شراء الاجهزة الالكترونية , من هنا او من امريكا , وش احسن ؟

اللابتوب ارخص بأمريكا بس لوحة المفاتيح ماهي مطبوعة بالعربي زي السعودية والجوال مافيه فرق بس السعر اقل في امريكا.

امريكا احسن لك بالراحة بدون اي نقاش .. الكيبورد تقدر تحفظه وتتعود عليه بدون ما يكون مكتوبة او تقدر تروح مكتبة جرير وتشتري الغطاء حق الكيبورد العربي .. غير كذا كل شي في امريكا افضل وارخص
الجوالات لو تشتري من السعودية ما بتستقبل 4g وممكن بعد ما تستقبل 3g بينما هنا لو تشتري جوال ب 200 دولار ( رخيص جدا) تقدر تلقط شبكة 4g بدون مشاكل

من هناك افضل بس تاكد انه مفتوح على كل الشبكات

طيب بالنسبة للملابس وش الافضل ..من هنا ولا من هناك ؟

أنا اشوف الملابس من أمريكا أفضل أسعار وتحصل اللي تبيه مثلاً تروح اوت لت وتشتري منه كل اللي تبيه يعني ثلاث ايام تقضي كل شيء تبيه.

الجوال من امريكا و لا تشاور ضمان و كل شي خصوصا لو كنت من عشاق ابل ،، تصير عروض استبدال و استبدال اجهزة
مثلا لو خرب جوالك ترده و يعطوك جديد بداله ،، و اذكر لما نزل 5s كان يبدلو 5 بـ 100 دولار ،، و اللي شارينه من السعودية ما استدبلوه لهم.. ولا يشمله الضمان.

بخصوص اللابتوب ،، انصحك من السعودية كيبورد عربي و لغته عربي بس تاكد الوندوز اصلي قبل تشتري ،، صحيح امريكا ارخص لكن فرق مو ذاك الشي.

بخصوص الملابس تعال امريكا اشتري لا تشتري من السعودية كثير ،، تتعب في شيل الشنط ،، و الملابس هنا اوفر و ماركات رخيصة ،،

موفق.

بأختصار الشباب ماقصروا
بس احب اضيف
اول شي الملابس من امريكا افضل واجود وارخص
الاب توب مافي فرق الا الكيبورد واذا ودك تشتري من امريكا تقدر تطلب لزقات ع الكيبورد من امازون ب 6 دولار انا شاريها
عشان كذا انصح تشتري من السعودية من جرير مثلا
الجوال هنا يبيلك تنتبه
اذا بتشتري من امريكا نصيحة لك اشتر كاش اذا انت ناوي تخلي الجهاز معاك يعني مثلا بترجع السعودية نهائي او للاجازات
كاش لان تقدر تفتحتة بعد فترة معينة (انا شريت نوت ثري من تي موبيل وقالوا لي ماتقدر تفتحة ويصير شغال ع اي جي اس ام الا بعد 40 يوم و شركة At&t بعد 6 اشهر فاضطريت اني اشترية من تي موبيل عشان كنت برجع السعودية)
اذا انت قعدتك بتطول فا خذ االي بعقد بس هل يعطونك؟؟؟ بحكم ماعندك سوشيل سيكيورتي نمبر
اسالهم وشوف اذا رحت

ماعندي خلفية عن الايفون بس الجالكسي مثلا عندهم ماحصلت شي معرب بس تقدر تكتب عربي ومافي مشاكل

اذا بتشتري ايفون اشتر من امريكا اذا غيره من السعوديه
اللاب توب انت ماتعرف انقليزي كثير علشان كذا اشتره من السعوديه

- - - مشاركة محدثة - - -

الفور جي يشتغل حتى لو ان جوالك شاريه من السعوديه بس بعض شركات الاتصالات ماتعطي فور جي الا للي يشترون اجهزه من نفس الشركه
معي نوت شاريه من السعوديه وشغال فور جي على اي تي اند تي