مساعدة كيف اسحب فلوسي من حسابي الأمريكي وانا في السعوديه

ماتقدر تسحب فلوس وانت بالسعوديه يمكن تسحب مره وحده بس
ثاني مره تسحب راح يحجرون رصيدق وماتقدر تسحب لان لازم تعطيهم خبر قبل لاتسافر ان البطاقه انت الي جالس تستعملها لان عندهم نضام حمايه من خارج امريكا ماتقدر تسحب اذا ماخبرتهم بس يمكن تسحب مره وحده بس الثانيه يتحجر حسابك علشين كذا قالولك ناس مجهولين ومامجهولين

واتمنى اني افدتك

صحيح كلامك ويعطيك العافيه طيب الحين وش الحل كيف اقدر اسحب فلوووسي !!! ياليت الأفاده وشكراً

حسابك متحجر حاليا وماتقدر تسوي اي شي لين ماترجع وتتكلم معهم شخصيا

وعليكم السلام ورحمة الله وبركاته

اذا انت تحتاج الفلوس حولها على حساب احد تثق فيه بامريكا وخله يسوي لك حواله على حسابك السعودي

انا ماني راجع امريكا نهائياً والمبلغ كبير ياخوان ارجوكم حل !!! حسابي اون لاين مفتوح بسس ماعرف احول ياليت تعلموني طريقه اخوي هواوي هل اقدر احول ١٥ الف دولار اون لاين بنفس الوقت

انا عندي حساب في تشيس وموجود في جدة اذا انك من جدة او قريب منها اعطيك بطاقتي وتحول فلوسك اونلاين على حسابي وتسحب فلوسك كلها وترجع بطاقتي بس على فكرة حسابي فيه ماينص ميه وعليه اعتقد,,

وطريقة التحويل اون لاين بسيطه اذا مو مفعل تفعله من النت وتحول بس الحد المسموح فيه ماني عارف كم.

الزبده بطاقتي تحت امرك ما احتاجها لمدة اكثر من شهر وماراح ينزلي شي فيها.

اخوي ياليت تعلمني الطريقه بتفصيل كيف احول من حسابي الأمريكي الى السعودي اون لاين واذا ماتقدر علمني كيف احول من الأمريكي الى الأمريكي لأني ممكن احولها لحساب واحد من شباب ويحولها لي عن طريق البنك اوفر لي واقل خسائر من اني اسحبها من هنا وشكراً الف شكر لك

ادخل الى حسابك اون لاين
روح الى خيار Chase QuickPay
ثم send money
ثم تختار الى من ( بما ان ماعندك احد من قبل تختار Add Recipient) عشان تقدر تضيف خويك وتحتاج اسمه كامل واميله الي مسجل بالبنك تبعه ورقم جواله
ثم تختار send money
الان راح يوصل اميل الى خويك بالتحويل ، المفروض يدخل على حسابه اونلاين ويقبل التحويل عشان يروح له المبلغ

طبعا هذي الخدمة ببلاش من شيس الى شيس ومدري كم حدك باليوم ، حتى لو ترسل كل يوم 5 الاف مثلاً الى ان يكتمل المبلغ عند خويك ويرسله لك

طبعا هذي الخطوات الي ذكرتها لك تحتاج انك مفعل خدمة Chase QuickPay من قبل

على كلامك انت انو مافعلتها

الي تسويه تدخل ع حسابك اون لاين وتروح الى Chase QuickPay بعدها على طول بيقولك لازم تفعلها، تتبع الخطوات الين ماتفعلها بعدها تتبع خطواتي الي ذكرتها لك فوق عشان تضيف خويك في قائمة المرسلين( الي تقذر ترسل لهم فلوس)

اي خدمة ماراح نقصر

موفق

طبعاً ماتقدر ترسل من حسابك الامريكي الى السعودي دايركت ! لان هذي الخدمة لازم تروح البنك وتفعلها بنفسك او عن طريق الاونلاين ( انا عن نفسي ماقدرت اسويها عن طريق الاونلاين مدري وش السبب)

اذا تبي تجرب ماراح تخسر شي ! ادخل الى حسابك الامريكي اون لاين ، روح الى Payments&Transfers ثم الى Wire Transfer

هذي هي الخدمة ( واير ترانسفير) الي تتيح لك ترسل فلوسك من حسابك الى اي حساب اخر خارج امريكا !
لاكن لابد انك تفعلها بالاول وماتوقع انك مفعلها، حاول تفعلها واذا ظبط معك التفعيل انحلت مشكلتك وتقدر ترسل فلوسك من هذي الخدمة

موفق