الأعضاء الإشتراك و التسجيل

الملتقيات
ADs

حوار ابي همه وليست اي همه

حوار ابي همه وليست اي همه


NOTICE

تنبيه: هذا الموضوع قديم. تم طرحه قبل 1394 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية يالله الخيره
    يالله الخيره

    مبتعث مجتهد Senior Member

    يالله الخيره الولايات المتحدة الأمريكية

    يالله الخيره , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Mechanical Engineering , بجامعة جاري البحث
    • جاري البحث
    • Mechanical Engineering
    • ذكر
    • بعيد, ابعد
    • السعودية
    • Aug 2009
    المزيدl

    February 18th, 2014, 09:47 AM

    الهندسه يالربع كايده ودراستها صعبه واذا الواحد ما بذل اقصى ما عنده ,مصيره الفشل, وانا اواجه صعوبه كبيره في تحفيز نفسي للاجتهاد, اذا ما نجحت في الفيزياء والرياضيات هذا ترم ( الترم السادس) راح انفصل للاسف من الجامعه لانها بتخسف بالمعدل. ابي همه مثل همة اللي مغطين راسه في مويه ويبي يتنفس, ابي همة العصفور اللي لا يكل ولا يمل من البحث عن رزقه, الا على طاري العصفور , قد شفت عصفور سهران ! او ماصحى من النوم بدري. وش ذي الهمه اللي ماتنقطع. لا وبعد كل العصافير كذا . ابي همه مثل همة اللي طايح في بئر مظلم وسمع شي يتحرك تحته ويبي يطلع. ابي اهتم مثل اهتمام الام اذا صاح ولدها, يعني طاح من الدرج مثلا. ابي اعرف قيمه الدراسه لكي اشتري ثمرها بتعبي. ابي افز للجامعه مثل اللي قارصته نمله سوداء في ظهره < ازين عشان مايقدر يحك. المشكله ان العقل يعرف ويهتم ولديه همه ولكن القلب ميت ,فضيخ, حرمه. ناس كثيره حاطه امالها بي و تنتظر عودتي بفارغ الصبر ولكن ! يبدوا ان العوده اقرب مما يتوقعون, خوفي ان ارى وجوه فرحه برؤيتي ولكن فيها حزن غريب, وجوه مثل وجه الاب اذا رأى ابنه الصغير يسقط دله القهوه عند الرجال وهو يقول له " عادي عادي وانا ابوك". ابي همه وليست اي همه بل همة العظماء لطلب العلم والله سبحانه وتعالى هو العظيم. اخواني واخواتي, سمعتم ما قلت فما رأيكم في هذا الامر.
  2. الاغلبية مروا بهالشعور بس
    ودي تراجع نفسك ليش وصلت لهذي الدرجة من الياس؟
    خلك ايجابي وصدقني بأذن واحد احد بتنجح
    حاول تجتهد اكثر ولا تضيع اي يوم بالتسلية
    شوف وفكر ليش انت وصل معدلك نازل وحاول تعرف اخطاءك
    يعني وش الي كنت تسوية او كيف طريقة مذاكرتك وغيرها عن بكرة ابيها
    شوف لك اصحاب يدرسون معاك وحاولوا تسوون قروب ستدي
    الواجبات حلها بنفسك ولا تغشها واذا فية شي ماعرفت رح اسال الدكتور
    اي شي بالرياضات والفيزياء موجود بالنت شوف وشو مواضيعكم وحاول تدورها بالنت باللغة الانقليزية واذا ماعرفت حط بالعربي مع اني اشك تحصل شي بالعربي وتفهم ع طول....
    المهم والاهم لا تياس ولا تصير سلبي وتقول انا برسب وبرضو لا تهمل نفسك رح وتصرف وشوف كيف الطلاب يذاكرون

    خذ سجادتك اخر الليل وصل ركعتين ولا ثلاث وادع ربك وربك مايخلي احد

    بالتوفيق لنا جميعا
    7 "
  3. اممممممم كأنك فقدت شغفك الدراسي !
    شيْ طبيعي نشعر بالإحباط والفتور فترات لكن دائم !! هذا ما نبغاه ! !
    رتب أمورك من جديد رتب أفكارك , أهدافك ، حياتك ، حتى لو دونتها على ورقه مهم جداً لاتنسى المفكره
    راح تنجح راح تنجح راح تنجح فكر بإيجابيه أنت في المستوى السادس وهذا إنجااااااااااااااز
    إستخدم إستراتيجيات في المذاكره ، ممكن تقرأ عن هذا الموضوع وتبحث أكثر مننا .
    ط§ظ„طھط*ط¶ظٹط± ظ„ظ„ظ…ط°ط§ظƒط±ط©: ط§ï»ںï؛—ï؛£ï»”ﯾط² ط§ï»ںط°ط§ï؛—ﻲ: 1. ط§ï»ںï؛—ï؛£ï»”ﯾط² ط§ï»ںط°ط§ï؛—ﻲ: طھظ…ط±ظٹظ† ط¹ظ„ظ‰ طھط*ظپظٹط² ط§ظ„ط°ط§طھ ; ط*ط¯ط¯ : ظ…ط§ط°ط§ طھط±ظٹط¯ ط£ظ† طھطھط¹ظ„ظ‘ظ… طں
    كتاب ادرس بذكاء وليس بجهد - كيفن بول
    لاتوقف ... إستمر
    7 "
  4. انما الحلم بـ التحلم
    كلنا نقدر نقول نبغى همة عالية و نبغى نكون احسن ناس
    وهذا شيء ممتاز انه نحط لـ انفسنا هدف
    لكن انت ايش سويت عشان تحقق هـ الهدف ؟!
    هل خصصت لـ نفسك وقت يومي لـ الدراسة و بس ؟!
    هل خططت انه توزع المواد بحيث انه ما تزنق نفسك في سيمستر واحد تاخذ كل المواد الصعبة ؟!
    هل جمعت اوراق الطلبة اللي درسوا قبلك نفس التخصص و بديت تقارن بينها وبين الاوراق اللي معاك حاليا و تحللها و تستفيد منها ؟!
    هل تابعت مع اساتذتك اول بـ اول وحضرت المحاضرات و سألتهم عن النقاط الغامضة و عن اسباب تراجع مستواك اذا وجد هـ التراجع ؟!

    يا اخوي طلع لي واحد بس يحب الدراسة و انا عندي استعداد ارجع لـ السعودية مشي و حافية كمان !!!!!!!!!!!!
    ما احد يحب يدرس و يرتبط بحل واجبات ,, كلنا نحب الراحة و السهر و النوم و اللعب و الجنان و الهيصة
    الفرق انه فيه ناس قرروا انهم يستثمروا من حياتهم هـ الكم سنة ,, يتعبوا و يكرفوا فيها و بعدين يرتاحوا
    وناس قرروا انهم ينبسطوا هـ الكم سنة و بعدين يجلسوا يتحسروا على الفرصة اللي ضاعت منهم

    اخوي انا ما رح اقول لك وينك عن نفسك من اول يومك واصل لـ سادس ترم و انت معدلك نازل ,, لكن اللي بـ اقوله لك لسى الترم هذا في اوله
    ولو اتوكلت على رب العباد و شديت حيلك ما رح يخيبك ربنا و لا رح يضيع تعبك
    و اذا تبغى شيء يحفزك ,, اتصل على اهلك يوميا و خلي الوالد و الوالدة يدعوا لك ,, صدقني كل ما تسمع حرارة دعاهم رح تخجل من انه تخيب ظنهم فيك
    و ان شاء الله يتعدل حالك و تبشرنا بـ انه عديت هـ السيمستر على خير و عافية
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.