الأعضاء الإشتراك و التسجيل

الملتقيات
ADs

شرح كيف تحصل على قبول جامعي بنفسك

شرح كيف تحصل على قبول جامعي بنفسك


NOTICE

تنبيه: هذا الموضوع قديم. تم طرحه قبل 1359 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية d7m112
    d7m112

    مبتعث جديد New Member

    d7m112 السعودية

    d7m112 , ذكر. مبتعث جديد New Member. من السعودية , مبتعث فى السعودية , تخصصى CS , بجامعة kharj university
    • kharj university
    • CS
    • ذكر
    • kharj, riyadh
    • السعودية
    • Aug 2011
    المزيدl

    March 25th, 2014, 07:33 AM

    بسم الله الرحمن الرحيم

    هذا موضوع كتبته بمدونتي قبل فترة والآن حطيته بموقع مبتعث لأن الفايدة أكبر هنا ,, موفقين ياشباب :

    حيا الله معشر المبتعثين والي يستعدون للإبتعاث
    في تجهيز متطلبات الابتعاث يواجه الشخص مصاعب كثيره عشان يجمعها وينتهي منها , مايدري الواحد هو يخلص طلبات وزارة التعليم العالي ولا طلبات الفيزا ولا طلبات قبول الجامعة.
    لكن اذا انتهيت منها جميعها تحس بنشوة الانتصار وتلقى نفسك خبير بموضوع التقديم على الفيزا والوزارة وتقديم الجامعات والمعاهد.

    هذا الموضوع يغنيك عن مكاتب جلب القبولات,,

    قبل لا ابدى حط في بالك موضوع قبول الجامعة بياخذ منك اسبوع مراسلة واسبوعين انتظار الرد وبعدها بإذن الله القبول بيجيك ,, عشان كذا شرط اساسي في البحث عن
    قبول الجامعة التبكير في مراسلة الجامعات
    فترة ماقبل البدء
    قبل لا تبدأ في البحث فيه نماذج لازم تجهزها تكون مطلوبة من جميع الجامعات خلها جاهزة معك وارفقها مع كل ابلكيشن ترسله , والنماذج هي كالتالي:
    صورة مصدقة من وثيقة التخرج والسجل الأكاديمي : بعد التخرج من الجامعة السعودية اطلب من قسم التسجيل بجامعتك نسخة من وثيقة التخرج والسجل الأكاديمي باللغة الانجليزية وصورهم 5 نسخ وارجع لقسم التسجيل عشان يختمون على الصور ختم "طبق الأصل".
    شهادة بنكية :لازم يكون بحسابك او حساب ولي امرك اكثر من 120 الف ريال سعودي وتطلب من البنك شهادة بنكية باللغة الانجليزية والمبلغ مسجل بالدولار واذا قدرت اجعل الشهادة موجهة الى "من يهمه الأمر" أو "To Whom It May Concern" وقل لهم يطلعون لك 5 نسخ لأنك بتعطيها الجامعات والسفارة ,, اذا مارضو يكتبونها إلى من يهمه الأمر لازم تكتب اسم كل جامعة وشهادة للسفارة.
    نموذج purpose of study : اغلب الجامعات تطلب منك تكتب صفحتين عن الغرض من دراستك هذا التخصص وليش اخترت هذي الجامعة ,, اذا كان معك لغة تساعدك أنصح انك تكتب الغرض بنفسك وفيه مقالات تلقى فيها نصايح تسويها اثناء كتابتك هذا النموذج ,, اما اذا لغتك ماتساعد بتلقى ناس ناشرين نماذج بالانجليزي جاهزه بس تحتاج تحملها وتغير الكلام الي داخلها لبياناتك. ابحث بقوقل "نموذج purpose of study"
    نماذج التوصيات من اعضاء هيئة التدريس والموظفين Recommendation letters : يوجد نماذج جاهزة في قسم شؤون الطلاب في جامعتك تطلب 9 نسخ وتطلب من 3 اعضاء هيئة تدريس سبق درسوك يقيمونك وكل دكتور يكتب تقييمه في 3 اوراق لأنك بترسل التقييمات لجامعات مختلفة ,, اذا كنت خريج قديم يستطيعون زملائك بالعمل ومديرك يقيمونك ويسجلون ايميلاتهم الرسمية بورقة التقييم.
    اختبار TOEFL - IELTS - GRE - GMAT : اذا بتقدم على جامعات قبول نهائي ويطلبون هذي الدرجات لازم تختبر الاختبارات الي يطلبونها ,, بعض الجامعات يطلبون ان الدرجة ترسل مباشره من مركز الاختبار مب من الطالب ,, تلقى الطريقه مشروحة بالنت.

    حصر اسماء الجامعات
    أول خطوة في بحثك لازم تحصر اسماء الجامعات الي ناوي تراسلها وتتأكد من DEADLINES لمواعيد التقديم وهل الجامعة موصى بها بالملحقية ,, افضل حاجة انك تختار 4 جامعات على الأقل لأنه اذا ماجاك قبول من وحده ولا ثنتين يكون عندك خيارات تقدر تفاضل بينها.

    ابحث في مواقع الجامعات
    في كل مواقع الجامعات الامريكية قسم خاص بالتسجيل بالجامعة اسمه ENROLLMENT أو ADMISSION يكون في بعض الجامعات موقع خاص تسجل ايميلك فيه وترفع شهاداتك وتاريخ تخرجك ومعلومات جوازك وتدفع رسوم التسجيل من داخل الموقع بعدين يتابعون معك الجامعة اذا يحتاجون متطلبات اكثر, وبعض الجامعات تطلب تحميل ملف PDF وتعبيه بشكل يدوي وترفق معه صور مصدقة من شهاداتك والشهادة البنكية وشيك بأسمهم وترسلها بالبريد السريع لعنوانهم في امريكا بعدها هم يشتغلون على القبول "البنك الأهلي يصدر شيكات بإسم الجامعات الأمريكية ".

    انشب ياصاحبي
    بعد ماترسل الابلكيشن سواء اونلاين او بالبريد لازم ترسل ايميل لقسم القبول بالجامعة وهم بيردون عليك مباشرة "راسلت حوالي 10 جامعات وكلهم كانو يردون بنفس اليوم او بعد يوم بحد اقصى" هذا الشخص الي بيراسلك مباشرة من اول ايميل يرد عليك به شغل معه وضعية النشبة لأنك بتتواصل معه مباشرة عن الطلبات الاضافية الي تحتاجها للقبول وبترسلها له وبتسأله متى بيجي رد الجامعة ,, والسبب في النشبة لأنهم يستقبلون مئات الابلكيشنز شهريا واذا حرصت على الابلكيشن حقك بتعرف النواقص بشكل اسرع وبتضيفها هذا عشان مايسبب لك تأخير في القبول.

    نصائح عامة:
    *لإرسال الاوراق بالبريد البريد السعودي يرسلون الأوراق ببريد مصدق بـ 140 ريال وتوصل في اسبوعين والشركات التجارية ( fedex - DHL - ... ) يرسلونها بـ 320 ريال وتوصل في اسبوع.
    *للي بيحث عن قبول سريع عشان يكمل اوراق القبول انصحه بثلاث جامعات تقدم قبول مشروط والقبول سهل فيها ومعتمدة من الوزارة:
    WICHITA STATE UNIVERSITY
    MISSISSIPPI COLLEGE
    IONA COLLEGE
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.