2 مرفق
تحذير من مكتب دوروب للخدمات الجامعية في دينفر كلورادو
السلام عليكم
أنا والله راح اقولكم وش صار معي مع هالمكتب وصاحبه الفلسطيني نبيل عساف
انا راسلتهم عشان اخذ قبول مشروط راسلني واحد سعودي اسمه وليد وياليته مو سعودي
قالي السعر على المشروط 400 دولار قلت لهم السعر غالي بعدها صار مدير المكتب يراسلني يكتب في ورقه رسميه وهي بالمرفقات
بعدها قالي لازم الفلوس مقدم رفضت وقلت انتم شكل قبولاتكم مزوره ولما اتأكد من القبول ارسلك فلوسك
المهم جلس يسبني ويقذفني من كل الكلام حسبي الله عليه
انا ما قهري الا السعودي الي يشتغل معاه
وربي يأخذ حقي
ارجوا الانتباه منه انتبهوا يا ناس وانشروا في كل مكان حتى لا يلعب على الناس
كل الرسائل موجوده عدي على الايميل مرسله من ايميل المكتب الرسمي
رد: تحذير من مكتب دوروب للخدمات الجامعية في دينفر كلورادو
ما زال نبيل صاحب المكتب الى الان يقذفي بعبارات جارحه عبر رسائل في الايميل من الايميل الرسمي للمكتب وكذلك السعودي وليد الي ما تتشرف السعوديه فيه يقذفوني
ومستعده انزل كل شي هنا اذا سمحت ادارة المنتدى
انا ناويه ارفع قضيه عليهم , أحتاج أحد ينور لي الطريق لاني ناويه ع القضيه ان شاء الله
رد: تحذير من مكتب دوروب للخدمات الجامعية في دينفر كلورادو
اخ بس
حسبي الله عليه , ياشين قهر الرجال
ياليت الأخوان يعلمونك كيف تأدبينه , لاتتنازلين
اما "السعودي" اللي معه , ياليت تبلغين الملحقيه عنه
أختي لاتليني وخليك قويه , وخل محرمك يتابع الموضوع لجل يأدب هالأشكال
رد: تحذير من مكتب دوروب للخدمات الجامعية في دينفر كلورادو
والله مصيبه
عموما مااح تحصلي شي من المحامي
آنا سبق ورفعت قضيه على مكتب مبتعثون وجلست مع المحامي ولا عطاني شيء مهم
نفس الحكايه مماطله
استغلال حاجة الناس
ناس ماتخاف الله همها تجمع المال ولو بالحرام
فلسطيني آو سعودي مافرقت بآسلوب النصب والٌاحتيال
وفيه ناس راح تقرأ موضوعك وتحذيرك
وثاني يوم تلاقينهم يطقوت الباب على نبيل الحرامي يدورون منه قبول
إذا آستمر في إيذائك عبر البريد الإلكتروني الرسمي للمزبله حقته ممكن تاخذي حقك منه
رد: تحذير من مكتب دوروب للخدمات الجامعية في دينفر كلورادو
الله يعينك اختي
وإن شاء الله ادارة مبتعث تسعى في حل هالازمة عما قريب والوصول لحل لقضية المتلاعبين بالقبولات بإذن الله
رد: تحذير من مكتب دوروب للخدمات الجامعية في دينفر كلورادو
السلام عليكم ..
ان ثبت هذا كلامه لك .. فانا اقترح لادارة مبتعث يحطون قائمه سوداء بالمكاتب النصابه
اختي الكريمه لو قدمتي بنفسك افضل لك من منة المكاتب ونصبهم ..
وكل الشغله مو مستاهله بعض الجامعات تطلب رسوم بسيطه لمعالجة الابليكشن لطلب قبولك والبعض الاخر لا
وكل شئ اون لاين والامور سهله من قبول المعهد الى استخراج الفيزا ( بكالوريوس ماستر ) والاخوان هنا مايقصرون معك ...
الله ينصرك .. ويعينك يارب
رد: تحذير من مكتب دوروب للخدمات الجامعية في دينفر كلورادو
يااخوان حذرناكم الف مررره من نبيل اعرفه أيام ماكنت ادرس بدنفر ومعروف انه نصاب القبول خصوصا البكالوريس سهل وهذا أكاديميا موقع جديد فتح او راسلوا الملحقيه الأمور جداً بسيطه
رد: تحذير من مكتب دوروب للخدمات الجامعية في دينفر كلورادو
اختي سوي حظر لايميله . . و كملي إجراءات القضيه . . و اظن كما سمعت ان في كل جامعه محامي للطلاب و يكون مجاني . . تأكدي من هالمعلومه و نسقي معه . . و بالتوفيق ان شاء الله
رد: تحذير من مكتب دوروب للخدمات الجامعية في دينفر كلورادو
مساوئ التعامل مع المكاتب
- امريكا فيها ما لا يقل عن 1000 معهد لغة ,, والمكاتب ما عندهم الا ثلاث معاهد سيئة متعاقدين معاهم ,, ويجبروك تختار احدهم.
- الطالب يبحث عن المعهد الاقوى في المكان الجيد ,, بينما المكتب يجبرك على المعهد اللي يعطيه نسبة ربح حتى لوم مكانه خايس ,, طزز في الطالب اهم شيء الربح
- مدة احضار قبول اللغة عادة تستغرق ما بين ساعتين الي يومين بالكثير بالايميل ,, اما المكاتب من شهر الي سنة
- والمشكلة مع هذا في الاسعار ,, قبول المعهد يكلف من30 الي 100 دولار ,, لكن المكتب يجيب لك قبول ب700 ريال الي 3000 ريال للشخص, تناقض
- المكتب يفتيلك من راسه كأنه يمتلك كل جامعات امريكا (يقول انت معدلك مقبول ,, لا خلاص مستحيل تحصل قبول ,, مع ان نص المبتعثين معدلاتهم مقبول)
اجراءات قبول اللغة جدا سهههههههله
المتطلبات عادة ترسل ايميل مرفق معه صورة جوازك وشهادتك والنموذج حقهم وعاده يحتوي (اسمك ومؤهلك وتاريخ ميلادك ..وحاجات بسيطه) وتدفع الرسوم سواء تعبي بيانات الفيزا في نفس النموذج او ترسلهم شيك او كاش
بس في مبتعثين اتكاليين ,, :) لا يزعلوا الطلاب من كلمتي .بس لأنو يكون عنده لغة ومع كذا متكسل يفتح مواقع الجامعات ويقدم بنفسه.
مع ان الحصول على قبول مو صعب مره ,, بس هم مصعبينها (باستثناء شرط الجي مات :) قصة ثانيه ما يمشي معها غير الاجتهاد والحصول عليه)
قبول الجامعات .. كل ما عليك هو
1- تجهيز الاوراق (شهادات + سجلات + توصيات + ورقة الغرض من الدراسة + توفل + ممكن في اشياء قليلة غيرها )
2- تصفح مواقع الجامعات
3- عبي الابليكيشن
4- ارسل اوراقك
عن طريق المكتب ما راح تقدر تقدم على اكثر من جامعتين بالست اشهر او بالسنة بقيمة لا تقل عن 4000 ريال او 3000 وقد تصل 6000
بينما بنفسك تقدر تقدم في خلال اسبوع على عشر جامعات بقيمة لا تتجاوز 1000 ريال
والله حرام تضيع مستقبلك على اتكالية واعتماد على مكاتب استغلالية
رد: تحذير من مكتب دوروب للخدمات الجامعية في دينفر كلورادو
اقتباس:
المشاركة الأصلية كتبت بواسطة عفوك يا ربي
ما زال نبيل صاحب المكتب الى الان يقذفي بعبارات جارحه عبر رسائل في الايميل من الايميل الرسمي للمكتب وكذلك السعودي وليد الي ما تتشرف السعوديه فيه يقذفوني
ومستعده انزل كل شي هنا اذا سمحت ادارة المنتدى
انا ناويه ارفع قضيه عليهم , أحتاج أحد ينور لي الطريق لاني ناويه ع القضيه ان شاء الله
الحل ؛
تكلمين واحد من خوانك يكون شقردي وراعي شر
تورينه الرسايل واطبعيها وصور الاميل وخليه يروح له للمكتب ويجلد ام ام امه ويمسك ذا الفسطيني ويجلده ويعبي ثمة تراب
لا محامي ولا بطيخ انتي بالسعوديه واخوك اذا جلده وراح هذاك اشتكى خلي اخوك يوري الشرطة الرسايل
احلق شنبي اذا ما مسكوه العسكر ويجلدو صاحب المكتب بعد