النمر بن ضاري يحتاج مساعدتكم عاجل! تكفون يا اخوان طرفه
السلام عليكم ورحمة الله وبركاته ,,,,
وأسعد الله صباحكم ومساءكم بالخير والإيمان والرضى من الوالدين والرحمن ,,,,,,,
أنا النمر بن ضاري ,, كنت طالب مبتعث في بريطانيا أدرس " نظم إدارة المعلومات " لدرجة البكالوريوس ,,,, وكنت أدرس و أدرس ثم أدرس ...
حتى وصلت أخر سنه لي في الجامعه ,,, وقدر الله وما شاء فعل ويموت الوالد - الله يرحمه ان شاء الله ويوسع عليه قبره - وتلخبطت الأمور شوي
ورجعت السعوديه أدفنه واغسله ,,, وبسبب كذا ما كملت دراسة أخر سنه لي عشان اخذ البكالوريوس ,,, واكتفيت بالدبلوم .. بس الحين ودي أكمل في دوله ثانيه ,, مثل امريكا ,,, يعني أعادل شهادتي وشهادة اللغه وأكملها في امريكا ,,, لأن بريطانيا ماهقوتي بيقبلونني لعدم إكمال اخر سنه عندهم ,,,,
المطلوب منكم الله يسعدكم هو : إذا فيه احد ممكن يجيب قبول من جامعه لطالب محول من جامعه ثانيه ,, أو يرشدني لجامعه معينه ,,, أو ممكن نتواصل على "الواتس اب " أو " الإيميل" , وعسا الله يكتب لنا ولكم اللي فيه خير ,,, وبالتوفيق للجميع .... وانتظر ردودكم بخصوص هذا الشأن...
وشكرا
رد: النمر بن ضاري يحتاج مساعدتكم عاجل! تكفون يا اخوان طرفه
الله يرحم ابوك ويسكنه الجنه.. لو قدرت تكمل بجامعتك بيكون افضل.. بالنسبه لامريكا فيه جامعات تعادل بس مو كثير.. يبيلك تتواصل مع الجامعه وتتاكد منهم . انا جامعتي تعادل بس للاسف مغلقه من الملحقيه للتكدس.. لكن انت دور واسال.. طبعا تحتاج تكون معاك شهادة ايلتس او توفل ساريه المفعول... طبعا انصحك بالبدايه تحدد الولايه والمدينه وبعدين تشوف الجامعه...
رد: النمر بن ضاري يحتاج مساعدتكم عاجل! تكفون يا اخوان طرفه
وعليكم السلام ورحمة الله
الله يرحم والدك ويرحم اموات المسلمين
انصحك تكمل في بريطانيا لان امريكا ماراح يعادلون لك كثير من المواد يعني بتدرس فوق سنتين اقل شي علشان تاخذ بكالوريوس
رد: النمر بن ضاري يحتاج مساعدتكم عاجل! تكفون يا اخوان طرفه
رايي تجرب في بريطانيا وتخاول فيهم وتعطيهم عذرك وتشوف
وبعدين يمكن ما يعادلون واجد لك
رحم الله والدك واسكنه الفردوس الاعلى