عرض للطباعة
السلام عليكم ورحمة الله وبركاته ..
اشتقت لهذا المنتدى الذي لطالما كنا فيه نحلم بالإبتعاث والحمد لله مر سنة ويزيد على ابتعاثنا
لدي تساؤل بسيط بخصوص معادلة WES ..
الشرط هو ان يتم ارسال السجل الأكاديمي من الجامعة التي تم التخرج منها ..
هل سبق لكم او سمعتم بأنه من الممكن ان يتم المعادلة دون مراجعة الجامعة السابقة كونني الآن في أمريكا ويصعب علي مراجعتهم ..؟
أرجوا افادتي مأجورين ..
ما يحتاج الجامعة ترسله,يمديك انت ترسل له من امريكا
بس خلي احد من البلد يرسل لك ملف مختوم من الجامعة مو مغلق حتى تحط فيه نسخة الشهادة وكشف الدرجات والظاهر فيه ورقة تتعبى وتنختم من عندهم كمان
خله يرسلهم لك امريكا وانت بعدين حطهم كلهم داخل الظرق وسكره ارسله للـ WES
لو تشوفي قسم الاستفسارات فيه موضوع عن المعادلة موضح كل شيء.
من خلال تجربتي وتجربة بعض الأصدقاء والأقارب:
- حسب الموظف اللي يدقق أوراقك، بعضهم إذا اكتشف أنك مرسلها من داخل أمريكا يعتبرها غير رسمية حتى لو كان الظرف مختوم
وأنا سبق وجربت لأحد أقاربي أرسلنا سجل أكاديمي في ظرف الجامعة المختوم عليه بحيث ما تقدر تفتحه إلا بتخرب الختم، ورفضته الشركة
رجعنا خلينا الملحقية ترسلها في ظرف مختوم ورفضتها الشركة للمرة الثانية بحكم أنها غير مرسلة من الجامعة مباشرة
- وفي المقابل: زميل لي أرسلها من داخل أمريكا وقبلوها ومشت المعادلة بدون مشاكل
إذا كان عندك نسخة من السجل الأكاديمي في السعودية خلي أحد ياخذ ظرف من الجامعة ويحطها فيه ويختمه ويرسله للشركة
إذا ما عندك سجل أكاديمي فالله لا يهينك أرسلي سجلك الأكاديمي للسعودية وخلي أحد يظرفه ويختمه ويرسله من هناك
قضية الورقة اللي تعبى من الجامعة، فالصحيح أنها غير مطلوبة
سبق واتصلت عليهم مرة وسألت هل لازم أرفقها فقالوا لا ما يلزم هذي الورقة حنا حاطينها بس كخطاب لجامعتك علشان يصدرون لك سجل أكديمي
لكن من باب الحيطة إذا قدرت حطيها مع الظرف.
http://www.wes.org/images/requiredArabic.gif
WES - Required Documents
بخصوص الظرف خاطب المشرف الدراسي أعتقد أن الملحقية تقوم بتوفير الظرف وختمه بدلاً من الجامعة ...
السلام عليكم ورحمه الله جميعا
بالنسبة للظرف اذا عندك ظرف مختوم من الفم حتي لو مو مقفل حط كل شهادات فيه وقفله وأرسله لهم ويوافقون انا مجرب هالطريقه، بس لازم الظرف مختوم من الفم، وأرسلتها من امريكا مو شرط من السعوديه،
بخصوص الملحقيه توفر ورقه إثبات ان الشهادات أصلية وذلك بختم طبق الأصل لكن لم يقبل من ويس لمحاولتي السابقة معهم، والرفض بسبب الأوراق غير أصلية مع أني ختمت شهادات طبق الأصل وأرفقت ورقه رسميه و ظرف مختوم لكن رفضوه ويس، فيه غير ويس يعادلون وغير متشدده ومقبول في بعض الجامعات،
( تمت المشاركة باستخدام تطبيق مبتعث )
زوجي ارسل شهادته مع الترانسكربت و الفورم معبأ و مختوم في ظرف مغلق و مختوم من الكليه اللي درس فيها للويس حتى يعادلونها له ، تمت معادلتها و ارسالها لنا من شهرين كما هو مذكور في الموقع لكن لم تصل للسعوديه ، حد عنده خلفيه عن كيف نقدر نستلمها؟
( تمت المشاركة باستخدام تطبيق مبتعث )
طبعا أكيد تعرفي بريدنا المحترم، هم يرسلونها عبر البريد العادي فالمتوقع أنها بتتأخر طبيعي أو حتى ما تصل.اقتباس:
المشاركة الأصلية كتبت بواسطة No0ora
لكن السؤال: ليش تبون أصل المعادلة؟ أكيد شفتم المعادلة على الموقع.
لما تقدمون على جامعة ما راح تقبل منكم نسخة المعادلة اللي تحصلون عليها
كل الجامعات اللي تطلب معادلة تطلب منكم تدخلون على موقع شركة المعادلة وترسلون النتيجة أون لاين بمبلغ مالي مقابل الإرسالية
وعموما:
تقدرون تحطون عنوان أي شخص تعرفونه في أمريكا وتطلبون إرسال نسخة له وهو عاد يرسلها لكم نسخة بالإيميل مثلا.
اقتباس:
المشاركة الأصلية كتبت بواسطة Linguistics Consultant
يعني الويس يرسل اصل المعادله للجامعه في امريكا ؟
حنا ظنينا ان الويس يرسل لنا المعادله و بعدين حنا نرسلها للجامعه بنفسنا
يعطيك العافيه شكرا لك
( تمت المشاركة باستخدام تطبيق مبتعث )
نعم صحيح، لما تقدمون على أي جامعة تطلب أو تقبل هذه المعادلة تقومون بالدخول على موقع ويس، وطلب إرسال نسخة للجامعة.
ربي يوفقك و ينور دربك ، شكرا جزيلا لكاقتباس:
المشاركة الأصلية كتبت بواسطة Linguistics Consultant
( تمت المشاركة باستخدام تطبيق مبتعث )