الهندسه يالربع كايده ودراستها صعبه واذا الواحد ما بذل اقصى ما عنده ,مصيره الفشل, وانا اواجه صعوبه كبيره في تحفيز نفسي للاجتهاد, اذا ما نجحت في الفيزياء والرياضيات هذا ترم ( الترم السادس) راح انفصل للاسف من الجامعه لانها بتخسف بالمعدل. ابي همه مثل همة اللي مغطين راسه في مويه ويبي يتنفس, ابي همة العصفور اللي لا يكل ولا يمل من البحث عن رزقه, الا على طاري العصفور , قد شفت عصفور سهران ! او ماصحى من النوم بدري. وش ذي الهمه اللي ماتنقطع. لا وبعد كل العصافير كذا :mad: . ابي همه مثل همة اللي طايح في بئر مظلم وسمع شي يتحرك تحته ويبي يطلع. ابي اهتم مثل اهتمام الام اذا صاح ولدها, يعني طاح من الدرج مثلا. ابي اعرف قيمه الدراسه لكي اشتري ثمرها بتعبي. ابي افز للجامعه مثل اللي قارصته نمله سوداء في ظهره < ازين عشان مايقدر يحك. المشكله ان العقل يعرف ويهتم ولديه همه ولكن القلب ميت ,فضيخ, حرمه. ناس كثيره حاطه امالها بي و تنتظر عودتي بفارغ الصبر ولكن ! يبدوا ان العوده اقرب مما يتوقعون, خوفي ان ارى وجوه فرحه برؤيتي ولكن فيها حزن غريب, وجوه مثل وجه الاب اذا رأى ابنه الصغير يسقط دله القهوه عند الرجال وهو يقول له " عادي عادي وانا ابوك". ابي همه وليست اي همه بل همة العظماء لطلب العلم والله سبحانه وتعالى هو العظيم. اخواني واخواتي, سمعتم ما قلت فما رأيكم في هذا الامر.
