عرض للطباعة
السلام عليكم
قدر الله علي وضيعت جوازي، ابي اعرف وش الاجراءات الي اسويها هل لازم ارجع السعوديه علشان اطلع فيزا جديده
لاني سمعت اني اقدر اطلع الجواز مع الفيزا من هنا، مع العلم اني بامريكا.
اللهم ياجامع الناس بيوم لاريب فيه، اجمعني بضالي
ارجوو المساعده ):
تواصل مع السفارة السعودية
اذكر الله و دور علييه كوويس يمكن تلاقيه هنا و هناا ،، اهم شي تروح لاقرب مركز شرطة و تبلغهم و تاخذ معاك تقرير بهالشي
عندك خيارين تكلم السفارة و يصدرو لك تذكرة مرور للسعودية مره وحده و تروح تخلص امورك من هناك تطلع جواز و تقدم ع الفيزا من جديد و هالشي ما انصحك فيه
لان يمكن يمرمطوك الجوازات شوي ،، على حسب و الله اعلم ،،
الخيار الثاني و هذا برأيي افضل وهو انك تطلع جواز هنا و انت بامريكا ،، روح لاقرب قنصلية او السفارة بواشنطن دي سي ، و طلع الجواز يمكن يطول معاك شهر او اثنين او ثلاث
و جلوسك بأمريكا نظامي ما دام الاي توني ساري ،، اما الفيزا فلازم ترجع السعودية و تطلعها و خذ معاك بلاغ بفقدان الجواز و تقرير الشرطة ،، و الله يكون بعونك ما يطولوها عليك
موفق و ان شاء الله تلاقيه و ترتاح.
شوف مثل ما قالو الاخوان
روح مركز الشرطة طلع تقرير
وابحث قبل لا تكلم السفارة يمكن تلقاه
اذا مالقيته كلم السفارة يصدرون لك جواز من صفحه وحده ترجع فيه
اذا رجعت تروح للجوازات تعطيهم التقرير و بعدين عاد الجوازات يعطونك عقوبة كم شهر عشان ضيعت جوازك < اذا عندك واسطة يطلع جوازك خلال ربع ساعه
المهم ان ما اتوقع تقدر تاخذ جواز جديد قبل شهرين او ٣ اشهر
لان جواز ماهو لعبه
عموما حاول تبحث هني هناك وتحصله باذن الرحمن
استغفر ربك وانت تدور وقول لا اله الا انت سبحانك اللهم اني كنت من الظالمين