شركات التأمين ترفض تجديد عقد “ثقافية أمريكا” بسبب سوء تعامل المبتعثين

يا رجل انا رجعت السعودية اجازة وتعالجت في السعودية على تامين التعاونيه لان اتنا مشتركه معها

حسيت اني مددددددددللللع صووووح هههههههههه

حرام تروح ذا الشركه من بين ايديننا . اما قصص الاسنان والنصب هذا شغال زي الحلاووووة لكن الله المستعان بسسسس

1) بغض النظر عن صحة الخبر من عدمها، التلاعب فعلاً موجود.

2) الحق ينقال: تأمين الملحقية جداً ممتاز، وأنت شف وش يقولون لك المستشفيات، كلهم يمدحون التأمين وأنه يغطي بشكل كبير.
أنا شفت زملاء لي غير سعوديين يدرسون دكتوراه والجامعة معطيتهم منحة وتأمين ومع ذلك لما يروح المستشفى يحتاج يدفع من جيبه

3) اللي يقول تأمين بايخ ومدري إيش، بكرة لا جتنا شركة تعبانة عرفت قدر إيتنا.

4) إذا سرق غيري، يعني أنا لازم أسرق؟ بئس المنطق!

كلام فاضي
فيه شركات آرخصصصص من آتنا وآفضل
خلوها تولي آتنا

قعدت ادور في الانترنت اشوف كم فيه شركة تأمين صحي في امريكا
تعبت الصراحه لكن وصلت لفوق الالفين شركه
وايتنا ترتيبها الخامس حسب موقع يو اس نيوز
طبعاً هذا تصنيف بشكل عام
فيه شركات ممكن تكون افضل لكن مو مثل عامية ايتنا
مثل المستشفيات الجامعيه في امريكا تأمينها يغطي جميع التكاليف في نفس المستشفى لكن اذا كنت في مكان اخر مايتحملون الا تكاليف نقلك للمستشفى فقط

وأسعار الشركات الخمس الآولى
آعمل مقارنه بينها وبين الخدمات المقدمه

ربنا ولك الحمد، حمداً كثيراً طيباً مباركاً فيه
اللهم لك الحمد حتى ترضى، ولك الحمد إذا رضيت، ولك الحمد بعد الرضى
اللهم اني اعوذ بك من المرض والسّقم

انا اقول الله يعز حكومتنا الرشيدة وييسرهم لخدمتنا وخدمة شعبها وخدمة الأمة الاسلامية
يعني يبعثونك ويدفعون عنك رسوم الدراسة ويدفعون لك مكافأة شهرية و رسوم تأمين صحي ( اعتقد ماقصروا )
على الأقل خلو الملحقية خارج الموضوع

الموضوع يتعلق بصحتك و مدى حاجتك للعلاج ولامانتك وصدقك مع الله أولاً ثم مع نفسك
بعدين ما اعتقد ان شركة كبيرة زي ( أتنا ) غبية لدرجة انها تخسر من تحايلات بسيطة تكاد لا تذكر
اعتقد ان الشركة رابحة من هذه الصفقة أكثر من انها تبالي لعمليات الاحتيال والتلاعب.

اذا انت تتكلم عن مصلحة العالم الله يجزاك خير .. نزل موضوع عن ان المبتعثين يطالبون برفع المكافئة وطلب تأمين افضل من التأمين الحالي
هذا لو جد يهمك مصلحة غيرك .. بدال ماتنزل نصيحتك للمبتعثين نزلها للمسؤلين

غير كذا بالسعودية وبأسوء الأماكن (ومستوصف) يطلبون اثبات هوية على التأمين فما بالك بأمريكا , ولا تقول سمعت فلان وفلان لأن مصداقية الكلام 0 %
وبموضوع الشيشه والمكافئة .. تبي الله يسلمك الطلاب يجلسون بغرفه 2 في 2 لحد يتخرجون من الجامعة ولا رجعوا يتعالجون نفسياً عشان يوفرون المكافئة ؟
تبينا مانطلع ولا نجي ولا نتونس ؟ تبي المبتعثين يعيشون ب شح ؟ لا ترد علي تقول ماقلت كذا هذا كلامك " او انه طلعات وجيات ووناسه؟! "
ان كان احد يشوف هالبعثه مذله ومكرمه , وفرصة ماتتكرر (ترانا نشوفها حقنا ك مواطنين والحر مايرضى بالمذلة )

والمكافئة اللي شاقي فيها انت محسسني انها مليون , قبل سنتين او ثلاث بوقت المظاهرات صرفوا دبل شهر للمبتعثين
ليه مايصرفون الدبل طول السنة , ولا صحيح قالها وزير المالية الميزانية ماتكفي !

وكثر خيرنا على المغرب ومصر ولبنان وغيرها بالمليارات $

ولا قلت تعال وشف .. الا لأنك ماجيت وشفت لو أنك جاي وشايف كان علومك ثانيه , وان كانك تبي تدافع عنهم وتبي ترعاهم وترفعهم
ولهم عليك جمايل وتخاف منهم اكثر من ربك , هذا شي ثاني وانا اخوك ولا اقدر اقول شي وقتها غير " انت الصحيح السلام السلام "
وتذكر ( الساكت عن الحق شيطان اخرس )


- وبقتبس من ردك : طيب في ناس كثير تغتصب وتتحرش، هل بهذي الحاله الاغتصاب والتحرش حلال ومسموح؟
كلامي مباشر الله يوفقك تبي تدخلنا بدائرة , خليتك تدور لحالك
كلامي عن سرقة لاتدخل فيها الاغتصاب والتحرش .. كنا بالشيشة وبالسرقة الله يرضى عليك

- ما ابحت ما حرم الله ولا حرمت ما اباح

حكم السرقة : محرمة والدليل قال تعالى ( والسارق والسارقة فاقطعوا أيديهما جزاءً بما كسبا نكالاً من الله والله عزيز حكيم ) المائدة/38
تبي تحلل السرقة عليهم وتحرم على المواطنين اخذ حقوقهم من بيت المال ؟ , وهذا كلامي قلت اخذ ماسرق منكم , وهو حقكم !
عاجبك فلوس المسلمين يسرقونها بالمليارات وجاي تسكر على خلق الله بتأمين طبي ؟
هذا بيت مال المسلمين لا هو لأبوي ولا هو لأبوك " للمسسسسسلميييين "

* راجع الله يطول بعمرك قصة عمر بن الخطاب ( رضي الله عنه ) في خلافته وقت ما وزع الأقمشة على المسلمين
قال احدهم لعمر وهو صحابي لاسمع ولا طاعة يوم شاف الثوب اللي عليه يعادل قطعتين من القماش اللي وزعت عليهم
ف اجاب عليهم ابن عمر بن الخطاب قال لطول أبي اعطيته قماشي , على قطعة قماش قال لا سمع ولا طاعة !!

ثقف نفسك زيادة واقرأ كتاب ( الولاء والبراء )

وبالنهاية على الذمة بحطها بذمتي , ان بيت مال المسلمين للمسلمين وما سرق منهم وعادوا لأخذه فهو لهم
وتبي تدور فتوى من مشايخ السعودية ( الشطرنج )

خذ وحده : محرم ولا يجوز واصبر وهم يعلمون مايفعلون !
اخر الشهر : تم ايداع في حسابك 100000 الف والشاطر يفهم

* ودامك ذكرت الذمة , ف انا اشوف انهم اشتروا ذمتك ولا مايجادلني في كلامي الا الضرير !

بالتوفيق .

والله شف ان اكلمك يمين انت ترد يسار
ارد يسار تروح يمين
الله يهديك ارس لك على بر

اللي بالاحمر اقتباس لكلامك لاني ما اعرف اقتباسات متعدده لمشاركه وحده

اذا انت تتكلم عن مصلحة العالم الله يجزاك خير .. نزل موضوع عن ان الطلاب يطالبون برفع المكافئة وطلب تأمين افضل من التأمين الحالي
هذا لو جد يهمك مصلحة غيرك .. بدال ماتنزل نصيحتك للمبتعثين نزلها للمسؤلين

يوم كان فيه مطالبه بالزياده كنت مع اللي يطالبون لين شفت العالم مصختها وتركتهم
هذا موضوعين نزلتهم واقرا كلامي اللي اضفته على الخبر
http://www.mbt3th.us/vb/forum8/thread444174.html
http://www.mbt3th.us/vb/forum8/thread428783.html
وعندي سؤال كيف انزل نصيحتي للمسؤلين؟

غير كذا بالسعودية وبأسوء الأماكن (ومستوصف) يطلبون اثبات هوية على التأمين فما بالك بأمريكا , ولا تقول سمعت فلان وفلان لأن مصداقية الكلام 0 %
ماطلبت منك تصدقني
انا مادخلت على احد من ردودك وقلت ان كلامك مافيه مصداقيه
في ملفي مكتوب الاسم someone واسمي مو someone
والجامعه مكتوب I dont prefer to write it وهذا بعد مو اسم الجامعه

وغير كذا انت ذكرت معلومه عن مستوصفات السعوديه ولازم الاثبات علشان التأمين
كم هي نسبة مصداقية كلامك؟


وبموضوع الشيشه والمكافئة .. تبي الله يسلمك الطلاب يجلسون بغرفه 2 في 2 لحد يتخرجون من الجامعة ولا رجعوا يتعالجون نفسياً عشان يوفرون المكافئة ؟
تبينا مانطلع ولا نجي ولا نتونس ؟ تبي المبتعثين يعيشون ب شح ؟ لا ترد علي تقول ماقلت كذا هذا كلامك " او انه طلعات وجيات ووناسه؟! "
انا قايل لك في بداية ردي
ارد يمين وتروح يسار
اروح يسار وترد يمين
اقرا ردي واذا مافهمت اشرح لك زيادة مع اني اتوقع فيه كثير من الاعضاء فهموا الرد
اذا هم يبغون يطالبون بزيادة المكافأه لا يبينون انهم راعين وناسه وفله وطلعه وروحه
خل يبينون سواء للاعلام او غيره انه المكافأه ماتكفي مايطالبون وهم تاكين بمقاهي شيشه الله لايهينهم
لان هذا يقول للناس اننا عايشين بوناسه والعالم ماراح تصدق ان المكافأه ماتكفي فهمت ولا اشرح لك زياده؟
وارد عليك واقول لك ان شرحك مو كلامي اقتبس الرد كامل وافهم الرد زين بالاول

ان كان احد يشوف هالبعثه مذله ومكرمه , وفرصة ماتتكرر (ترانا نشوفها حقنا ك مواطنين والحر مايرضى بالمذلة )

فيه احد قال ان البعثه لها دخل في المذله والكرامه؟
لو تبحث بمشاركاتي تبي تشوف ان اغلب كلامي يكون في "من جد وجد ومن زرع حصد" وانه ليش هذا الشي مايصير عندنا وليش الواسطات لاعبه فينا

والمكافئة اللي شاقي فيها انت محسسني انها مليون , قبل سنتين او ثلاث بوقت المظاهرات صرفوا دبل شهر للمبتعثين
ليه مايصرفون الدبل طول السنة , ولا صحيح قالها وزير المالية الميزانية ماتكفي !
انا مسكتك وقلت لك لا تطالب واسكت؟
انا طريت شي في موضوعي يقول ان المكافأه زايده عن اللزوم؟!
ادخل الموضوعين اللي حطيتهم لك في بداية الرد وشف كلامي

ولا قلت تعال وشف .. الا لأنك ماجيت وشفت لو أنك جاي وشايف كان علومك ثانيه , وان كانك تبي تدافع عنهم وتبي ترعاهم وترفعهم
ولهم عليك جمايل وتخاف منهم اكثر من ربك , هذا شي ثاني وانا اخوك ولا اقدر اقول شي وقتها غير " انت الصحيح السلام السلام "
وتذكر ( الساكت عن الحق شيطان اخرس )


الحي يحييك والميت يزيدك غبن
اذا ماتعرف وش معنى هالمثل اقتبس كلامي علشان اشرح لك

- وبقتبس من ردك : طيب في ناس كثير تغتصب وتتحرش، هل بهذي الحاله الاغتصاب والتحرش حلال ومسموح؟
كلامي مباشر الله يوفقك تبي تدخلنا بدائرة , خليتك تدور لحالك
كلامي عن سرقة لاتدخل فيها الاغتصاب والتحرش .. كنا بالشيشة وبالسرقة الله يرضى عليك

ويرضى عليك ان شاء الله
من وين كلامك مباشر؟ انا كنت اتكلم عن التأمين وانت دخلتني بسرقة مليارات التأمين شركة امريكيه ماتدخلت في توزيع الميزانيه للدوله
الحين مو كلهم حرام؟
الحرام حرام والحلال حلال، بغض النظر عن قوة التحريم علشان كذا قلت مثالي وتعرف ان الحرام حرام

تبي تحلل السرقة عليهم وتحرم على المواطنين اخذ حقوقهم من بيت المال ؟ , وهذا كلامي قلت اخذ ماسرق منكم , وهو حقكم !
عاجبك فلوس المسلمين يسرقونها بالمليارات وجاي تسكر على خلق الله بتأمين طبي ؟
هذا بيت مال المسلمين لا هو لأبوي ولا هو لأبوك " للمسسسسسلميييين "

متى حللت عليهم السرقة؟ لو تقرا ردودي بتشوف اني اقول "اذا طبوا النار مانطب معهم"
وثاني شي الشركه هذي امريكيه يعني مالها دخل في اموال المسلمين هم تعاقدوا مع الملحقيه، الملحقيه تعطيهم فلوس وهم يقدمون خدماتهم. اي حق تاخذه منهم؟
اذا انت تملك مشروع تجاري وجاك واحد يبي خدمه من خدماتك واعطيته سعر مرتفع وهو وافق
. هل احد ابنائه له الحق بانه يسرق منك اموال بحكم انه هو اللي يستحق هذي الاموال اكثر منك؟
هي شركه "امريكيه" تقدم خدماتها مقابل مبالغ ماليه يعني فيه عقود وشروط. ماتدخلت في توزيع ميزانية الدوله

* راجع الله يطول بعمرك قصة عمر بن الخطاب ( رضي الله عنه ) في خلافته وقت ما وزع الأقمشة على المسلمين
قال احدهم لعمر وهو صحابي لاسمع ولا طاعة يوم شاف الثوب اللي عليه يعادل قطعتين من القماش اللي وزعت عليهم
ف اجاب عليهم ابن عمر بن الخطاب قال لطول أبي اعطيته قماشي , على قطعة قماش قال لا سمع ولا طاعة !!

رضي الله عنه وعن الصحابه اجمعين
في ردك انت تتكلم عن السرقه او الطاعه؟!
اللي كنت افهمه من ردك ان فيه ملايين تنسرق ومادري ايش وبعدين حولت على السمع الوطاعه
السرقة: اخذ مال معين المقدار ، غير مملوك للآخذ
السمع:قوَّةٌ في الأُذُن بها تدرك الأَصوات
الطاعة:الانقيادُ والموافقةُ
تسمع مايقال لك من ولي الامر عبر الاذن وتطيع عبر الانقايد والموافقه مالم يكن في معصيه
وش دخل السرقه؟

ثقف نفسك زيادة واقرأ كتاب ( الولاء والبراء )

اشكرك على نصيحتك في تثقيف نفسي بقراءة كتاب الولاء والبراء
لكن وش فايدة التثقيف اذا كان مافيه فهم؟
وأي كتاب انت تقصد؟
كتاب الشيخ عبدالله ابن جبرين الله يرحمه؟
او كتاب الشيخ عبدالرحمن عبد الخالق؟
لاني قريت كتاب الشيخ ابن جبرين الله يرحمه

وبالنهاية على الذمة بحطها بذمتي , ان بيت مال المسلمين للمسلمين وما سرق منهم وعادوا لأخذه فهو لهم
وتبي تدور فتوى من مشايخ السعودية ( الشطرنج )
طال عمرك من تبي نستزيد من فتاويه؟

* ودامك ذكرت الذمة , ف انا اشوف انهم اشتروا ذمتك ولا مايجادلني في كلامي الا الضرير !

والله اني اقراء ردك وانا اضحك
يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الاحتراق طيبا
"اكره ان اكون له مجيبا" يعني ارد وانا مكروه لكن "يزيد سفاهة وازيد حلما"
اشتروا ذمتي ما اشتروا ذمتي ليش حارق نفسك
انا مادافعت بالاساس عنهم فكيف تخليهم شارين ذمتي؟
وبعدين حتى لو ابدافع عنهم اذا كان فيهم خصلة حسنه ليش لا؟
انت قلت
كلامي مباشر الله يوفقك تبي تدخلنا بدائرة
موضوعي بالاساس عن شركة التأمين وسوء استخدامها من قبل المبتعثين
وجيت انت ودخلتنا بالملايين والمليارات والسرقات

كنت اتكلم عن شيء خاص بالمملكه العربيه السعوديه
جيت ودخلتنا بطلاب قطر

تكلمت عن الاستخدام الخاطيء للتأمين
وقلت لي ليش الحسد

تكلمت عن الطريقة الخاطئة اللي يسوونها الطلاب في طلب زيادة المكافأه
قلت لي تبي المبتعثين يعيشون بشح؟

قلت لي تعال للندن وقلت لك اني مو امس مولود من بطن امي
قلت لي اني ماجيت ولا شفت واني قاعد ادافع عنهم

كلمتك عن السرقه
وجب لي قصة عمر رضي الله عنه عن السمع والطاعه

واعطيتك نصيحه لا تحط بذمتك شي ممكن يدخلك النار
قلت انهم اشتروا ذمتي وخليك كل مشايخ السعوديه "شطرنج"

أسألك بالله
هل انت تكتب وانت مقتنع بكلامك ولا بس تبي تعاند وتجادل
هل انت ترد وانت فاهم المكتوب ولا ترد على عماها تبي تعاند وتجادل
هل انت من الناس اللي يعترفون بالخطأ اذا أخطأوا او تعتمد على نظرية انا الصح والباقي غلط


نهاية ردي
يصيب وما يدري ويخطي وما دري .. وكيف يكون النوك إلا كذلك؟