الأعضاء الإشتراك و التسجيل

الملتقيات
ADs

عاجل جدا جدا جدا للمرافق

عاجل جدا جدا جدا للمرافق


NOTICE

تنبيه: هذا الموضوع قديم. تم طرحه قبل 3534 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية smiley
    smiley

    مبتعث جديد New Member

    smiley غير معرف

    smiley , تخصصى Student , بجامعة KAAU
    • KAAU
    • Student
    • غير معرف
    • Jeddah, KSA
    • غير معرف
    • Dec 2007
    المزيدl

    April 14th, 2008, 02:50 AM

    السلام عليكم ورحمة الله
    أشكركم على هذا الموقع القيم فعلا
    لولا الله ثم معلوماتكم ماكنت أعرف ايش راح أسوي

    المهم سؤالي انا مبتعثة لأمريكا جاني قبول من
    English Language Programs
    University of Pennsylvania
    بالنسبة لأخي المرافق راح يتخرج انشالله من ثانوي قدمت له معايا على فيزا سائح B1,B2 قبل ثلاث أيام عشان اخذ موعد من السفارة للمقابلة:
    1- هل ممكن أغير له الفيزا الى F1 (دارس) بان احذفه من عندي وارجع اضيفه من اول وجديد ؟وكدة راح يصير موعده معايا في المقابلة أم لا؟
    2-مالمطلوب له حتى تقبل السفارة تصدر له فيزا FI ؟
    3- من الي يطلب كشف حساب بنكي السفارة ولا المعهد؟ وهل هو كشف حساب اخر ستة شهوريعني مثلا فيه 100,000 ريال ثابته ولا ممكن يقبلوا بكشف حساب غير ثابت يعني من ستة شهور اسحب وارجع اضيف في الحساب مرة يكون في مبلغ مرة مصفر بعد يومين ارجع اضيف وهكذا ....هل يقبلوا بحساب زي كدة؟ وهل ممكن يكون حساب خالتي او ولد خالتي؟
    4-هل يجب اجيب له القبول لمعهد وجامعة أم معهد فقط وبعدين الملحقية هناك تعطيه قبول جامعة؟
    5- كيف اجيب له قبول في نفس معهدي؟؟؟
    6- هل المفروض القبول هذا يكون معاه يوم نطلع الرياض للمقابلة ام لا؟
    أرجوكم أفيدوني عارفة اسئلتي كثييييييييييييييرة لكن ماأفقه شئ في فيزا أمريكا وتعبانة بسبب موضوع المرافق
    وماعندي احد يفهمني ....رجاء خاص ان تفيدوني عاجلا

    شكرا لكم
  2. حبيبي انا عندي نفس المشكلة سويت المقابلة ورفضوا زوجتي وقالوا تجيب لها قبول من نفس الجامعة قلت كيف قال سهلة جدا تراسلهم وترسل صورة جوازها ع الفاكس والجامعة تعطيك القبول خلال اسبوع وارجع لنا من دون موعد ونطلع تاشيرتها معك هذا ما حصلي اتمنى تستفيد وشكرا
    7 "
  3. متطلبات الفيزا F-1 أن يكون عنده قبول للدراسه

    ولازم يحضر I-20 معه في المقابله

    بالنسبه لكشف الحساب ...فالأفضل هي الشهادهـ البنكيه يعني يكون في حسابك المبلغ لمدة 48 ساعه تكفي بعدين تروحي البنك وتطلبيهم شهاده بنكيه لمن يهمه الأمر ووحده ثانيه بإسم المعهد...وبعد 48 ساعه إذا المبلغ مو لك تقدري ترجعيه لصاحبه...ونفس الطريقه بنفس المبلغ لأخوك
    وطبعا السفاره تطلب الشهاده البنكيه

    سلام...
    7 "
  4. اختي
    اولا ممكن تاخذينه معاك بتاشيرة مرافق
    اذا مصره انه يدرس لازم توفرين الضمان المالي واللي هو شهادة بنكية كما ذكر الاخوه انفا طبعا السفارة تطلب الضمان المالي والمعهد ايضا عندما تخاطبينه ترسلين له صوره من الشهادة البنكية
    بعد ما تجيبين له القبول او ال i-20 تحجزين له موعد وتقدمين على تأشيرة دراسية وعلى فكره لازم يكون نفس المعهد حقك لان الملحقيه والوزارة تبغى كذا
    اذا انتي جبتي القبول وخلاص يصير سهل انك تجيبين قبول من نفس المعهد حقك لأنهم صاروا يعرفونك وصار عندك معرفه بطلباتهم
    هذا اللي اعرفه والله اعلم
    طبعا لازم يكون القبول معاه عند مراجعة السفارة
    7 "
  5. مشكورين كلكم وماقصرتوا بس ماحد قالي
    1- كيف اراسل المعهد نفسه ؟؟؟
    ممكن اقدم له عن طريق مكتب لأنه أنا ماعمري راسلت جامعات وهذا القبول جاني عن
    طريق الوزارة!
    2- عادي اغير له نوع الفيزا قبل موعدنا في السفارة وهل راح يصير كذا موعده معاي؟
    أشكركم كلكم فعلا افدتوني بس رجاءا ردوا عليا بسرعة
    7 "
  6. المشاركة الأصلية كتبت بواسطة smiley
    مشكورين كلكم وماقصرتوا بس ماحد قالي
    1- كيف اراسل المعهد نفسه ؟؟؟
    ممكن اقدم له عن طريق مكتب لأنه أنا ماعمري راسلت جامعات وهذا القبول جاني عن
    طريق الوزارة!
    2- عادي اغير له نوع الفيزا قبل موعدنا في السفارة وهل راح يصير كذا موعده معاي؟
    أشكركم كلكم فعلا افدتوني بس رجاءا ردوا عليا بسرعة
    1- راسليهم عن طريق الايميل وهما اكيد يكونو متفهمين وما عندهم مشكله بيعطوكم قبول .
    تلاقي عناوينهم في الاوراق اللي عندك

    2- اصلا السفارة ما ح يوافقو الا انه يطلع بفيزة طالب f1 وبيقولو لكم هاتو قبول وضمان مالي وكشف حساب وسددوا السيفيس وارجعولنا (( نفس اللي حاصل معايا )) بالنسبه للموعد عادي تروحو مع بعض .


    بالتوفيق لكم
    7 "
  7. المشاركة الأصلية كتبت بواسطة w.q.w


    2- اصلا السفارة ما ح يوافقو الا انه يطلع بفيزة طالب f1 وبيقولو لكم هاتو قبول وضمان مالي وكشف حساب وسددوا السيفيس وارجعولنا (( نفس اللي حاصل معايا )) بالنسبه للموعد عادي تروحو مع بعض .


    معقولة مايرضوا يطلعوا المرافق الا بفيزا دارس F1 وكيف في الملتقى حقت السفارة قالت عشان في امريكا مافي نظام المحرم لما يسألوه في السفارة انت ليش طالع امريكا يقول عشان مع اختي وسياحة ....يعني عادي يطلع بفيزا سائح ؟؟ ولا لازم دارس ؟؟ حيرتوني صراحة طب لو هو أصلا مايبغى يدرس هناك بس يبي لغة وخلاص يرجع ايش الأفضل عشان مايقطعوا البعثة علي؟
    7 "
  8. المشاركة الأصلية كتبت بواسطة smiley
    معقولة مايرضوا يطلعوا المرافق الا بفيزا دارس F1 وكيف في الملتقى حقت السفارة قالت عشان في امريكا مافي نظام المحرم لما يسألوه في السفارة انت ليش طالع امريكا يقول عشان مع اختي وسياحة ....يعني عادي يطلع بفيزا سائح ؟؟ ولا لازم دارس ؟؟ حيرتوني صراحة طب لو هو أصلا مايبغى يدرس هناك بس يبي لغة وخلاص يرجع ايش الأفضل عشان مايقطعوا البعثة علي؟
    انا قلت لك اللي حصل معايا طبعا لاني راح اكون مرافق طول فترة البعثه وكمان ح ادرس..

    اللي في السفارة عارفين النظام في السعودية بحكم اننا مسلمين لازم المحرم بس كمان النظام عندهم في بلدهم ما يسمح للأخ انه يقعد فترة الدراسة حقتك كلها بفيزا سياحيه..

    لكن لو ياخذ لغة ويرجع ما اعتقد انهم يرفضو لانها فترة قصيرة بس اللي سمعته ان الفيزا السياحيه مدتها قصيره ما توصل سنه...

    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.