والله يا اخوي ما نقدر نحدد لك ايوه او لا
في النهاية التفاضل في مواضيع زي هذي ترجع لـ الشخص و طبيعته لكن رح احط قدامك كم نقطة تراعيها لما تفكر تتزوج وحدة امريكية
1ـ كيف رح تتفاهم مع والدتك و اهلك و جداتك ,, ما اعتقد انه فيه اسرة في السعودية عجايزها و بناتها كلهاااااااااااااااااا يتكلموا انجليزي فـ تصير حرمتك في غربة
بلد و غربة لغة و اهلك يعتبروها مو بس اجنبية الا اجنبية و حمل ثقيل عليهم فكيف رح تحل هـ المشكلة
2ـ هل تتقبل فكرة انك ممكن ما تكون اول رجال في حياتها ( عذرا على الجرأة ) بس البنت هنا ما توصل 16 سنة الا و عندها بدل البوي فريند الواحد عشرة ,, فـ اكيد انت مش اول تجربة لها الا في حالة
انها كانت مسلمة من الولادة فهنا الموضوع مختلف
3ـ هل البنت رح تتأقلم مع فكرة المجتمع السعودي المغلق ,, ومن دون زعل ,, بس ما عندنا مساحة حرية لـ المرأة في السعودية زيها في امريكا
واذا انت ناوي تظل معاها في امريكا و تستقر هنا ,, فهل عندك القدرة على انك تتأقلم مع الحياة الزوجية و نمطها هنا ,, يعني لو في يوم خانتك ما تقدر تفتح فمك ,, ولو قصرت عنها جابت لك الشرطة
و لو ما اعجبتها طلقتك و اخذت نص حلالك ؟!
4ـ ما ادري هل هي مسلمة او لا ,, و في حال انها مسلمة تمام بس اذا ما كانت مسلمة و الله رزقكم بـ اطفال و اصرت على تربيتهم تربية لا دينية او مسيحية او تعطيهم حرية الاختيار في الدين كيف رح تتعامل
مع هـ الموقف
5ـ انت تبغى تتزوجها عشانها تستاهل و كفو ,, و الا عشان مصلحة و تاخذ جنسية ,, معليش يا اخوي لانه كثير يفكروا انه يتزوجوا امريكيات عشان الجنسية و بعدين لما يكتشفوا صعوبة التحصل على الجنسية
من خلال هـ الطريق يكونوا اتوهقوا و يحاولوا انهم يتخلصوا من هـ الورطة و يدخلوا في مشاكل اكبر
مليون شغلة لازم تفكر فيها
انا اعطيك عينة من المشاكل و التساؤلات اللي ممكن تواجهك ,, لكن فيه عندك الف شغلة غير عن هذي تفكر فيها
في النهاية هوه قرارك الشخصي ,, لكن لازم تفكر بـ عقلانية قبل ما تاخذ خطوة كبيرة مثل الزواج