طبعاً عدم الفهم في المستوي الاول من المرحلة الجامعية امر طبيعي
الرئيس العام November 9th, 2013, 10:36 AM
7 " ،
نفس الحالة وافكر كثير قلت بحذف بس ما اقدر لان انا عندي ٩ كريدت اذا حذفت بتصير مشكلة وانا طالبة انترناشونال
عشان كذا فوضت امري وحالي لله ولا على الحالة النفسية قبل وبعد كل امتحان تصير سيئة
استغفر الله العظيم الله ييسر
كل ما اسآل يقولوا اول سمستر كذا ،،
اول فصل بداته كان في الصيف والبرفسور اللي انا عنده قلي انتي من قلك تيجي تدرسي هنا وكان يتمسخر ويسآلني انتي تخصصك رياضيات
وبعدين مارضي يسجلني في المادة وقلي ابغى اتكلم مع اللي يدفع لك فلوس الدراسة واقوله هذي ماتصلح يومها كان دمعتي طارفه وماسكة نفسي
غصب ،، والحمدلله رب العالمين مشيت في مادتين ودخلت هذا السمستر الفعلي لكن برضوا في صعوبات واقول عندي مادة احتمال ارسب واحتمال
بعون الله انجح انا احاول والله كريم المادة مرة صعبة وشفت امريكان معاي في الكلاس بعد ماشافوا درجاتهم بعض منهم كان يبكي ،،
العيب مو فيني ممكن فترة وتعدي اتذكر في البكالويوس اول سنة جبت ٧٢٪
وتخرجت ٨٩٪ في سنة رابعة
،
حَياة November 10th, 2013, 02:07 AM
7 " متخرج من مدة طويلة .. تخصص كيمياء ..
والغالب اني نسيت اللي درسته .. لاني مامارست اللي درسته بوظيفتي ..!!
الماستر عندي سنة وحدة فقط .. يعني لا قدر الله ان ما تأقلمت في الترم الاول او استصعبت عليا الامور ..
مافيه الا الترم الثاني للتعديل .. وصعب انك تعدل وضعك بترم واحد ..
انا بفترة اللغة الان ..
وللامانة هالموضوع شاغلني .. وافكر بالرجعه ..
يقولون ماتحمل الغربة ورجع ..
ولا يقولون دخل الجامعة وفشل ..!!
Ingenuity November 10th, 2013, 04:35 PM
7 " اخوي هذا لايسمى ضياع , يسمى بداية الانطلاق نحو القمة انت الان كسرت حاجز الخوف و الارتباك
وانخرطت في الدراسة الاكاديمية الشاقة و بدأت بالنجاح و لو في مادتين بغير لغتك الأصلية هذا يعتبر انجاز
لا تذم في نفسك لو كان الطلاب الامريكان يدرسون باللغة العربية بالسعودية لحصلوا على F- في جميع المواد
ibm2000 November 10th, 2013, 07:34 PM
7 " كلنا اول سيمستر ما ندري وين احنا فيه بس ربك يسهل يا اخوي
اللي رح افيدك فيه هو التالي
حتى و ان كنت ما تفهم واصل حضور المحاضرات بـ انتظام و استفسر عن كل شي انت ما تعرفه من الدكتور ,, حتى لو ما فهمت عليه المهم انه الدكتور
يعرفك و يعرف انه تجتهد و تعمل الافضل
الشيء الثاني على الاغلب معظم الجامعات فيها مراكز مخصصة للي يواجهوا صعوبات في التعلم اتواصل معاهم ممكن يفيدوك ,, لانه احيانا الطالب يتوتر قدام ورقة
الامتحان و فايدة المركز انه يعطيك توصية تقدمها لـ الدكتور بـ انه يقيم مستواك عن طريق اي شيء اخر غير الاختبارات التحريرية و الشيء هذا مفيد جدا
لا تستسلم و لا تيأس
اول ما دخلت الجامعة في اول سيمستر كنت على حافة الرسوب في مادتين من اصل ثلاثة ,, و الحمدالله ربك لطف و نجحت فيها
الان في السيمستر هذا انا اسعى لانه انهي جميع المواد بـ تقدير A و الى الان الحمدالله ربي موفقني في مسعاي ,, دائما الخطوات الاولى هي الاصعب و بعدين تبدأ الامور تتدرج في السهولة
اقرأ كثير عن المواد اللي تنزلها ,, مش منطقي انك في اول سيمستر تنزل مواد صعبة !!! حاول انه كل سيمستر تنزل معظم المواد سهلة و مادة او مادتين صعبة عشان تتفرغ تذاكر لهم بـ طريقة مكثفة
لو كل موادك صعبة رح تاخذ وقت و مجهود و انت تحاول تنجح فيها و في الاخر رح تفشل في الكل ,, فـ سهل الامور على نفسك و استفيد من مرونة النظام التعليمي في امريكا
عادة الملحقية ما تدقق كثير على اول سيمستر بس لا تعتمد على هـ الموضوع لانه من مشرف لـ مشرف الوضع يختلف فـ بالتالي ممكن يكون مشرفك اقشر و يصكك بـ انذار من اولها
و ممكن يكون متفاهم و يمشي لك ,, في كل الاحوال اجتهد انك تنجح بـ اعلى مجموع ممكن و لا تنسى انه رفع المعدل التراكمي جدا صعب لما يكون نازل في البداية
كل التوفيق لك
أوكاسيا November 11th, 2013, 06:20 AM
7 "
لصاحب الموضوع: شفت هالحين كلنا عدينا بتفس مرحلتك فاوضعك ان شالله تمام بس اول ترم وبعدين بتقول اثاريني كنت مهذل عمري وافكر بالرسوب والامور اصلا سهالات