الأعضاء الإشتراك و التسجيل

الملتقيات
ADs

من الملحقية: تقييم المشرفين الدراسيين‎ من خلال البوابة الإلكترونية "سفير"

من الملحقية: تقييم المشرفين الدراسيين‎ من خلال البوابة الإلكترونية "سفير"


NOTICE

تنبيه: هذا الموضوع قديم. تم طرحه قبل 1444 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة حروف .. متناثره ..


    إن شــآء آلله بإذن آلله .. ربي يفككم منهآ ..
    بس مآدري إلى آلآن مو متــأكد شآلوهـ أو لآ ..!! أحس بس وزعوآ آلطلآب مآبينه وَ بين مشرفين ثآنيين ..
    لأن أكثر من طآلب إشتكآهـ للملحق آلثقآفي وَ للمدير آلإقليمي .. من سنين ..
    وَ لآ صـــآر أي تغيير ..!!

    هذآ من إسمه سودآني .. أبوهـ سودآني وَ هو معه آلجنسية آلسعودية رآبي بآلريآض وَ يتكلم آللكنة آلنجدية ..
    وَ مآيعرف شيء عن آلسودآن .. ولآ أي شيء عن آللكنه آلسودآنية حيآته كلهآ عندنآ ..
    بس سمعت إن أبوهـ مآعندهـ آلجنسية آلسعودية ..!!
    لجل كــــذآ مو متسآعد مع آلطلآب .. شخصيآ جلست معه ,, بصرآحــه آلرجل مو طبيعي ..!!
    تحس فيه وسوسه وَ فيه مرض أو حآله نفسيه ..!! ( آلله يشفيه )
    وَ آلله ترى من جد أتكلم .. إستغربت يوم شفته وَ مو قآدر أستوعب كيف يكون تحت يدهـ مستقبل طلآب سيآتل ..!!!

    إن شــآء آلله إنهم شآلوهـ ..!!
    سمعته جـــدآ سيئة فوق مآ تتخيل ..!!!!!
    يعشق شيء إسمــــه إيقآف صرف ,, يعني لو بيوم مآ ترسل تقرير آللغة مو آلجآمعة لآ آللغة ..!!
    وَ مثلآ يكون فيه عطل في آلموقع وَ ترسل إيميل تشرح له آلوضع أو متأخرين عليكـ آلمعهد ,, أبدآ مآيرضى وَ لآ يرآعي أو يقدر ..!!
    تلآقيه يطلب منكـ تقرير للفصل أللي إنت تدرسه .. تفهمه تقول أنآ للآن أدرس بآلجآمعة مآ إنتهى آلكوآرتر من وين أرفق لكـ درجآتي وأنآ مآخلصت ..!!
    مآتدري إلآ جآيكـ هــولد ..!!

    تروح تشتكيه للمدير آلإقليمي .. مآيعطيكـ وجه لأنه صآحبه ..!!
    ليتهم بدوآ فيه وَ شآلوهـ ..

    وَ رزقه بيد رب آلعآلمين ,, مآبيروح له شيء وَ لآ ينقطع له رزق ..
    آلله يهديه وَ يشفيه .. هذآ أللي نقوله ..


    فيه بعضهم نفسيات الله المستعان مادري ليش مشغلينهم !

    مع الاسف انا حطوني بين اسوء اثنين (مشرفة + مديرة اقليم) .!

    يعني طبق علي المثل اللي يقول "وين ماتروح عويه" ..

    المشرفة فيها محاسن لكن سوء إدارتها غطت على محاسنها !

    تمشي على المزاج .. ومزاجها هو اللي يحرك او يوقف كل شي !
    وهذا المزاج مو فقط مزاج عادي لا معقد جداً ..

    يعني مو سالفة انها مروقه او غير مروقه .. لالا ... هذا يعتبر فقط شي من مزاجها ..
    مزاجها وصل على انها ترد على ناس وناس لا .. تمشي ناس وناس لا ..
    لدرجة انك لو شكلك مو عاجبها "حتى لو مابينك وبينها شي ولا عمرك اخطيت عليها بشي ومحترمها " .. رحت ضحية مزاجها !

    تعاملها مع الطلبات بحسب معدلك .. يعني لو معدلك مابين الـ 3.8 و 4 .. مشت امورك صاروخ ..
    اما اذا معدلك مابين الـ 3 و 3.5 .. تتعلق لك كم يوم ..
    واذا معدلك اقل من 3 .. ههههه جهزلك كم خطاب كذا فيه كم دعوه وكم كلمه طيبه .. يمكن تمشيها لك !

    مزاجيتها وصلت بالتصنيف حتى بالاسامي !
    فيه اسامي تحبها واسامي تكرهها ! ؟! والله يعين اصحاب الاسامي المكروهه هههه

    التلفون ماهو في معجمها ..
    الايميل ... من ضمن المزاج ! احياناً تلاقي ردها في يوم واحياناً تلاقي ردها عقب اسبوع !

    الطلبات .. اذا رفضت طلب .. انسى تعلمك وش تبي بالضبط .. كأن عندها نموذج نسخ ولصق تكرره عليك !
    واذا حاولت تجيب اللي تبي .. تطلع لك بالف شغله ثانيه ماتعرف من وين طلعت لك !

    اما مديرة الاقليم هههههه حدث ولا حرج !
    هذي انسى انها ترد عليك او حتى تعطيك وجهه .. ومن انت عندها يوم تعطيك وجهه !
    واذا ردت عليك ... ترد عليك بنفس شينه وتقفل في وجهك .. حتى لو ماقلت لها شي بس كذا !


    اللي قاهرني كان فيه واحد سعودي سكرتيرها .. مستحيل تدق عليه ولا يسنعك من المستحيلات السبع انه مايسنع احد يجيه !
    وكان هو اللي يخلص اموري الله يجزاه بالخير ..
    وكنت اقول ليته هو اللي مدير الاقليم احس بيقرشع المشرفين ويسنعهم .. ويطلع اقليمنا افضل اقليم ...
    لكن حاطينه سكرتير ومع ذلك مافيه احد يجيه الا ويخلص اموره حتى لو عنده مشكله مع المشرف يخلصها ..

    لكن مو هذا اللي قاهرني .. اللي قاهرني انهم رجعوه السنه اللي راحت للسعوديه .. ..
    يعني احس ان الملحقيه ماتبي احد يساعد الطلاب !

    والله المستعان على امره ..
    7 "
  2. المشاركة الأصلية كتبت بواسطة khlood mohammed
    زين بدأت نتائج التقييم تظهر ! وين المتشائمين

    ( تمت المشاركة باستخدام تطبيق مبتعث )
    تبادل أدوار للمشرفين ☺️
    أنا غيروا مشرفي ٣ مرات ماشاء الله .... فلازم نسبة وتناسب بين اعداد الطلاب الموزعين على المشرفين




    ( تمت المشاركة باستخدام تطبيق مبتعث )
    7 "
5 من 5 صفحة 5 من 5 ... 45
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.