الأعضاء الإشتراك و التسجيل

الملتقيات
ADs

مساعدة رحلتي قربت وشايل هم المطار ..

مساعدة رحلتي قربت وشايل هم المطار ..


NOTICE

تنبيه: هذا الموضوع قديم. تم طرحه قبل 1385 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية دحيم بن عبيد
    دحيم بن عبيد

    مبتعث جديد New Member

    دحيم بن عبيد السعودية

    دحيم بن عبيد , ذكر. مبتعث جديد New Member. من السعودية , مبتعث فى السعودية , تخصصى علاقات عامة , بجامعة جامعة الملك سعود
    • جامعة الملك سعود
    • علاقات عامة
    • ذكر
    • الرياض, الرياض
    • السعودية
    • Nov 2013
    المزيدl

    March 3rd, 2014, 12:54 PM

    السلام عليكم ورحمة الله وبركاته ..

    أنا إن شاء الله أبطلع لأمريكا لدارسة اللغة والماستر بعد اسبوع إن شاء الله .. بس شايل هم للمطار بشكل

    رحلتي بتكون بالخطوط السعودية من الرياض الى نيويورك من 5ص - 11:30ص
    بعدين بالخطوط الأمريكية من نيويورك الى سان فرانسيسكو من 5م - 8:30م
    ومن سان فرانسيسكو الى يوجين من 10:30م - 11:30م


    طبعا" أباخذ معي شنطتين على الشحن , وشنطة صغيره معي بالطياره
    راح اشحن الشنطتين من الرياض الى نيويورك ,, ولما آصل الى نيويورك راح اخذهم واشحنهم الى يوجين
    بس المشكلة لغتي جدا" ضعيفة ومدري وين ألقى شناطي !! ووين اشحنهم ؟؟ وش الاجراءات بالضبط .. لاسيما ان مطار نيويورك كبير جدا"

    وش الاجراءات أول ما آصل الى نيويورك ؟؟ وراح يكون اتظاري فيها 5 ساعات !! هل هو كافي لانتهاء كامل الاجراءات والشحن أم لا ؟؟




    سؤال أخير بالنسبه للجوالات واللاب توب راح احط اللاب توب بشنط الشحن بس فيه برامج منسوخة !! هل راح يصادر ؟؟
    والجوالات بتكون معي بس هل راح يتم تفتيشها والتأكد من أن البرامج أصلية أم لا ؟؟




    أدري طولت عليكم ..
    بس تكفووووووون علموني والله شايل هم
  2. وعليكم السلام

    اخوي دحيم تراك منت رايح لدورة عسكريه علشان تفتيش بكل مكان ويتأكدون انك ماجبت شي
    اساس التفتيش للاشياء اللي ممكن تضر حياة العامه

    لابتوبك اذا مسكوه ماعندك صور مخله او شي بيفرمتونه ويوقعونك تعهد والسلام عليكم هذا اذا مسكوك

    شنطتك تلاقيها اول ماتخلص من الامقريشن مصفوفه مايودونها لأي مكان ويمكن هم يجون يدورونك اذا تأخرت مره

    تطبع التذاكر علشان اذا خلصت من الامقريشن واستلمت الشنط تشوف لك اقرب موظف وتعطيه الورقه وتأشر على رحلتك وهو يبدا يعلمك
    او تشوف لك اي سعودي عزابي وكلمه يساعدك
    ترا فينا خير نعين ونعاون لكن لا تكثر اسألة المعسكرات والتفتيش علشان بعد ماتعرف الوضع ما تضحك على نفسك


    كافي ان شاء الله الوقت بس انت لا تختب وتحوس الدنيا فوق تحت ويلعبون عليك العالم
    7 "
  3. هههههههههههههه .. اعجبتني دورة عسكرية

    يعني اذا حطيت لاب توبي مع الشنط ممكن ما راح يفتشونه !!

    سامحني يالغالي بس أول مره بحياتي أطلع برا السعودية على طيارة وماني عارف اجراءاتهم ولغتي ضعيفة جدا"

    يعطيك ألف عافيه يالغالي
    7 "
  4. وعليكم السلام ورحمة الله وبركاته
    1- أستلام الأمتعة يكون في المحطة النهائية وتنبه على موظف الخطوط على ذلك وتتأكد وتحرص على ذلك .
    2- الوقت كافي جداً في نيويورك
    3- بخصوص النسخ المقلدة شغله يعني ما تستاهل الواحد يخلي نفسه في قلق وتفكير ... هذا سفر مو رحلة للبر ..

    5- FlightAware، تقدم تطبيق مجاني الوحيد الذي يمكنك استخدامه في هاتفك لمعرفة حالة الرحلات أو تتبعها ... ومن خلال الموقع تستطيع معرفة بعض المعلومات الهامة لكل مسافر
    https://ar.flightaware.com/mobile/









    7 "
  5. المشاركة الأصلية كتبت بواسطة دحيم بن عبيد
    السلام عليكم ورحمة الله وبركاته ..

    أنا إن شاء الله أبطلع لأمريكا لدارسة اللغة والماستر بعد اسبوع إن شاء الله .. بس شايل هم للمطار بشكل

    رحلتي بتكون بالخطوط السعودية من الرياض الى نيويورك من 5ص - 11:30ص
    بعدين بالخطوط الأمريكية من نيويورك الى سان فرانسيسكو من 5م - 8:30م
    ومن سان فرانسيسكو الى يوجين من 10:30م - 11:30م


    طبعا" أباخذ معي شنطتين على الشحن , وشنطة صغيره معي بالطياره
    راح اشحن الشنطتين من الرياض الى نيويورك ,, ولما آصل الى نيويورك راح اخذهم واشحنهم الى يوجين
    بس المشكلة لغتي جدا" ضعيفة ومدري وين ألقى شناطي !! ووين اشحنهم ؟؟ وش الاجراءات بالضبط .. لاسيما ان مطار نيويورك كبير جدا"

    وش الاجراءات أول ما آصل الى نيويورك ؟؟ وراح يكون اتظاري فيها 5 ساعات !! هل هو كافي لانتهاء كامل الاجراءات والشحن أم لا ؟؟




    سؤال أخير بالنسبه للجوالات واللاب توب راح احط اللاب توب بشنط الشحن بس فيه برامج منسوخة !! هل راح يصادر ؟؟
    والجوالات بتكون معي بس هل راح يتم تفتيشها والتأكد من أن البرامج أصلية أم لا ؟؟




    أدري طولت عليكم ..
    بس تكفووووووون علموني والله شايل هم
    اهم الامور في التنقل بين مطارات امريكا:
    لا تخلي الجهاز حق نقاط التفتيش يرن وذلك عن طريق انك ما تشيل اي شي مثل حزام ساعة وما شابهه .
    حط اللاب في الشحن احسن لك عشان اذا شلته معك لازم يكون ظاهر لهم ونفس الكلام ينطبق على الايباد مع انهم ما جابوا خبره.
    خلك تذكرتك وجوازك في شنطتك الصغيرة عشان لا تنشغل بحملهم.
    لازم تحط في بالك ان منطقة التفتشيش منطقة لفقد ما خف وزنه وغلا ثمنه وقد سبق وفصل من العمل ٤٠٠٠٠ موظف امن بسبب تورطهم باخذ حاجيات المسافرين ويوجد عالنت واليوتويب تقارير عن ذلك.
    يجب الاشارة الى ان الامر سهل جدا بتسهيل رب العالمين وما فيه داعي لتوتر والقلق.
    انت محتاج ان تعرف اسم الخطوط وصالة والسفر ورقم بوابة السفر.
    انت محتاج ان تعرف كم شنطه يحق لك ان تشحن مجانا وما زاد محتاج انك تدفع .
    يوجد جهاز للخدمه الذاتية وعن طريقه تقدر تطبع كرت صعود الطائرة وتقدر تدفع حق الشحن.
    غير كذا جميع الموظفين متعاونين يعني باذن الله امورك طيبة وميسره.
    التعامل بالبطاقة الائتمانية لهذا يفضل ان يكون معك بطاقة.


    ( تمت المشاركة باستخدام تطبيق مبتعث )
    7 "
  6. المشاركة الأصلية كتبت بواسطة دحيم بن عبيد
    هههههههههههههه .. اعجبتني دورة عسكرية

    يعني اذا حطيت لاب توبي مع الشنط ممكن ما راح يفتشونه !!

    سامحني يالغالي بس أول مره بحياتي أطلع برا السعودية على طيارة وماني عارف اجراءاتهم ولغتي ضعيفة جدا"

    يعطيك ألف عافيه يالغالي
    الله يعافيك اهم شي الضحكه بيننا

    اذا تبي الصراحه هم اصلاً مادروا عن اللاب توب
    ولو يبون يفتشون وينخلونك نخل عرفوا حتى لو انت حطيت لابتوبك مع واحد ثاني بطياره بتجي بعد يومين "من صيغ المبالغه"

    كل امورهم عادية
    الاكل ومالاكل اذا بتجيب لازم كل شي مكتوب فيه معلومات وتاريخ انتهاء وانتاج ولا بيصادرون "مره ثانيه هذا اذا فتشوك بالعاده بيمشونك دام انه مايسبب خطر"
    هذا الشيء الوحيد اللي كان يقلقني بالمطارات لان


    شف اذا تبي الحل المناسب خل نفسك مكان العسكري وش الاشياء اللي ممكن تسبب خطر او مشاكل لغير المسافر
    اللابتوب شي شخصي يعني بالغالب بتفتش الواحد اذا شكيت بشي يسبب خطر وتخلي اللاب توب علته بالتفتيش
    الاكل بعضه مسموح والبعض غير مسموح يعن على سبيل المثال يجيك شخص جايب كيسه كبيره قهوه ومقفله تقفيل منزلي وش بيعرفك ان هذا منتهي؟ او واحد جايب اكل غريب
    الفلوس اذا شفت واحد معه عشرين الف دولار كاش راح تشك فيه لان فيه بنوك "حنا بالقرن الواحد والعشرين"
    وهلما جرا


    انت طول بالك وروق اول ماتركب الطياره نام لين يعطونك ورقة الجمارك والجوازات
    بعدين ابد فكر انك تتحرك
    علشان تااخذ الورقه وتطلع الجواز وقلم علشان تعبي المعلومات
    وبعدها تنام لين يقولون وصلنا تعدي الله وتحمده انك وصلت بالسلامه
    وتنزل من الطياره تصف مع مليون شخص ياخذ منك يمكن ساعه
    بعدين يجيك عسكري يوجهك لاحد موظفين الجمارك
    توصل عند موظف الجمارك يقول لك وش اسمك وش اسم الجامعه واذا شافك ماتعرف انقليزي بيسلك لك ويأشر لك بيده يعني بصم او يأشر لك على الكاميرا يعني بناخذ صوره وعطهم الابتسامه البريئه
    بعد ماتطلع من موظف الجمارك فيه مسارات شناط تروح وتدور على شنطتك وتاخذها وخل اوراقك جاهزه اللي هي الجواز وورقة الجمارك والتذكره للرحله اللي بتاخذها
    لان فيه موظفه "بالعاده تكون موظفه مو موظف" تبي تقول لك عطني الاوراق وتخربط عليك شوي وانت تبسم لها علشان تستانس لان اغلب اللي يجونها منفسين وتعطيك جوازك ويمكن تقول لك رح لتفتيش الشناط ويمكن تمشيك
    بالعاده لازم تروح للتفتيش
    بعد ماتعدي هذي الموظفه على طول امسك لك اقرب موظف وعطه تذكرتك علشان يوصف لك ويوديك لاقرب مكتب للخطوط اللي عليها تذكرتك
    وتقص البوردنك وبتلاقي سعوديين كثير اسألهم عن البوابه اللي موجوده بالبوردنق واذا مالقيت احد امسك لك اقرب موظف علشان يوصف لك وتراهم طويلين بال اهم شي لا تطلع اي كاش لان بعضهم اذا شاف معك فلوس بيطمع

    وتروح للبوابه تقعد عندها وبعدها اذا بتروح لدوره المياه وانت بكرامه واللي يقرون او بتاكل لك شي "بالعافيه مقدماً"
    تركب طيارتك واذا فيه احد يستقبلك او وانت طالع تبي تشوف تكاسي تاخذ لك اقرب واحد وتعطيه العنوان اللي انت بتروح له والحمد لله على السلامه مقدماً
    7 "
  7. توصل بالسلامه اخوي
    بس نقطه في بالي و حاب انبهك عليها لاهميتها . . انتبه لفرق الساعات بين المدن الأمريكيه . . يعني الساعه خمس في واشنطن مثلاً ما تساوي خمس في سان فرانسيسكو . . لان هالشي مرتبط بمواعيد الرحلات

    و بالتوفيق ان شاء الله
    7 "
  8. والله شف وانا اخوك انا نفسك ان شاءالله رحلتي قريبه لفرانسيسكو وتبي نصيحة لو مابعد حجزت او كان تقدر تعدل ف الحجز رح من الرياض الى دبي وفي دبي ترانزيت ومن دبي دايركت الى فرانسيسكو بما انك ماعندك لغة والله يوفقكك .


    ( تمت المشاركة باستخدام تطبيق مبتعث )
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.