الأعضاء الإشتراك و التسجيل

الملتقيات
ADs

مساعدة الله يفرج للي يرد علي ويساعدني

مساعدة الله يفرج للي يرد علي ويساعدني


NOTICE

تنبيه: هذا الموضوع قديم. تم طرحه قبل 1231 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية القصيم&الخرج
    القصيم&الخرج

    مبتعث جديد New Member

    القصيم&الخرج السعودية

    القصيم&الخرج , ذكر. مبتعث جديد New Member. من السعودية , مبتعث فى السعودية , تخصصى قانون , بجامعة جامعة سلمان بن عبدالعزيز (قسم قانون)
    • جامعة سلمان بن عبدالعزيز (قسم قانون)
    • قانون
    • ذكر
    • الخرج واطمح للخارج, اي ولايه يابو توني ببيتنا
    • السعودية
    • Oct 2009
    المزيدl

    August 4th, 2014, 05:56 AM

    بسم الله الرحمن الرحيم
    صبحكم الله بالخير للي بالسعودية ومساكم الله بالخير اللي بامريكا
    ي آخوان انا في هم وغم لأيعلمه الا رب العباد

    م آبي آطول عليكم
    ولله الحمد من قبل وبعد تخرجت من الجامعه قسم القانون بمعدل 3.45 من 5 قدمنا على وظايف ومنا ومنا لين مآش الواحد زهق م علينا استخرت الله عز وجل في آن اكمل دراستي للماجستير خارج المملكه ما دام بي قوة ولا زالت فورة البكالوريس بمخي زي م تدرون ان المرحلة العاشرة لبرنامج ابو متعب الله طول بعمره فتح امس قدمت مع الرغم آن معدلي انقص من المطلوب لكن ربك بيسرها شففففتوا هذا كله ولا بديت بأسالتي فتحملوني الله يجزاكم خير

    س1 - هل تنصحوني بأمريكا كدولة لتخصص مثل القانون ؟
    س2- ماذا تسمى دراسة الماجستير بأمريكا ؟؟ وكم مدة دراستها للمعلوميه اريد تخصص القانون التجاري كحب لهذا التخصص
    س3- هل تتوقعون بيقبلوني برنامج الملك على الرغم من معدلي ؟ وهل تعرفون احد او احد منكم مر بكذا انهم قبلوه ومعدله نازل ؟
    س4 - ولو م قبلني لا قدر الله هل اقدر ادرس ع حسابي الخاص وانظم بعدين وكم اجلس عشان يضموني ؟
    س5- والله ادري ان اسألتي بدائيه لكن الشكوى لله ؟
    س6 - ماهي افضل الولايات لدراسة القانون من حيث الاجواء ومن حيث الطبيعه ومن حيث الدراسه ؟
    س7- ماهي افضل الجامعات في الولايات السابق ذكرها ف السوال السابق ؟
    س8- سمعت ان فيه شي اسمه قبول مشروط ماهو ؟
    س9- ماهي افضل معاهد الجامعات ام المعاهد الحكوميه ؟
    س10- بالنسبة للصرفيه وكذا كم تتوقعون لواحد ماهو مبذر ؟
    زي ماشفتوا فوق انا شخص جججددا جاهل بما يتعلق بالدراسه بالخارج وجدا متحمس اتمنى ان لا يهبط هالحماس ابي واحد ييقولي حبه حبه النظام بالكامل ولو استدعى انه يراسلني ع الايميل
    جزاكم الله خير والله كتبها بموازين حسناتكم
  2. إن شاء الله أحد من إخوانا دارسين قانون يساعدوك نصيحه ركز على قبولك بمرحله العاشره لأني أعرف كثير إنرفضوا بسبة معدلهم نازل عن 3.75 درجة وحده بس

    هذا إلا لو جبت لك واسطه أو درست على حسابك , تمشي أمورك.

    س8- سمعت ان فيه شي اسمه قبول مشروط ماهو ؟
    الجامعه تشرط عليك تجيب درجه معينه بتوفل أو الأيلتس .. الغير مشروط إنك تدخل معهد الجامعه عادي وتنجح في جميع المستويات وخلاص يقبولك أكاديمي. (بس هذا عادة لطلاب بكالريوس) الماستر لازم له
    إختبار توفل أو أيلتس. وبالتوفيق
    7 "
  3. باختصر عليك كلام كثير ..
    معدلك ما يقبلونه الوزارة الا بواسطة .. عندك واسطة ؟ لو معدلك 1 يمشونك ..

    المهم ما علينا .. رح للوزارة و جرب يمكن تطيح لك بموظف ولد حلال يزحلق امورك و الا شي ..

    قبول الماجستير للقانون بيكون على برنامج اسمه LLM يعني اذا جيت تقدم ، تقول ابي ماجستير LLM .. بعضه يكون قانون تجاري بعضه قانون بحري ، بعضه قانون بيـئــي .. إلخ.
    البرامج تبع الـ LLM في امريكا قبولها سهل مقارنة بالتخصصات الثانية للماجستير ..

    و ساعاتها قرابة 24 ساعة دراسية ، يعني سنة لغة و سنة ماستر و انت مخلص ..

    فيه جامعة يمشي فيها الجميع و فيه ناس تخرجوا منها بمعدلات عالية جدا جدا جدا من سهولتها و هي اسمها SMU في تكساس جامعة كويسة في التقييم العام .. و ابو كلب دراسيـًا سهلة جدا ..
    فيه جامعة كذلك ثانية .. اسمها جامعة بتسبيرق .. جيدة هي الثانية .. فيه جامعة PACE في نيو يورك .. و فيه كذا جامعة ناسي اساميها و الله..
    وفيه وحدة بعد بكليفورنيا ناسي اسمها و الله

    القبول المشروط فكرته بالبلدي كالتالي:
    يعطونك خطاب يقولون فيه يا أخونا الكريم نود إبلاغك بأنه تم قبولك في برنامج القانون LLM قبول نهائي .. شريطة أن تحصل على التالي: شهادة التوفل ، أو تخلص معهد معين ، أو تجيب درجة معين باختبار معين.

    هذي فكرة القبول المشروط يقولون قابلينك يا حلو بس إذا تحقق الشرط هذا ..

    انت بما انك ماستر لا تفكر كثير بالولاية .. فكر اهم شي من الي بيقبلك ..

    بعضهم يروح على حسابه الخاص و خلال 4 شهور ينضم للبعثة .. ففيه احتمالية .. و لكن ما ادري عن النظام الجديد الان.

    اتمنى جاوبت على كل اسئلتك .. هذا الي عندي و اتمنى لك التوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.