محتاج مشورتكم من اهل الخبره بين دراسة الماجستير وترك الوظيفة

السلام عليكم ..
بالنسبة لسؤالك الاول فان المرافق له -معظم- حقوق المبتعثة من دراسة لغة وجامعة وراتب والخ . واكيد قرات هذا الشي في المواضيع الموجودة في المنتدى ..
سؤالك الثاني .. اكيد انت اعلم فيه اسال نفسك الاسئلة هذي .. هل انت حاليا مرتاح في عملك وراتبك مناسب.هل الاشخاص المتخرجين بنفس تخصصك ماجستير لهم وظائف افضل ومجال ترقيتهم افضل .. هل بتضمن الوظيفة بعد عودتك .. او على الاقل عندك مساند في حال رجعت وما لقيت وظيفة مباشرة..
اخوي ترى فيه شي فاهمينه غلط اغلب الطلاب في المنتدى.. هدفهم الابتعاث او هدفهم الماستر او الدكتوراه.. البعثه مو هدف ولا الماستر .. هم كلهم وسائل لتوصل لهدفك في النهاية .. اذا انت وظيفتك الحالية تحقق فيها كل شي تبغاه .. راجع نفسك هل تستحق اني اضحي فيها او لا

بالتوفيق لك

اذا مرتاح في عملك من ناحيه الراتب وطبيعه العمل فلا تقدم الاستقالة
يعتمد الموضوع ع ايش هدفك من الماستر؟
فكر في الأبواب اللي راح تفتح لك بشهادة الماستر يعني هل هيا افضل من وضعك الحالي ولا وضع مشابه
فكر هل القطاع الخاص يفضل شهادة الماستر أو البكالوريوس
اسأل شوف حمله الماستر في تخصصك فين ممكن يلاقوا وظيفه احسن
اعتقد انت تخصصك حاسب وفي اعتقادي الحاسب لسا مطلوب ومافي اكتفاء منك وممكن اذا أخذت الشهادة تلاقي لك عرض كويس في يوم المهنة ...
فكر كويس القرار مو سهل وأحسبها صح شوف وضعك حاليا وفكر ايش تبغى وضعك يكون في المستقبل يعني لا تروح بعثه لمجرد انك تبغى تروح


بالتوفيق


( تمت المشاركة باستخدام تطبيق مبتعث )

انا بشكل شخصي لااؤيد الاستقاله من العمل الا في حالات معينه مثل
ان الوظيفه راتبها غير مرضي
ووظيفه عاديه بدون مزايا
وقتها الواحد يستقيل وغير متحسف
طبعا حاول بالشركه لو يعطونك اجازه سنه
معقوله نظام الشركه يمنع ذلك
ليتك تراجع الائحة ممكن تلقى لك غثره
وبرضو لو عندك واسطه او معرفه
حاول فيها
ترى ربعنا يجي معهم بالواسطه
لكن فيه نقطه حاب اوضحها لك
انه مصيرك ك مرافق مرتبط بمصير المبتعث
حتى يتم الالحاقك بالبعثه
ولن يتم الالحاقك حتى تحصل على قبول جامعي نهائي وغير مشروط

لا تستقيل...حاول في السته شهور تجيب قبول الجامعه وتشوف الوضع بعينك....
تخاف تستقيل وبعدين ماتقدر تكمل هناك..
الله يوفقك

( تمت المشاركة باستخدام تطبيق مبتعث )

لا تقرر الحين جرب خلال الـ ٦ أشهر شوف وضعك قبل وكيف أمورك تسير بالدراسه وهل حصلت قبول جامعي وتيسرت امور دراستك ولا لا!

وقتها قرر بتكون عشت الموقف وجربته.. وقبل كل شيء أهم شيء الاستخارة ثم الاستخارة .. الله يكتب لك اللي فيه خير!


( تمت المشاركة باستخدام تطبيق مبتعث )

استخير
انا استقلت عشان الماجستير وليا الان بعد حصولى علية سنتين من غير عمل للمعلومية كان راتبى ممتاز
ثم استخير

مغامرة كبيرة ، حاول تستخير
خصوصاً انك في قطاع من افضل القطاعات التي تجمع بين مزايا القطاع الخاص والحكومة

فكر ثم فكر
وظيفتك ومستقبلك أهم من كل شيء ، زوجتك خلها تأجل البعثة

بصراحه يالغالي وضعك جدا صعب وانا مريت فيه . . .

لاكن هذا يعتمد على وضعك اذا كانت وظيفتك مريحه وراتبك ممتاز . وحوافز والاهم من هذا ( مستقر في مكان العمل من حيث المدينه الي انت فيها )

انا مهندس الكترونيات مشيت على شعر راسي عشان القى وظيفه ولا لقيت الا بـعد 5 شهور من التخرج بشركه يابانيه والى الان لي سنه كامله في الشركه واقدم على خيرها ولاحصلت . .

ومن ناحيه الماستر والبكالوريوس . . صدقني الماستر فرص وظائفه تنخفض بشكل كبير انا بكالوريوس جنبي واحد ماستر نفس البوزشن والراتب لا وانا اقدم منه بعد ههههههههههه ب3 شهور

خلاصه الكلام لاتستقيل وظيفتك ممتازه جدا عسى ربي يوفقك اطلع مع زوجتك . الـ6 شهور هذه

وبعدها ارجع ورتب امورك ماتدري يمكن ربي ييسرها لك وتقدر تاخذ تمديد او زوجتك تقدر تاخذ تاجيل ترم

ربك بيحلها من عنده ان شاء الله توكل على الله بس .. والله يكتب لك الي فيه الخير ان شاء الله

لي تعليق بسيط لم يتطرق اليه احد من الاخوه

موضوع خبره ثلاث سنوات ,,

اذا اخذت الماستر وقدمت على الحكومه مثلا الخاص مدري ؟

مراح تستفيد من الخبره ابدآ لانهم يعتمدون الخبره اللي بعد اخر مؤهل حصلت عليه

يعني مثلا انت عندك خبره ثلاث سنوات بعد البكالوريوس

لو قدمت بالبكالوريوس يقبلون الخبره

لو قدمت بالماجستير مراح يقبلون الخبره لان الخبره قبل الماستر وهم يبون بعد الماستر خبره

مودتي :~