-
ٌٌاستشاره
السلام عليكم ورحمة الله وبركاتة
بكل اختصار وإجاز ارغب بقراءة آرائكم حول هذا الموضوع
انا معلم تخصصي فيزياء اخذت اجازه من عملي وكملت بآمريكا ماجستير هندسه كهربائيه بتقدير ممتاز لان معي قبول نهائي دكتوراه هندسه كهربائيه من جامعه ماديسون (سبرنق 2015)
العمل مو راضي يعطيني اي فرصه استفيد من شهادتي ورافض كذالك يعطيني اجازه دراسيه والجامعات مو راضيه اصير محاضر مع انه معي قبول من جامعه مرموقه بسبب ان تخصصي بالبكالوريوس فيزياء مع انه الفيزياء رتباطها قوي مع هندسه الكهرباء
فما هي آرائكم ونصائحكم
وشكرا جزيلا
-
رد: ٌٌاستشاره
توكل علئ الله التخصص ممتاز ومجالاته الوظيفية كثيره والجامعة من الجامعات المتقدمة والمعروفة!
سبحان الله وبحمده سبحان الله العظيم
-
رد: ٌٌاستشاره
استشر ثم استخر ثم اترك الوظيفة وتوكل على الحي القيوم
باذن الله ربي سيوفقك وتمشي امورك والفرص مستقبلا اكثر وافضل بما ان معك دكتوراه
-
رد: ٌٌاستشاره
انت عندك قبول وامورك بالسليم
توكل على الله وكمل الدكتوراه
حتى لو اظطريت انك تستقيل من وظيفتك
رزقك عند الواحد الاحد
ولا تخليهم يتحكمون بمستقبلك
بالتوفيق
-
رد: ٌٌاستشاره
اخوي الله يوفقك ان شاء الله لما فيه الخير لك .. فلا انا ولا انت نعلم ما هو خير لك
لكن كرأي شخصي .. أختلف مع اخواني بالأعلى .. و ذلك ان خريجي الدكتوراه في الغالب .. يكون المكان الذي يستقطبهم هو الجامعات أولاً .. فانت بما ان امتداد تخصصك مختلف عنه في البكالريوس و مثل ما تفضلت فيه بالأعلى انهم يرفضون هذا الشي .. بمعنى اخر اغلب الشركات تطلب ماجستير كحد أقصى ( طبعا هالحكم هذا من خلال اطلاعي و تجارب زملاء) .. يعني بالعامي تجيهم بالدكتوراه يقولون لك انت مؤهلاتك اعلى من المنصب الي عندنا .. فأنت اذا تعرف شركات تقبل بمؤهل الدكتوراه و موجوده بكثره توكل على الله و كمل .. أما عير ذلك فأنصحك ترجع لوظيفتك .. و تبحث وان بالسعوديه على وظيفه افضل بالماجستير الي معك .. و القبول الي معك هذا حاول تأجله سنه .. عشان لو ما عجبك الوضع ترجع تطلع عليه .. و الله يوفقك عزيزي و يكتب لك الخير أينما يكون و يسعدك فيه
-
رد: ٌٌاستشاره
غير كذا .. ممكن بعد سنه تتغير الظروف في عملك و يسمحون بخروجك او على الأقل منحك اجازه دراسيه .. كل شي ممكن من يدري! فاذا سمحوا حلو .. و اذا ما سمحوا مثل ما قلت لك انت بتكون قاعد تبحث عن فرصه افضل .. و لو قدر الله ما حصلت هذي او هذي .. فاطلع على القبول الي عندك و مأجله
-
رد: ٌٌاستشاره
صراحه ودي بالتكميل في جامعه ماديسون بس خايف اخسر وظيفتي وانا عندي ولد وبنت واجلت القبول لسبرنق لانه كان القبول على الفول بس قالو اقصى حد تآجل هو السبرنق قلت اوكي خلوه على السبرنق
انا شاكر لكل واحد ابدى نصيحته