الاجازة الاستثنائية للمرافق

السلام عليكم

انا مبتعثة من الجامعة
ودراستي راح تكون في 3 نوفمبر
صدر لي قرار الابتعاث يوم الخميس اخر يوم دوام...
وزوجي موظف حكومي و ما راح يقدر يقدم على الاجازة الاستثنائية الا بعد اجازة العيد
ورحلتنا رح تكون في 18 سبتمبر..
يعني 5 ايام من وقت التقديم الى موعد السفر

سؤالي
الحين من متطلبات فتح ملف مبتعث قرار الاجازة الاستثنائية للمرافق او ما يثبت عدم ارتباط المرافق بعمل حكومي...

في حالة زوجي راح تتأخر الاجازة الاستثنائية
هل راح يتم رفض طلب فتح ملف لي لعدم اكتمال مسوغات الطلب ؟؟؟

وبالنسبة لزوجي موعد دراسته مثلي
هل راح تعطيه الملحقية ضمان مالي و الا بيرفضون حتى تصدر الاجازة الاستثنائية؟

مع ملاحظة ان المعهد راسلوني انه الضمان المالي ممكن ياخذ له اسبوعين حتى يوصلهم وانه في هذه الحالة راح تكون مسؤليتي في اني احضر الضمان المالي قبل اول يوم في الكورس
او راح اضطر ادفع حق اسبوعين حتى يوصلهم الضمان المالي.

هل مر عليكم هذا الوضع

بالبدايه انتي ماحددتي اي دوله.. اذا بتروحي امريكا ف استغرب ان سفرك بيكون يوم ١٨ /٩ ودراستك يوم ٣ نوفمبر .. تاكدي من التاريخ الي بالايتوني لانه مسموح لك ٣٠ يوم بدخول امريكا قبل التاريخ المذكور بالايتوني... بالنسبه لاسئلتك .. موضوع زوجك لايأثر عليك ابدا وراح يتم فتح ملف لك واعطاءك الضمان المالي.. بالنسبه لزوجك للاسف لن يتم فتح ملف له الا بعد ارفاق الاجازه.. طبعا مدة اصدار الاجازه تختلف حسبة جهة العمل.. اذا جهة عمله متعاونه معاه ممكن بيوم تخلص الاجازه.. بالنسبه للمعهد ماله اي حق يطلب منك اي مبالغ ماليه لانه اوردي معطيته ضمانك المالي المبدئي.. ف نصيحتي لك تواصلي مع مشرف ولاية معهدك بقسم ادارة المعاهد علشان يتواصل معهم لان ممكن الملحقيه تقفل المعهد اذا ببتعامل مع المبتعثين بهذه الطريقه..

ايوة امريكا
معليش لخبطت
قصدي اكتوبر

وجزاك الله خير ع التوضيح
راح اسوي مثل ما قلت

لاتدفعين اي مبلغ لان الملحقيه ماراح تعوضك وهذا رابط عنوانين واسماء موظفين قسم ادارة المعاهد ،، تواصلي معهم وهم بيتفاهمون مع المعهد http://www.sacm.org/Departments/ESL/contactinfo.aspx