عاجل .. كيف أرسل شيك مدفوع لجامعة جورج تاون ؟؟

ابد طال عمرك هذا يسمونه شيك مصدق تروح البنك تقول ابغى شيك مصدق بقيمه 250 وتقولهم انك تبي تصرفة في امريكا ,, وتعطيهم اسم الجامعه وهم يعطونك الشيك باسم الجامعه ,, وترى مو شرط يكون عندك حساب في البنك تقدر تدفع لهم كاش او اذا عندك حساب ممكن يسحبونه من حسابك ,,
بعض البنوك تقولك امريكا ماينصرف غير من البنك الدولي وهالخرابيط ماعليك منهم انا صرفت شيك من الخارج بشيك مصدق عادي ,,

الله يوفقك

Unfortuantely, we do not accept credit card payments. You can submit a
traveler's check made payable to Georgetown University.

هل يقصدون فعلا المصدق ولا المدفوع ولا كلهم سوا
وشي ثاني طيب وش لون ارسله لهم معقول بفيديكيس او دي اتش ال ؟؟

طيب انا اشيضمن لي وصوله وقهر ادفع عليه نصف الموجود بالشيك اجره

قهر والله المشكلة أن القبول من الوزارة ويبون انا ادفع

انا ارسلت للملحقية تدفع قالوا انك لازم تدفعين عشان التسجيل اون لاين

اشلون اون لاين وهم يقولون ارسليه لنا بريد !!

ياختي الجامعه تقولك انها ماتقبل الدفع بالكريدت كارد ,, تقولك تقدرين تسوينها في شيك سياحي الي هو نفسه الشيك المصدق باسم الجامعه ,, وترسلينه على الجامعه , سواء من فيدكس هنا او ترسلين احد مسافر على امريكا يوصلة للجامعه , او مثلا اذا تعرفين احد في امريكا ممكن يسوي شيك من عنده ويرسلها للجامعه كذا توفرين ثمن الارسال لانه هو يرسلة من عنده على الجامعه ,, بالنسبة اذا تبين الملحقيه تدفع ابد صوري الشيك وارسلي صورة لهم وهم يعوضونك حسب ماسمعت ,,

وبالنسبة لضمان الوصول انا ارسلت مع فيدكس ووصل للجامعه بس تاكدي من العنوان وان شاء الله يوصل خلال يومين ثلاثه ,,

أنا أرسلت شيك من بنك الراجحي ( ما عندي حساب فيه ) ، تروح للموظف و تقول أبي أرسل شيك بالبريد بقيمة 250 $ و راح ياخذ عمولة على هذا الشيء ، بعد كذا ترسله بالبريد السريع أو العادي ، زي ما تحب .

لمن وصل الشيك للجامعة ، الجامعة صرفت الشيك عادي .

^
ياخذون عموله اذا كان ماعندك حساب في البنك ,, انا ما اخذو مني شيء !

السالفه بسيطه والله

روحي لبنك البريطاني إذا عندك فيه حساب وقولي أبغى شيك مصدق وتعطينه إسم الجامعه عشان يكتبه عليه

وتحتفضي أنت بكعب الشيك

بالنسبه للعنوان ترسلي إيميل للجامعه تطلبي منهم عنوان لجنة التسجيل و عن طريق كارولين أو اللي سجلك بالجامعه ثم فقط تكتبي العنوان على الضرف ولازم تكتبي داخل الضرف رقم قبولك في الجامعه أو إسمك كامل وكل البيانات حتى يعرفو من أنتي

بالنسبه كيف ترسليه عن طريق DHL بـ 250 ريال من فرع السليمانيه وراح توصل خلال ثلاثه أيام

سلام

مشكووورين وما قصرتوا