المقابلة وما ادراك مالمقابلة

أخوي العزيز عندي إستفسار عن القصه , بما أن هل الرجال اللى جالس (ببار) وقاعد يشرب ( جعة ) على قولتك وجاه عبد وعرض عليه حشيش , هذي يمكن تصير , وصديق هل الرجال رجعوه القنصلية للسعودية لأنه أستخدم الحشيش بأمريكا , بس سؤال ليش القنصلية مارجعه خوينا الأول اللى قاعد يشرب بيره لأنه مو كفو دراسه ومافيه فرق بينه وبين خوينا اللى تعاطى الحشيش لأنه كلها تذهب العقل , الرجاء أخوي عدم تصديق كل مايكتب ويقال , أما بالنسبة لهل الأسئلة وخاصه سؤال الجنس , أول أنت ببلد محافظ ومن المستحيل أن أحد يسألك هل السؤال طبعا بأستثناء الشباب المقربين بين بعضهم , طيب إستسفار وإذا كانت المبتعث طالبة فهل راح تنسأل هل السؤال ؟ الرجاء أخوي عدم كتابة أي شي لايمكن أن يدخل المخ .

شكرا كتير عالنصائح

مشكور اخوي على النصايح ..

لكن بسألك .. اللي يسألك سعودي او واحد اجنبي ..؟
اقصد يعني الأسلئلة باللغة الإنجليزية أو العربية ؟

ومشكور مقدما

اكيد بالعربي وسعودي

ياشباب الغرض من المقابلة هو تحديد شخصية الطالب هل هو جدي ام انه رايح يلعب طبعا هناك عدة اسئلة تصاغ وتعطا للموضفين منها الاستفزارزي ومنها الهزلي ومنها العلمي ومنها غير متوقع ولا

معلومات تأخذها معك 1- اسم الحي الي تسكن فيه واسم شارعكم ورقم بيتكم 2ذاسم المسجد الي تصلي فيه واسم الامام 3-اسم بعض الكتب الي تحب تقراها والا رح لجرير تال عمرك ولقط لك اسماء كتب بالهبل ولا تنسا الموضوع والمولف والله يعينك اذا عرف الكتاب وسال عن محتواه4-طبعا معلومات مفصله عن تخصصك والاهم مشروع تخرجك

اخوي ابو منصور المدريدي انت تقول الجعه تذهب العقل لكن العقل والمنطق يقول الجعة غير محرمه بالقانون الامريكي ولا العالمي ومصنفه تصنف مسكر وليس مخدرات ولكن جزاك الله خير وانا لو الود ودي ما يشربو نحتى كفي لنه يسهر لكن هذا خويي الله يهديه وهذي القصه وما حبيت اكذب واقول انه قاعد يشرب سنتوب

والله فيه شباب بيتشوتون بعد المقابلة ما دام هذي مشاركاتهم

هههههههههههههه اما من المشاركات حكمت ماعليك الله يكتب الي فيه خير