الضرائب على الدخل الجامعة تطالب بها

مرحبا,,

الجامعة الله يسلمكم تبي كل الطلاب الانترناشونال يعبون فورمات الضرائب.
أولا أنا أعرف انه الفلوس من البعثة ماعليها ضرائب.. مو عشان طالب\ طالبة زي مايقول البعض ..لأن فيه طلاب كثييير أجانب وأمريكان برضوه يدفعوا على فلوس بعثاتهم. لكن ال IRS نظام الضرائب بأمريكا يستثني البعثات الممولة من خارج أمريكا هذا بشكل عام..
بعدها برضوه حددوا انه الفلوس تكون له علاقة مباشرة ب الدراسة يعني فلوس كتب أو فلوس أجهزة ...الخ واذا كانت فلوس تدفع لإيجارات سكن مثلا أو معيشة فيكون عليها ضرايب.
وذكروا بصريح العبارة سالفة "المكافأة" stipend فأنا ألحين محتارة وأبي أشوف أحد صار له موقفي

Stipends, tuition waivers, or any other financial aid paid to or on behalf of NONRESIDENT ALIENS which require the recipient to perform services past, present, or future, in exchange for the financial aid are taxable as wages, are reportable to IRS on Forms 941 and W-2, and are subject to the withholding rules discussed under "Wages Paid to Aliens".

هذا الموقع
Withholding Federal Income Tax on Scholarships, Fellowships, and Grants Paid to Aliens

ورجاء اللي يجاوب ..يذكر المصدر مو توقعات أو تكهنات أو كلام أصحاب.

هل مكافأتنا لازم نسوي عليها ريبورت للضرايب؟؟
وترى قريت قائمة الدول اللي موقعه معاهده مع أمريكا بحيث تستثنى من الضرايب.. من الدول العربية كان مصر والمغرب وتونس..مافي ولادولة خليجية.. وفيه دول مثل الصين وروسيا ..المهم الزبدة مافي السعودية :mad:

فإيش الحل مع هالموضوع؟؟

الحل راسلي الملحقية وقوليلهم جامعتي سوت كذا معي حلوها بطريقتكم

أرسلت لهم طلب استفسار فقط حاليا بس مرات أحسهم مايفهمون أو يستعبطون أو حتى ما يقرأوا السؤال ويجاوبوا على شئ ثاني - _-

أنا أنتظر الإجابة منهم واذا فيه شئ مفيد بشاركه معكم ,, وأتمنى اللي عنده تجربه يفيدنا.

ممكن اسم جامعتك والفورم المطلوب؟؟ لان فورمات الضرائب عديدة

الطالب الاجنبي بفيزا F1 اذا لايعمل , لابعتبر "مواطن لغرض الضرائب" الا بعد 5 سنوت .

Foreign Students and Scholars

والله حنا جامعتنا كل سنة يسوون Workshop لهذا الموضوع، ولا حضرته (هذي السنة الثالثة لي) والفورم يرسلونه لي على البريد، ولا عمري عبيته ولا أرسلته.
أجل فلوسنا نأخذها من بلدنا ونجي نسوي عليها ضرائب هنا، ببساطة: حنا ما يدخل علينا دولار واحد من هالبلد، حنا جالسين ندفع، نجي كمان ونقدم ضرائب على فلوسنا It does NOT make sense.
وهذا مفهوم الكلام الموجود في الموقع:
In general, scholarships, fellowships, and grants which originate from sources outside the United States are not taxable to NONRESIDENT ALIENS who receive such grants; nor are such grants reportable to the Internal Revenue Service


على أية حال، أنت طلبت مصدر ومدري إيش وأنا ما عندي لكن أعتقد أن Stipends المقصود بها هنا هي ما يستلمها الـ Teaching Assistants أو الطلاب الذين يدفع لهم رسوم الدراسة على أن يعملوا لاحقاً مقابل هذا المبلغ Tuition waive or financial aid، بدليل انه يقول أنها تتطلب خدمة which require the recipient to perform services past, present, or future, in exchange for the financial aid

أما حنا لنا الله، والله يخلي لنا اللي أمر ببرنامج الابتعاث، ويخلي قطرة النفط

نقطة