هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
انا مادري الطلاب المبتعثين كيف يحجزون سكن ويخلصون امورهم وهم هنا في بيوتهم ؟
ويروح يكتب في الابلكيشن انه بيسكن في الحي الفلاني في الشارع الفلاني في الشقة الفلانية !
ويسألونه السفارة عن السكن .. ويجاوب .. ويسافر ويسألونه عالحدود ويجاوب ..
من وين جاب السكن هذا وهل من الممكن اخلص كل اجراءات حجز السكن واضمن انه يبقى متاح لي الين اسافر وانا هنا ! ؟؟
احس اني ماني الوحيد اللي بيروح مقابلة السفارة .. وبيسافر .. وهو باقي ما حدد مكان سكنه ..
ولا حتى نوعه !
عائلة او الدورم او شقة لحالي او وين بالضبط ..
المهم سؤال : هل يشترط لاصدار الفيزا ولدخول امريكا اني احجز سكن ويكون محدد من قبل ما اسافر ..
او عادي .. ممكن اروح وهناك اسكن في فندق كم يوم الين احصل سكن مناسب ؟
وهل راح يسألوني من الاساس او لا ؟
وفي مقابلة السفارة هل سيسألون عن السكن ؟
واحد قال لي .. اذا ما حجزت سكن .. قول لهم انك بتسكن في سكن الجامعة .. وحط في الابلكيشنزززززز مكان السكن عنوان سكن الجامعة وانسخه نسخ من موقع الجامعة .. وهذا اللي سويته !
لكن باقي المقابلة .. ومو اكيد اسكن في سكن الجامعة .. وما حجزت اصلا
فهل بيسألون .. وهل هو ضروري اني اكون حاجز سكن او لا .. وفي حال كان ضروري
كيف احجز سكن ؟!!
وشكراً .
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
لا مو ضروري انك تحجز السكن قبل المقابله عشان تكتب العنوان انت حط بالابليكيشن يا عنوان الملحقيه يا عنوان الجامعه فقط انا كذا سويت و مشت الامور اساسا ما يسألونك عن هالنقطه الا اذا كان احد من الاعضاء مر عليه غير كذا لا يبخل علينا..
بالتوفيق,,
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
نسيت اقولك اخوي طير اذا تبي ترتب امور السكن قبل تسافر ارجع للمسؤول او المسؤله عن السكن في الجامعه اللي رايحلها و بيساعدونك و يعطونك معلومات و طبعا مو ملزم فيها ,, اللي اعرفه ان اغلب المبتعثين على قولتك يجلسون بفندق كم من يوم لين يرتبون امورهم ..
الله يسهلك,,
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
انتي سويتي المقابلة !!؟
ماشاءالله
وبشري ..
كيف كانت
وما سألوك نهائياً عن السكن ؟؟
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
ايه الحمدلله سويتها من زمان وكانت جدا سلسه ومافيها اي تعقيد وكانت الاسئله من واقع الاجوبه اللي في الابليكيشنات وسالفة السكن ابد ماجابوا طاريها ولا مااعتقد اصلا يسألون لانهم عارفين انو لسا ما رتبنا امورنا انت حط عنوان الملحقيه او الجامعه وريح راسك حتى النموذج اللي يوزعونه بالطياره برضوه حط عنوان الملحقيه..
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
طيب ريحتيني الله يريحك ..
والله كنت شايل همه
لان اسهل سكن ممكن احجزه وانا هنا هو سكن الجامعة
لكن المصيبة ان سكن الجامعة يقولون معفننننننننننن
اعرف سعودي في الجامعة هناك يقول صغير مرة ويجيب المرض
عشان كذا متردد احجز فيه او اصبر الين اروح واشوف لي سكن بنفسي
يعطيك العافية ..وعقبال ما تطلع لك الفيزا ان شاء الله ..
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
اقتباس:
المشاركة الأصلية كتبت بواسطة ط يـر!
او اصبر الين اروح واشوف لي سكن بنفسي
..
هذا الحل الافضل ولك الخيار :sleep: ,,, عموما الله يوفقك و يسهلك امورك :)
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
شكراً لك دينا والله يوفقك ويجزاك كل خير على دعواتك .. دمتي بخير .
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
سلام
بالنسبه للمقابله عادي حط عنوان الجامعه ، أما بالنسبه للمطار لازم تعبي كروت يوزعونها عليك في الطياره مذكور فيها عنوانك الي بتسكن فيه وغالباً الشباب يحطون عنوان الملحقيه أو الفندق الي تتعامل معاه الملحقيه في الوتر قيت ، وممكن يسألك موظف الجوازات عن عنوانك لابد أن يتطابق مع الكلام الي مكتوب .
ضروري حداً جداً خلال العشره الأيام الأولى من وصولك لأمريكا أنك تراجع المعهد أو الجامعه مكتب الانترناشونال أوفس أو المسئول عنك وتعطيهم معلوماتك بما فيها عنوانك الي حيرسل لإدارة الهجره والجوازات هناك .
تحياتي،،،
أزيمو
رد: هل حجز السكن ضروري قبل السفر ؟ والسفارة وفي المطار هناك ما يسألوني وين بتسكن ؟
اقتباس:
المشاركة الأصلية كتبت بواسطة azimoo
سلام
بالنسبه للمقابله عادي حط عنوان الجامعه ، أما بالنسبه للمطار لازم تعبي كروت يوزعونها عليك في الطياره مذكور فيها عنوانك الي بتسكن فيه وغالباً الشباب يحطون عنوان الملحقيه أو الفندق الي تتعامل معاه الملحقيه في الوتر قيت ، وممكن يسألك موظف الجوازات عن عنوانك لابد أن يتطابق مع الكلام الي مكتوب .
ضروري حداً جداً خلال العشره الأيام الأولى من وصولك لأمريكا أنك تراجع المعهد أو الجامعه مكتب الانترناشونال أوفس أو المسئول عنك وتعطيهم معلوماتك بما فيها عنوانك الي حيرسل لإدارة الهجره والجوازات هناك .
تحياتي،،،
أزيمو
الأخوان ما قصرو يعطيهم العافيه .. انت حط عنوان الجامعه .. وخليك حريص بأن العنوان موحد في جميع الفورمات يلي تعبيها.. اما السفارة ف موضوع السكن ما تعطيه الاهميه ولما يسألك قول له للحين ما حددت و احتمال اسكن فندق كم يوم الا ما ارتب اموري
ومثل ما قال aziimoo اول ما تستقر لعنوان سكن .. اعطي الخبر الانتيرناشيونال اوفيس و الملحقيه
بالتوفيق