موقف سيء جداً حصل لي " أدخل عشان ما يصير لك ! "
السلام عليكم ورحمه الله وبركاته ،
انا وصلت حديثاً لامريكا لـ مقر دراستي للولاية و المدينة الي انا فيها ،
الموقف الي حصل لي صعب جداً ، ولولا حفظ الله رغم سوء تصرفي وتوفيقه رغم ما حصل لاتعرضت لشيء أسوء بكثير مما حصل لي..
قبل لا أطلع لامريكا حجزت فندق عن طريق موقع " بوكنق دوت كوم" اكيد كلكم تعرفونه ، وما يحتاج اوصف لكم رخص أسعارة وعروضه المغرية ،
كل شيء في الحجز مر علي خير كم ضغطة زر والحجز تمام .. طبعت الوصل وحطيته في الشنطه ..
المهم " مالكم في الطويلة "
تفأجئت بالرسيبشن يقول لي وين الكريدت كارد حقتك قلت له ماعندي ؟ بخلي عندك 1000 دولار لو تبي !
عطاني الجواز و ورقه الحجز وقالي " مقدر ادخلك الا ب كريدت كارد"
الصراحة انصدمت جداً من طريقة تعاملة معاي .. وهو يدري أن رحلتي كانت لا تقل عن 27 ساعةً!
ورغم ذلك ماكان يبالي وكل ما اكلمة واحاول افسر له وضعي يقولي " الي اقدر اسويه لك اني الغي الحجز مجانا "
سئلته " do asking me to sleep in street ? "
جاوبني " there nothing i could do for you "
طلعت بشناطي الثقيلة .. بوقت متاخر ليلاً 11 بليل.. لاني كنت معصب جدا ولا فكررررررت لانة كان وقح جداً كان المفروض " اقوله يطلب لي سيارة تاكسي ! "
توجهت للفندق الي قالي عنة ابو الشباب ( على كلامة اقدر اروح له مشي وهو كان يبعد نص ساعه !! ).. ماييبون كريدت كارد
رحت كلمته وتفاجائت أنه نفس الموضوع
لاكن الي جالس على المكتب كان ألطف وطلب لي تاكسي ..
وبعدها فرينا انا والتاكسي على فنادق كونكورد كلها
لين اضطريت أنام في موتيل " فندق نجمة واحدة " وكنت راضي عن هذا الشيء ولولا أن سعر الليلة كان بسعر
أهم شيء كان عندي ألقي مكان اقامة ل مدة 3 ايام على الاقل ! وبعدها أنتقلت لفندق أخر افضل !
خلاصة الموضوع " نصائح تعلمتها بكم يوم ! " :
1- قبل لا تطلع من مكان اقامتك تاكد انك حاجز فندق لفترة اقامتك و تأكد أنك جايب معاك visa حقتك سارية الصلاحية وفيها مبلغ!
2- لو حاجز من بوكنيق نصيحة أ أقرأ ورقه الحجز مرارا وتكرارا وافهم كل سياسات الفندق والمعلومات المهمه
2- لازم وشيء ضروري تشوف لك أحد المبتعثين في الولايه الي انت رايح لها لاتروح على عميان لانك صدقني بتحتاااااااااااااااااااااااااااااااااااااااااااااا ااااااااااااااجة حتى ولو تعرفت عليه عن طريق " الاولاين " !
3- حاول أنك تاخذ خط أمريكي من مكان اقامتك اذا قدرت أو من المطار لانه مهم
" 4- أقرا عن كل شيء للولاية الي انت رايح لها من الفنادق الى التكاسي ولا تتهاون بالموضوع لانك ممكن تضع نفسك بخطر "
رد: موقف سيء جداً حصل لي " أدخل عشان ما يصير لك ! "
غريبه الي حصل لك.. انا اتعامل مع حجوزات الفنادق من النت من ٢٠٠٩ ولم يسبق لي ان طلب الفندق مني الفيزه الي حجزت فيها... بالعاده الحجوزات انواع.. فيه حجز مسترد وحجز غير مسترد.. طبعا الغير مسترد من تحجز يتم استقطاع المبلغ فورا.. والحجز المسترد.. لما تاصل للفندق وتسوي تشيك أن .. يسالونك تبي نخصم المبلغ المحجوز بالبطاقه او بتدفع كاش ابو ببطاقه ثانيه.. انا كنت احيانا ادفع كاش واحيانا اقولهم اخصموها من البطاقه.. لان المبلغ يكون محجوز ولم يتم استقطاعه... لكن فيه شركات او فنادق معينه ممكن يكونوا مشترطين احضار البطاقه الي تم الحجز فيها لكن معاي ماحصل .. عموما الدنيا تجارب.. وبطاقة الفيزه المسبقة الدفع صارت متوفره باغلب البنوك وبرسوم رمزيه...
رد: موقف سيء جداً حصل لي " أدخل عشان ما يصير لك ! "
الا صحيح كلام الأخ الظفيري
انا ياما وياما حجزت فنادق في مختلف ولايات امريكا ، واشنطن فلوريدا كولورادو بنسلفينيا كاليفورنيا نيويورك
وكلهم بوقت التشك ان طلبو الكردت كارد او الفيزا حقتي وبعض حجوزاتي كانت مسترده وبعضها لا
أتوقع مطلوبه في حال حصول اي مكروه للغرفه الي سكنتها يسحبون حق التصليح !! مادري بس كذا قالي احد موظفي الفنادق
رد: موقف سيء جداً حصل لي " أدخل عشان ما يصير لك ! "
اها فعلا في سان ديغو ولاس فيغس طلبوا مني البطاقه.. لكن انا اتكلم بشكل عام انا اسخدمت موقع بوكنق يمكن باكثر من ١٠ دول.. عمر محد طلب وبالعكس كنت ادفع كاش .. لكن يبدو هذه سياسة الفنادق الامريكيه لان اصلا سياستهم بتسجيل الدخول الساعه ٣ والخروج الساعه ١١ وهذا عكس بقية دول العالم الي الدخول والخروج فيها يكون ع الساعه ١٢.. المهم لما الواحد يحجز يراجع معلومات الحجز كامله..ويرتب مع ناس يستقبلونه ويساعدونه باول الايام..
رد: موقف سيء جداً حصل لي " أدخل عشان ما يصير لك ! "
من ضمن المعلومات المرسلة لك هذه العبارة وكان الواجب مراعتها ...
يرجى إبراز بطاقة هوية مع صورة شخصية وبطاقة ائتمان عند تسجيل الوصول. جميع الطلبات الخاصة رهن بالتوافر عند تسجيل الوصول. لا يمكن ضمان الطلبات الخاصة، كما يمكن أن تحمل رسوماً إضافية.
لا تقبل العملات النقدية عند الوصول. يجب إبراز بطاقة ائتمان عند تسجيل الوصول ومن ثم يتم قبول الدفع نقداً عند المغادرة.
والحمد على سلامتك وكل دقه بتعليمه على العموم كان فيه حل ممكن تسويه ونطرحه للفائدة قد يكون مستفيد منه
1- الأتصال على موقع الحجز وطلب المساعدة أو تلقي النصحية منه .
2- يمكن أن يوفر موقع الحجز حل مناسب مثل الأتصال باحد أقرابك أو معارفك ويكون السداد عن طريق ذلك القريب أو الصديق بإرسال صورة من جواز سفره ورقم بطاقة الإئتمان الخاصة وترتيب الوضع مع إدارة الفندق بتفويضه بالخصم من البطاقة الخاصة به والقيام بإجراءات الحجز باسمك.
تحياتي
رد: موقف سيء جداً حصل لي " أدخل عشان ما يصير لك ! "
اقتباس:
المشاركة الأصلية كتبت بواسطة Abdulaziz Alshammari
غريبه الي حصل لك.. انا اتعامل مع حجوزات الفنادق من النت من ٢٠٠٩ ولم يسبق لي ان طلب الفندق مني الفيزه الي حجزت فيها... بالعاده الحجوزات انواع.. فيه حجز مسترد وحجز غير مسترد.. طبعا الغير مسترد من تحجز يتم استقطاع المبلغ فورا.. والحجز المسترد.. لما تاصل للفندق وتسوي تشيك أن .. يسالونك تبي نخصم المبلغ المحجوز بالبطاقه او بتدفع كاش ابو ببطاقه ثانيه.. انا كنت احيانا ادفع كاش واحيانا اقولهم اخصموها من البطاقه.. لان المبلغ يكون محجوز ولم يتم استقطاعه... لكن فيه شركات او فنادق معينه ممكن يكونوا مشترطين احضار البطاقه الي تم الحجز فيها لكن معاي ماحصل .. عموما الدنيا تجارب.. وبطاقة الفيزه المسبقة الدفع صارت متوفره باغلب البنوك وبرسوم رمزيه...
gهلا والله عبدالعزيزز ، المشكلة أن الموضوع ماهو مبلغ الحجز ، ولا بطاقة الحجز الموضوع ألي صار معي أن لازم تكون عندي كريدت كارد على دسك رسيبشن الفندق عشان أسوي شيك أن ويحجزون منها مبلغ معين تامين
حاولت أفهم الي كان على الدسك أني عندي استعداد أدفع لك كاش تامين دبل المبلغ الي تبي تحجزه من الكريدت كارد لاكنه رفض
بعدها الحمدلله رحت لفندق ثاني وحجزت ودفعت لهم 100 تامين وانتهي الموضوع !
ومثل ما قلت أنه الي حصل معي غريب لان الي يحجز من بوكينق متعود على نظامة لاني أكتشفت نظام الفنادق الامريكية مختلف كلياً !
رد: موقف سيء جداً حصل لي " أدخل عشان ما يصير لك ! "
فعلا يا عبدالعزيز الشمري ... هذا الي خلاني أتوهق اني ما كنت أعرف ان سياسه الفنادق الامريكية تختلف ... ياما وياما حجزت على بوكنق وباي دوله اذا بيطلب منك شيء بيطلب مبلغ أيداع تحطه عند الرسيبشن وخلاص .. ومايشترطون كريدت كارد بشكل أساسي
رد: موقف سيء جداً حصل لي " أدخل عشان ما يصير لك ! "
نعم بالضبط ... هذا النظام عندهم لازم تكون أنت يالي حاجز الغرفة عندك كريدت كارد ساريه المفعول .. عشان تسوي شيك أن !
انا حبيت أنوه لان الاغلب متعود على نظام بوكينق السلس في الحجز وفي ألشيك أن
وقليل ألي بيشيك على سياسات الفندق لانه حجز كثير على بوكنيق و 90% من الفنادق متشابهه !
رد: موقف سيء جداً حصل لي " أدخل عشان ما يصير لك ! "
اقتباس:
المشاركة الأصلية كتبت بواسطة ALSHIAKA
من ضمن المعلومات المرسلة لك هذه العبارة وكان الواجب مراعتها ...
يرجى إبراز بطاقة هوية مع صورة شخصية وبطاقة ائتمان عند تسجيل الوصول. جميع الطلبات الخاصة رهن بالتوافر عند تسجيل الوصول. لا يمكن ضمان الطلبات الخاصة، كما يمكن أن تحمل رسوماً إضافية.
لا تقبل العملات النقدية عند الوصول. يجب إبراز بطاقة ائتمان عند تسجيل الوصول ومن ثم يتم قبول الدفع نقداً عند المغادرة.
والحمد على سلامتك وكل دقه بتعليمه على العموم كان فيه حل ممكن تسويه ونطرحه للفائدة قد يكون مستفيد منه
1- الأتصال على موقع الحجز وطلب المساعدة أو تلقي النصحية منه .
2- يمكن أن يوفر موقع الحجز حل مناسب مثل الأتصال باحد أقرابك أو معارفك ويكون السداد عن طريق ذلك القريب أو الصديق بإرسال صورة من جواز سفره ورقم بطاقة الإئتمان الخاصة وترتيب الوضع مع إدارة الفندق بتفويضه بالخصم من البطاقة الخاصة به والقيام بإجراءات الحجز باسمك.
تحياتي
نعم فعلا كانوا ذاكرين لي هذا الشيء لاكني ما كنت مهتم لاني حاجز على بوكنيق كثير وعارف نظامة.. وهذا غلط مني
كل الحلول الي ذكرتها كانت معدومة التليفون فاصل شحن.. ماعندي خط أمريكي ..هههههههه
ماقول الا حمدالله على سلامتي
شاكر مروركم جميعا .. تشرفنا ..
رد: موقف سيء جداً حصل لي " أدخل عشان ما يصير لك ! "
اعلب الفنادق كذا
بس هو المفروض يساعدك لانك كنت بتدفع كاش بس الواحد مايدري وين الخير فية
ع العموم
انا لي تجربة شبيهةة لها
حجزت من برايس لاين سيارة وكنت مسوي عليها بيد المهم طلع لي شركة اسمها الامو ولما وصلت عندهم قالوا لي انسى مانعطيك السيارةالا بكريدت كارد, قلت يا جماعة هذي الكريدت كارد الي حجزت فيها ودفعت فيها الفلوس عن طريق برايس لاين قالوا لا هذي ديبت وكريدت وحنا نبي كريدت فقط
واظطريت اني اكنسل الحجز واحذت فلوسي من برايس لاين مع انها كانت غير مسترجعة
طبعا رحت حجزت من افيس وطلعوا زي الحلاوة يقبلون حتى كاش لو تبي
