هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
هل يكفي جواز السفر ؟
او لازم تكون بطاقة الاحوال المدنية .. او الهوية الوطنية .. موجودة ؟
ومن سيطلبها ؟ الوزارة ام السفارة ؟
كانت معي
في الصين
سنة كاملة
من اول لحظة
الى آخر لحظة
وقبل السفر من الصين الى جده بكم يوم شفتها في درج المكتب هناك .. ويوم وصلت هنا "جده"
تذكرت اني نسيتها ..
يعني خلااص ضاعت في الصين
سبحان الله
حافظت عليها سنة ومن قوة المحافظة نسيتها هناك
المهم علموني هل سأحتاجها او لا ؟
ان شاء الله لا :fever:
وعلى فكرة عندي صورة منها .
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
هلا اخوي ،،،
ماراح تحتاجها في السفاره بس خذ الصور احتياط << من كلام مجرب بس مش انا ،،
وموووووفق يارب :)
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
الله يوفقك ..
طيب الوزارة ..
يمشي معهم الجواز ولا لازم البطاقة
كل ما اتذكر هالوزارة يمغصني قلبي مادري ليش :S
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
ذكروني بالله وش باقي بالضبط بعد ما يوصلني القبول والاي تونتي
لاني والله خلاااص احس بدا يجيني اكتئاب
كل ما خلصت شي طلع لي مية شي
المشكلة ان كل خطوة ما اطلع منها الا بعد معانااااة مادري ليش منكووب كذا دايم :s
الله يعين بس
قولوا لي وش باقي اسوي بعد ما استلم الاي تونتي والقبوول لاني مقفل ودااااايخ
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
كأنك تتكلم على لسان حالي بخصوص المعاناة ،،،ربي يعين
المهم نرجع لمحور حديثنا ،،
بالنسبه للوزارة مادري عنها بصراحه بس المفروض الجواز يكفي بس برضوا خذ معاك صور منها احتياطا ،،
بالنسبه بعد مايوصل لك القبول ،، تتوجه لموقع السفاره وتلاقي لك موعد يتناسب مع موعد بدء الدراسه ،، وبعد ماتلاقي الموعد المناسب وقبل ماتروح للموعد بيوم ليومين تروح للوزاره حتى ترسل اسمك للسفاره ،،بعد ماترسل الوزاره اسمك للسفاره ،، تروح لمقابله السفاره وبكذا ان شاء الله تنتظر الجواز ومعه الفيزا
وانتهت ثلاثه ارباع الحدوته ،،:)
وبالتوفيق يارب ،،
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
طير أخوي,
ماتعرف احد ترسلة يدور لك عنها في الصين؟
احتمال يكونو لقوها في المكان اللي كنت ساكن فيه وحطوها بالمفقودات,
باقول لك هذا الكلام لأني اعرف ان البطاقة الشخصية مهمة,
ولو تبلغ انها انسرقت منها في السفارة السعودية في الصين -او اللي تتبع لها الصين
حتى يصدرو لك غيرها ويكون وضعك رسمي
حبيت انصحك لأنه مسألة الهوية الوطنية مهمة وحاول انك ماتتهاون فيها,
الله يعينك
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
يعطيك العافية هدير انا خلاص حجزت موعد .. وموعدي يوم 29 ابريل
بعد شهر يعني .. انا اقصد التفاصيل الصغيرة اللي يمكن انساها وتأخرني شهور
مثل تسديد السيفيس هذا ورسوم الفيزا وغيرها .. وش هي بالضبط اذا تعرفينها ..
والله يعينك ويفرج همك ان شاء الله ..
مسافره والله خلاص طفشت يعني ياااااالله اشيل هم الاجراءات اللي انا فيها الحين باقي تبيني ادور عليها في الصين هههههههه وربي ليطلع لي راسين جدد استغفر الله العظيم
هي نسيتها في درج المكتب في الشقة هناك .. والمكتب والاثاث والاغراض كلها بعتها طبعاً قبل ما اطلع من الصين .. يعني البطاقة راحت خلاص ..
هيا طلعيها من بين مليار و 300 مليون صيني الحين !!
لكن بحاول اذا ازمت الامور اني اطلع وحدة لكن هل هي مهمة ؟ طبعاً في امريكا ما بتفيدني ابداً .. لكن الحين في اجراءات الوزارة ولاصدار قرار الابتعاث والتذاكر .. هل هي مطلوبة ؟
والف شكر لك وعسى ماشر وشفيه توقيعك ؟؟
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
هلا اخوي ،،
اول شي كلام الاخت مسافره صحيح ،، على الاقل حاول
بالنسبه للباقي ////
هذا الرابط لطريقة دفع السفيس للاخ هيلب يجزاه خير
http://mbt3th.us/vb/showthread.php?t=552
وهذا طريقة دفع رسوم السفاره عن طريق موقع سامبا للاخ vcvc ربي يوفقه
http://www.mbt3th.us/vb/showthread.php?t=6713
نماذج السفاره الامريكيه للاخ هليب
http://www.mbt3th.us/vb/showthread.php?t=547
وهذا الموضوع جامع لكل المواضيع الخاصه بالسفاره للاخت الطيبه مسافره ربي يوفقها
http://www.mbt3th.us/vb/showthread.php?t=22277
ان شاء الله افدتك وموووووفق يارب ،،،
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
اقتباس:
المشاركة الأصلية كتبت بواسطة ط يـر!
يعطيك العافية هدير انا خلاص حجزت موعد .. وموعدي يوم 29 ابريل
بعد شهر يعني ..
اخوي طير
متى حجزت موعد وطلع لك 29 ابريل
لان حجزت موعد وطلع لي بعد دراستي 20 May
واذا بأجل الموعد الدراسه مافي الا خريف يعني August اي بعد 4 شهور..
لله يوفقك
رد: هل سأحتاج بطاقة الاحوال خلال اجراءات البعثة ومقابلة السفارة ؟ لاني ضيعتها
مشكوووووورة يا هدير الله يعطيك الف عافية ويوفقك على هالمجهوود ..
الله يسهل امورك يارب ..