مشكلة كبيرة جدا ومو معقول الي صاير!
السلام عليكم
بكتب مشكلتي بتفصيل واختصار.
انا شريت كامري 94 في شهر فبراير، وبعتها بنفس الشهر لان الي باعها لي باعها بدون اختبار سموق يعني ماتعدي الفحص.
المهم بعتها لشخص والشخص الي شراها مني وافق انها ماراح تعدي الفحص.
بعد ما بعتها بشهر وصلني بريد يفيد ان السيارة تم سحبها من الشارع لاني انا موقفها في الشارع ومخليها.
لكن انا ماوقفتها! وانا بايعها اساسا.
فاكشفت ان الي شراها هو الي وقفها ومشى وما حولها باسمه.
الحين شركة السحب كانو يطالبوني 300$ رسوم سحب السياره وتخزينها، قالو ادفعها و خذ السياره.
انا قلتلهم اني بعت الموتر وماهو لي، قالو خلاص خلها وامش اذا ماهو لك.
خليتها ومشيت.
بعدها ب3 شهور جاني بريد يقول ادفع 1067 دولار !!! لشركة Collection agency
لاني ما سددت رسوم السحب الي هي 300$ د .
قلت لهم اني بايع السياره وكذا كذا قالو بس انت بايعها بدون فحص وهذا ممنوع. يعني كانك ما بعت.
قلت طيب واذا ما سددت؟ قالو محكمة.
سددت امري لله.
وقالو ان السيارة راحت تشليح
لكن الحين انا خايف جدا بخصوص السيارة! مدري وينها ومدري وين اللوحات و شوضعها!
لو احد ياخذ اللوحات و يحطها في سيارته ويصدم له ادمي.
انا اكلها!
علموني تكفون شسوي!
شكرا
رد: مشكلة كبيرة جدا ومو معقول الي صاير!
وعليكم السلام ورحمة الله وبركاتـه
بداية كل عام وانت وجميع المسلمين والمسلمات بخير يـارب
الخطأ مشترك من الشاري ومنك يالغالي !
من المفترض بإنك تتوجه مع الشاري لأي بنك ويكتبلك تحويل المبلغ والسبب شراء السيارة وبعد كذا تاخد نسخة من ورقة عملية التحويل كإثبات بإن فلان الفلاني دفعلك مبلغ وقدره والسبب " شراء سيارة" !
بعد كذا هو يتصرف مع الدي إم في ويسجل السيارة ويفضل زيادة منك كبائع " تروح لهم معاه وتحتفظ بنسخة من عملية توضح تنازلك للسيارة لفلان " كإثبات آخر يكون في يـدك.
* عملية البيع هنا تتلخص في ورقة ملكية السيارة بحيث إنك تعمل تنازل من خلالها فقط !
حاليا بما إنك دفعت المبلغ للشركة فماعليك إلا بإنك تروح للدي إم في وتعطيهم رخصة سواقتك الأمريكية أو جواز سفرك واتوضحلهم المشكلة اللي حصلت وتسألهم " هل السيارة ولوحة السيارة لا زالت باسمي أو لأ ؟ "
إذا قالولك إنها مسجلة باسمك فحاول تلحق عالسيارة قبل لا يشلحوها أو يصلحو الخلل اللي فيها ويبيعوها !
إذا قالولك لأ ماهي مسجلة بإسمك " فأسألهم بأي تاريخ بالتحديد صارت السيارة ولوحتها ماهي مسجلة باسمي ؟ "
إذا كان التاريخ بعد سحب السيارة والمخالفة, بالتالي المخالفة راح تكون صحيحة عليك, أما إذا كان التاريخ قبل سحب السيارة والمخالفة, فاطلب منهم برنت أو ورقة توضح هذا الشي على أساس تقدر تطالب الشركة اللي سحبو السيارة وغرموك بفلوسك على أساس ترجعلك.
عذرا على الإطالة والله يسهل أمرك وأمر كل مسلم ومسلمة يــارب
رد: مشكلة كبيرة جدا ومو معقول الي صاير!
اقتباس:
المشاركة الأصلية كتبت بواسطة مبتعث خليجي
السلام عليكم
بكتب مشكلتي بتفصيل واختصار.
انا شريت كامري 94 في شهر فبراير، وبعتها بنفس الشهر لان الي باعها لي باعها بدون اختبار سموق يعني ماتعدي الفحص.
المهم بعتها لشخص والشخص الي شراها مني وافق انها ماراح تعدي الفحص.
بعد ما بعتها بشهر وصلني بريد يفيد ان السيارة تم سحبها من الشارع لاني انا موقفها في الشارع ومخليها.
لكن انا ماوقفتها! وانا بايعها اساسا.
فاكشفت ان الي شراها هو الي وقفها ومشى وما حولها باسمه.
الحين شركة السحب كانو يطالبوني 300$ رسوم سحب السياره وتخزينها، قالو ادفعها و خذ السياره.
انا قلتلهم اني بعت الموتر وماهو لي، قالو خلاص خلها وامش اذا ماهو لك.
خليتها ومشيت.
بعدها ب3 شهور جاني بريد يقول ادفع 1067 دولار !!! لشركة Collection agency
لاني ما سددت رسوم السحب الي هي 300$ د .
قلت لهم اني بايع السياره وكذا كذا قالو بس انت بايعها بدون فحص وهذا ممنوع. يعني كانك ما بعت.
قلت طيب واذا ما سددت؟ قالو محكمة.
سددت امري لله.
وقالو ان السيارة راحت تشليح
لكن الحين انا خايف جدا بخصوص السيارة! مدري وينها ومدري وين اللوحات و شوضعها!
لو احد ياخذ اللوحات و يحطها في سيارته ويصدم له ادمي.
انا اكلها!
علموني تكفون شسوي!
شكرا
ماكان المفروض انك دفعت المبلغ. على كل حال روح للـ DMV واعمل ريليس للسياره تبعك وسجل معلوماتك ومعلومات المشتري
ولو عملت هالخطوة اول ما بعتها كان محد طالبك بشي. على كل حال هالخطوة اجبارية بعد بيع السياره وحتى الان لازم انك تسويها.
Re: مشكلة كبيرة جدا ومو معقول الي صاير!
^^ سويتها لكن الي شراها ما سجلها باسمه