الأعضاء الإشتراك و التسجيل

الملتقيات
ADs

مرافق وصرت مبتعث وحولت المبتعث الاساسي لـ مرافق (بالتفصيل)

مرافق وصرت مبتعث وحولت المبتعث الاساسي لـ مرافق (بالتفصيل)


NOTICE

تنبيه: هذا الموضوع قديم. تم طرحه قبل 3740 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Naif1981
    Naif1981

    مبتعث مميز Characteristical Member

    Naif1981 الولايات المتحدة الأمريكية

    Naif1981 , ذكر. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى Mechanical Engineer , بجامعة Portland State University
    • Portland State University
    • Mechanical Engineer
    • ذكر
    • Portland, OREGON
    • السعودية
    • Aug 2011
    المزيدl

    December 23rd, 2013, 07:37 AM

    السلام عليكم وحرمة الله وبركاته
    حبيت اعطيكم بالتفصيل وش سويت عشان احول من مرافق لحد ماصرت مبتعث وحولت المبتعثة الاساسية مرافق
    اول شي انا كنت مرافق وصراحة كنت موظف واستقلت من وظيفتي في سبيل اني اجي للبعثة وكنت مخطط اني افصل البعثة من البداية لاني ماكنت عارف وش الخطوات وطلعت اصعب من ما تتوقعت
    بداية حنا من المرحلة السابعة وجينا هنا تقريبا في عام 2012 م والحمدلله بدينا الدراسة وكل شي وصراحة المبتعث الاساسي مخطط اصلا انه مايكمل بس انا الي كنت حريص اني اكمل وجالس اقول ما استقلت من وظيفتي عشان ارجع
    المهم بدينا الدراسة وكل شي تمام والحمدلله كانت اللغة عندي ممتازة وقدرت اجيب الدرجة بدري وقدمت على هالجامعات ومنهم الي رفض ومنهم الي يستهبل بطلباته ومنهم الي علة ياخرون كل شي
    فلا تياس ابدا وقدم قد ماتقدر انا قدمت على 7 جامعات ووحدة منهم بعد مابديت الدراسة مرسلين لي القبول ههههههههههههه بعد سنة ههه
    المهم صراحة ماكنت اقدر اطلع برا الولاية ادرس عشان الميتعث الاساسي. يعني ماتقدر تطلب ضمان مالي بغرض القبول لك كمرافق الا لما يكون بنفس الولاية تقريبا وبشرط عندهم مايتعدى 80 ميل او ان المبتعث الاساسي عنده ضمان مالي لنفس الجامعة حتى لو كانت برا الولاية
    القبول الي كان معي كان مشروط (عله هالجامعة مرة مشددين ) اظطريت اني ادرس عندهم لغة حتى وانا جايب درجة الايلتس كان باقي نص درجة بالرايتنق (عندهم شروط للريدنق والرايتنق)
    بديت ادرس عندهم لغة (اتوقع كانوا يبون فلوس بس هههه) وكان ذاك الوقت لسى ماسويت طلب انضمام مرافق للبعثة لاني ماسجلت مواد اكاديمية. لان لو سويت الطلب بيقولون جب تسجيل المواد وحول من لفة لمرافق وشفلانه طويلة.
    درست ترم اللغة ورحت للكلية الي انا انقبلت فيها وقلت مستقعدين لي ع نص درجة بالربتنق ومن هالكلام لحد ماقتنع رئيس القسم ووافق على اني اسجل مواد اكاديمية مع اللغة وقلت اوكي.
    سجلت مادتيني اكاديمية وع طول سويت طلب انضمام للبعثة والحمدلله اخذ سبوع وجت الموافقه وع طول حطولي مشرفة (واول شي سوته اعطتني انذار بالهولد) يا ساتر تونا بسم الله ليش يا بنت الناس قالت جب تسجيل المواد الاكاديمية
    ارسلت لها التسجيل وكل شي ودرسنا الترم وبعدها رحت للكلية وحذفوا شرط اللغة
    بدت الحين المعاناه وكيف اني افصل البعثة. لان المبتعث الاساسي كان لازال بمرحلة اللغة
    سويت طلب فصل بعثة مرافق وع بالي انه بيوافقون علية زي طلب الانضمام بس جا الرد اسرع من سرعة الضوء بالرفض.... ليش يا جماعة وش انا مسوي لكم خخخخخ سبب الرفض كان انه المبتعث لازم يتخرج قلت طيب يا جماعة المبتعث مالقى قبول وش الحل وهذا انا ادرس صار لي ترمين
    قالوا معليش صرف عمرك
    اتصلت عليهم وفهمتهم يا جماعة شوفوا لي حل قالوا للاسف مافي... طيب بنتنتهي بعثة الاساسي وش اسوي ؟؟؟ قالوا ارجع معها قلت معصي لو ادرس ع حسابي مارجعت.... كلمت واحد سعودي بالملحقية هو الوحيد الي رد علي الله يوفقة والباقين اجانب عندهم شروط ويمشون عليها... كلمتة وقلت له وش رايك قال امورك بسيطة بس اذا تقدر تجي تراه يسنعونك قلت الجية عادي اجي الشكوى لله

    كلمت مدير المرافقين د مشاعل الشويعر وعلمتها ان طلبي رفض وزي كذا قالت اذا المبتعث الاساسي موب ناوي يدرس خلها تنهي البعثة قلت وش الضمانات اني انضم قالت مافي اي ضمان انك تنضم وتصير مبتعث وهي مرافقة بس انت سوا طلب انهاء بعثة المبتعث الاساسي وبنفس الوقت سوا طلب فصل بعثة
    لان لو سويت طلب فصل بعثة ومالقينا طلب انهاء بعثة ماراح نشوف الطلب ابدا
    انتظرت لحد ماتخلص بعثة المبتعث الاساسي قلت على الاقل استفيد من الفلوس (الراتب لو لا قدر الله مانضميت) وسويت الطلبين وجلست انتظر لحد ماربي افرجها
    بس طلب فصل البعثة مامشى الا بعد ما تمت الموافقة على انهاء البعثة وهذا تقريبا اخذ له ثلاثة اسابيع
    طبعا رفعت لهم كل الاوراق الي يبون والتعهداات الي كانوا يبونها وكل شي.

    وبس هذي كل الحكاية
    ملاحظات:
    انا طالب ماجستير
    قبولي الي كان معي لما انضميت للبعثة كان مشروط وعادي مشى الحمدلله.
    طلبوا السجل الاكاديمي واعطيتهم حتى حق اللغة عشان يعرفون اني جاد وجاي ادرس
    صراحة د مشاعل الشويعر متعاونة وتساعد الله يوفقها.
    الموظفين تبع المرافقين عندهم انظمة يمشون عليها فلا تتوقع انه بيفهمونك شي او لما تسالهم بيعلمونك شي اكيد.
    احسب حسابك يا مرافق انه لو حالتك زي حالتي وتبي تفصل البعثة اثناء مايكون المبتعث الاساسي بدراسة اللغة او الدراسة الاكاديمية مافي امل الا اذا عندك واسطة.

    اي سؤال انا حاضر
    see you when I see you

    صح نسيت
    متصدر وعادي تكلمني خخخخخخ

  2. وعليــــكم آلسلآم ورحمــة آلله وبركآتة ..
    حيآكـ آلله ..

    ههههه يآخي معآنآهـ هآلملحقية مآفي شخص مآتضرر منهآ .. وألف مبروكـ عآلبعثــة ..
    وآلله يوفقكـ ..

    لفتني إنكـ كلمت آلدكتورة / مشآعل آلشويعر ..!!
    يآخي آلله يهديهآ ويهــدي من عينهآ فــي آلملحقية .. آلشويعــر مآتصلح حتى مسآعد مشرف درآسي مو عآد مشرف أو مدير ..!!
    وآلله مآتفقـــه من آلأمـــر شي ..!!

    بخصوص طلب ضمآن مآلي لغرض آلقبولـ .. إنت عآلنظآم آلقديم لجل كذآ لعوزوكـ فيه ..
    آلآن صآر أسهل تطبعــه بنفسكـ ..

    وآلله إنكـ مكـــآفح يآ نآيف ..
    وربي يتمم لكـ على خيــــر ويوفقكـ .. بس ودي أسألكـ وش إســـم آلجآمعة أللي قدمت عليهآ ..؟!

    ومرهـ ثآنية ..
    ألف مبروكـ .. وآلله يوفق مرآفقتكـ وَ يكتب لهآ آلأجـــر ..
    7 "
  3. سبحان الله، يعني بين يوم وليلة يتغير شيء بسيط في الملحقية ويتغير وضع عشرات أو مئات من الناس. الحين الضمان المالي كان مخصص وما تقدر تأخذه إلا بموافقة ومدري إيش، فجأة صار متاح للكل وبدون أي قيود، وفيه ناس قبل كذا توقفت أمورهم على هذي الورقة.

    الله يعينك ويوفق الكل،،،
    7 "
  4. المشاركة الأصلية كتبت بواسطة ابن بيت آل هليلة
    سبحان الله، يعني بين يوم وليلة يتغير شيء بسيط في الملحقية ويتغير وضع عشرات أو مئات من الناس. الحين الضمان المالي كان مخصص وما تقدر تأخذه إلا بموافقة ومدري إيش، فجأة صار متاح للكل وبدون أي قيود، وفيه ناس قبل كذا توقفت أمورهم على هذي الورقة.

    الله يعينك ويوفق الكل،،،


    وآلله صدقت ..
    أتذكـــر آلدكتور آلعمر يوم جــآء لسيآتل, فــي طآلب درآسآت عٌليــآ جلس 4 شهور وهو يحآول بمشرفته آلدرآسية توآفق على " آلضمآن آلمآلي لغرض آلقبول " ..
    ولآ وآفقت ..!!
    آلرجل وهـــو يكلم آلدكتور قــدآم آلطلآب, وآلله آلعظيم من آلقهـــر شوي ويبكـــي من آلظلم ..!!

    فعلآ سبحآن آلله ..

    7 "
  5. المشاركة الأصلية كتبت بواسطة حروف .. متناثره ..


    لفتني إنكـ كلمت آلدكتورة / مشآعل آلشويعر ..!!
    يآخي آلله يهديهآ ويهــدي من عينهآ فــي آلملحقية .. آلشويعــر مآتصلح حتى مسآعد مشرف درآسي مو عآد مشرف أو مدير ..!!
    وآلله مآتفقـــه من آلأمـــر شي ..!!

    بخصوص طلب ضمآن مآلي لغرض آلقبولـ .. إنت عآلنظآم آلقديم لجل كذآ لعوزوكـ فيه ..
    آلآن صآر أسهل تطبعــه بنفسكـ ..

    وآلله إنكـ مكـــآفح يآ نآيف ..
    وربي يتمم لكـ على خيــــر ويوفقكـ .. بس ودي أسألكـ وش إســـم آلجآمعة أللي قدمت عليهآ ..؟!

    ومرهـ ثآنية ..
    ألف مبروكـ .. وآلله يوفق مرآفقتكـ وَ يكتب لهآ آلأجـــر ..
    اول شي الله يبارك فيك, صراحة انا لي ترم ادرس وفاصل بعثتي وكان ببالي احط الموضوع بس دراسة وتعب بس قلت لازم اسوي هالموضوع حتى لو بعدين عل وعسى احد يستفيد منه ويدعو لي بدعوه زينة

    بالنسبة لمشاعل الشويعر, صراحة مدري بس انها ردت علي وفهمتها الموضوع وكل شي وقالت لي انت معاك ضمان مالي لحد 2015 فلا تخاف من دفع فلوس الجامعة حتى لو تاخرت معاملاتك عندنا... الوكاد انها تقولي من الاخر ماراح امشي لك موضوعك الا لما تسوي انهاء بعثة وغير كذا ترا اقولك من الحين مرفوض

    مكافح هههههههههههه ايه والله مكافح اجل الشيب طلع براسي ليش
    جد ياخي قهر الواحد يستقيل من وظيفة ويبي يدرس ويشوف حلمة ينهار قدامه,,, وغيري داج يجي كل يوم عند باب المعهد ويجلس يغازل (معليش على هالكلمة) وهو مبتعث وانا جالس اكد ليل نهار عشان انضم واجيب درجات

    المشاركة الأصلية كتبت بواسطة ابن بيت آل هليلة
    سبحان الله، يعني بين يوم وليلة يتغير شيء بسيط في الملحقية ويتغير وضع عشرات أو مئات من الناس. الحين الضمان المالي كان مخصص وما تقدر تأخذه إلا بموافقة ومدري إيش، فجأة صار متاح للكل وبدون أي قيود، وفيه ناس قبل كذا توقفت أمورهم على هذي الورقة.

    الله يعينك ويوفق الكل،،،
    الحمدلله ع كل حال وصارت خيرة لي اصلا... صدقني الواحد مايدري الله وين كاتب رزقة ووين الخير له فية
    كنت بروح جامعة وجلست احاول بالمشرفة تعطيني ضمان ورافضة والحمدلله اني ماقدمت ولا كان تبهذلت

    المشاركة الأصلية كتبت بواسطة أبوزينب
    بالتوفيق ياصاحبي
    أعجبتني see you when I see you
    شكرا لك يا صاحبي
    الله يوفقنا لما يحبة ويرضاه
    7 "
  6. السلام عليكم ورحممة الله وبعد



    اخواني انا متزوج من بنت عمي وناوي اسافر ابتعث ندرس انا وهي

    انا عمري 27 سنه وموضف عسكري وبفصل من دوامي


    وهي تقريبا بتخلص الثانويه / وهي يتيمه الاب / والي سمعته ان الايتام تيطلع لهم الابتعاث من السعوديه وان شاء الله نسبتها ب الثانويه بتكون عاليه


    الاستفسار هو لو قبلوها على الابتعاث من السعوديه وكنت انا محرم لها بس بروح معها كـ طالب وجالس ابي ادرس هل استطيع من البدايه ان اكون طالب تكون معاملتي كـ طالب عادي ؟؟

    او لازم اكون مرافق في الاول ولو كنت مرافق اقدر احول لـ طالب ..؟ << طبعا ما ودي اكون كذا لاني ابي اترك وظيفتي على شي مضمون ان شاء الله




    اتمنى الافاده الله يجزاكم عني كل خير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.