي وزارة التعليم العالي .. وهذا ليس بشيئ غريب .. فأكثر وزاراتنا فيها تخبط وإزدواجية بل بعض الوزارات ميزانيتها تساوي ميزانية دول لكن دون حلول للمشاكل .. والله المستعان ..

    من الظلم أن نحمل الملحقية أعباء هي غير مسؤوله عنها .. هي مجرد جهة تنفذ أوامر معينه ..

    بالنسبة للمبتعثين :

    أخي الفاضل. . كان الله في عونك وعونا جميعاً .. دائماً حاول تكون لبق في تعاملك مع مسؤول الملحقية حتى لو إنك صاحب حق .. لاتحسب بما إننا عايشين في أمريكا راح نكون نفس نظام الأمريكان ..

    فبعض الموظفين في الملحقية يرى إن يوم ينهي إجراءات لك كأنه خدمك فيها خدمة شخصية .. مايشوف أنه عمله اللي هو مفروض يقوم به ..

    صدقني بعض المبتعثين تتسهل أموره بسبب لين كلامه وإشعار المسؤول بأنه كأنه خدمة شخصية .. وهذا شيئ خطأ لكن أحياناً إبداء الضعف سلاح ..

    أسأل الله العلي القدير أن يوفقنا جميعاً ويسهل أمورنا .. ويصلح الحال في وزارة التعليم العالي والملحقية ..

    والحمدلله في فرق بين ملحقية أول واليوم .. يعني للأمانة شفنا تطور نوعاً ما .. خاصة مع البوابة الإلكترونية ..

    وفق الله الجميع

    7 "
  4. المشاركة الأصلية كتبت بواسطة كنت أحبك
    ليتهم يوظفون أجانب بحق وحقيق
    يعني مو يروح يجيب لي شوام معهم جنسية أمريكية عشان تمشي محسوبيته
    جيب امريكان يطبقون النظام مو شرط تجيب عرب امريكان
    لإن الطلاب بعضهم يكونوا في بداية مرحلة اللغة وما يعرفوا انجلش
    لو وظوفوا أمريكان راح يحتاجوا مترجمين
    7 "
  5. المشاركة الأصلية كتبت بواسطة dead n gone
    اشكرك على الموضوع

    انت الحين جب مشرفين ( سعوديين )

    بعدين نتفاهم !!
    الي اشووووفه وجهت نظري انه افضل شي انه الملحقيه مو كلها مشرفين سعوديين
    موظف سعودي في الملحقيه = فساد + واسطات
    والله العظيم انه معدلي في المعهد مانزل عن a ولله الحمد وفوق ذا جبت درجه المعهد الي تدخل الجامعه والمشرفه مستانسه علي لكن انا اكره المدينه الي انا فيها كره مو طبيعي وانا مو مرتاح حق الجامعه
    قبل سنه وانا في اللغه طلبت ضمان بغرض القبول والي هو تخصص هنددسه مكانيكا ولله الحمد جيت درجه الايلتس طيب جيت القبول من الجامعه لاني عندي الايلتس قبل الدراسه في الجامعه ب شهر ونص تميت اسبوعين على ماوافقوا انه يحولوني الجامعه وكل طلباتهم غريبه قالي لو تحلم ما تدرس مكاتيكا لانه مقفل قالي ادرس تخصص ثاني جب قبول على اداره اعمال بعدين حول قلت له معصي والله بذي اللهجه انا كرفت في الثانوي على ماجيت النسبه اخرتها ادرس اداره قلت له انت وش تستفيد لما تحرمني من تخصص انا ابيه قال بحجه انك طالب ممتاز انا ما ابيك تدرس في ذي الجامعه قلت له طيب هذي رغبتي عددت له تخصصات في الهندسه لانه انا ما ابي ادرس الا هندسه واختار لي اسوء هندسه الي هي صناعيه الشكوى وافقت و المشكله مافي وقت انه اجيب قبول من جامعه ثانيه هذا كلام مين مدير الاقليم لاني رحت عنه لاني مليت من رفض المعامله الزبده اني رجعت مدينتي غيرت تخصصي ويرجع المسلسل مره ثانيه الي هو الرفض انا جيت تخصص هندسه صناعيه زي ماقال وعطاني ضمان مالي بغرض القبول ولما جيت القبول قال التخصص تقفل بس معه الحنه والرنه وافق وعرضعها على اللجنه الوحيد الي وقف معااااي الي هو المشرررررررفه ف الحين انا في السعوديه حسبي الله عليهم والسبب الملحقيه وتاخرت سمستر وحتمال تتكنسل الفيزا لانهم ما عطوني ضمان مالي الا متاخر وقالت لي المشرفه ما يمديك تنزل مواد والمشكله انه في طالب اعرررررفه درس في ذي الجامعه ومكانيكا والله على ما اقول شهيد
    7 "
  6. المشاركة الأصلية كتبت بواسطة إيـثـــــار
    لإن الطلاب بعضهم يكونوا في بداية مرحلة اللغة وما يعرفوا انجلش
    لو وظوفوا أمريكان راح يحتاجوا مترجمين
    اهلين أختي

    أنا كان قصدي المشرفين على طلاب الجامعات
    اما الدراسين على حسابهم الخاص وطلاب اللغة مايمنع يكونوا عرب مشرفيهم
    7 "
  7. ايييييييييييه بس
    كله يهون الا لما ينفخون عليك المشرفين لا وبعد الف اتصال يردون عليك بتفس شينة
    مدري وس يحسون فية لما يرفعون اصواتهم بالتلفون؟؟؟
    هل يعتبرونها اخلص علينا ماحنا فاضين لك؟؟؟
    طيب اذا انت منت فاضي لي فاضي لمين؟؟؟
    ماغير اقول الا لنا رب سبحانة وتعالى يهديهم لنا ويجعلهم ييسرون امورنا
    اتوقع احسن ناس بالملحقية ويردون بسرعة هم الموظفين الماليين ههههههههههه احس كل شغلهم تنفيذي يعني مايقررون شي
    7 "
  8. السلام عليكم ورحمة الله وبركاته

    قبل فترة كنت من الناس اللي يقولون الملحقيه ماتنلام على عدد الطلاب اللي هم مسؤلين عنهم
    لكن الحين ما اقول الا حسبي الله ونعم الوكيل

    اذا تبغى تتوظف في الملحقيه
    لازم يكون معك القرين كارد
    او الجنسيه الامريكيه
    طبعاً غير الشروط التعجيزيه الثانيه
    حصولنا كسعوديين على القرين كارد بحكم الوظيفه بالملحقيه امره سهل
    لكن المشكله اذا توظفوا سعوديين فاهمين ومتخرجين من جامعات راقيه مايقدرون يتحكمون فيهم مثل مايتحكمون بالاجانب
    شروط التوظيف بالملحقيه تعجيزيه وصعبه جداً

    انا ما اقول ان الملحقيه كلها تعبانه لان فيها اكثر من موظف يردون عليك بشكل يخليك تقول الحمد لله الدنيا باقي فيها ناس طيبه
    لكن هالموظفين حاطينهم في اماكن ماتسمح لهم اصدار اوامر على كيفهم

    حالياً انا من اشد الناس ضد الملحقيه الثقافيه والتعليم العالي وطرق تعاملهم مع المبتعثين
    ومثل ماذكرت اخوي شخص تمشي اموره وشخص ماتمشي اموره
    ماتدري هي مزاجيه او ازدواجيه

    مشاكلي معهم كثيره من دون اسباب وانا من الناس اللي يرفع الاوراق اول بأول ولا عندي اي مشاكل مع الجامعه وماشي سيدا
    مشرف اللغه وخلصنا منه وجاء بعده المشرف الجامعي اللي بداية كل فصل دراسي لازم هولد والاحق وراه لين يفك الهولد وطبعاً الهولد اللي يجيني هولد عن الراتب وعن التكاليف الدراسيه
    وبعد مشاكل مع المشرف ضبطت الامور وصار مافيه مشاكل وامورنا تمام وتصافينا
    تم تغيير المشرف الدراسي مره ثانيه والمشرف الجديد مستقعد لي بكل صغيره وكبيره
    يوافق على تسجيل المواد وبعدها يلغي الضمان المالي بحكم عدم تسجيل المواد والهولد قبل المكافأه بيوم يجيني وانذارات من الجامعه
    وبعد شد واخذ وعطا قدمت شكاوي ورجعت للسعوديه وتم الموافقه على تغيير المشرف بأمر من التعليم العالي
    لكن المشكله الاكبر المشرف الجديد صاحب المشرف اللي قبله
    والحين كملت اكثر من شهر من الفصل الدراسي والمكافأه موقفه لان عندي هولد والضمان المالي ملغي
    السبب اني طلبت تذكرة عوده وانا رجعت لفترة اقل من الفتره اللي رجعوا فيها الشباب اللي معي بالجامعه بالعربي ما فيه سبب يخليه يسوي كذا
    لكن لاني شكيت صاحب المشرف بيمرمطني معاه
    والاوراق حالياً موقفه بالملحقيه والمشرف الاقليمي مايرد لا على اتصالات ولا على ايميلات
    رفعت اكثر من استفسار عن طريق البوابه والرد يجي "For Tickets"
    واستفتسر عن طريقة رفع الهولد وطلب الضمان يجني الرد "For Tickets"
    اكلم المسؤلين بالملحقيه ما احد يرد ارسل ايميلات
    يجيني الرد بأن معاملتي عند المشرف
    واشرح لهم بأن المشرف يقول "For Tickets" ولا يرد علي
    يحولوني على القسم الفلاني والقسم الفلاني يحولني على قسم ثاني وعلى هالحاله

    طبعاً ما تم اخباري ان عندي ايقاف بالصرف او الغاء الضمان المالي من قبل الملحقيه
    المكافأه تأخرت علي وجاني اتصال من الجامعه ان الكلاسات ملغيه لاني مادفعت لهم
    وبعد ما رحت للجامعه وشرحت لهم وضعي مع المشرف وانه مو اول مره تحصل لي سمحوا لي اني ادفع لهم علشان ماتنلغي الكلاسات

    وابقدم نقل من مدينتي لمدينه ثانيه علشان المشاكل مع المشرفين


    طريتهم بالتعامل معنا راح تخليهم يندمون في المستقبل
    انا سعودي وافتخر واتمنى الخير لوطني من كل قلبي
    لكن ليش هذا التعامل من الوطن وغيري قاعد وحاط رجل على رجل ويحذف ويسجل مواد ومعدله نازل ولا عنده اي مشكله
    وانا اللي اتعب واجتهد واحاول المحافظه على المعدل تجيني المشاكل

    فيه ناس تقول ان هذا مشروع تغريبي
    وش المشرع التغريبي اللي فيه يبنى بالطالب كره الدراسه خارج السعوديه
    ويقول ليتني بالسعوديه اقلها فيه احترام للي محترم نفسه
    صحيح ان بالسعوديه نظام "مش كويس" لكن المعامله اللي كنت اقابلها بالسعوديه افضل من المعامله اللي اقابلها في امريكا
    كانت عندي مشكله وحده بالسعوديه فيه دكتور موقف لي بماده ورحت تفاهمت معه وجه لوجه وتقبلني لاني جيته بأسلوب محترم ومقدر للشخص اللي قدامي انه دكتور اكاديمي
    لكن بالملحقيه لو تجي بأسلوب او بدون اسلوب وما عندك واسطه ما راح تمشي امورك الا بأمر من الله سبحانه وتعالى
    7 "
2 من 6 صفحة 2 من 6 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.