مهم جدا للمبتعثات السعوديات
مساء الخير
حبيت اخذ ارااءكم اخووووووواني المبتعثين عن قضيه مهمه جدا
الموضوع هو كيف وضع البنات المبتعثات في الولايات هناك ؟ كيف وضعهم من ناحية السعوديين ؟؟
انا في اتصال مع ولد خالي في امريكا قبل امس تكلمت معاه في موضوع السعوديات المبتعثات هناك وحبيت اخذ رايه في الموضوع وهل يمكن للبنت تكمل دراستها بوجود مرافق من دون عوائق او ازعاج او مضايقات ؟؟ صراحه ماتوقعت يوم قال لي ان المضايقات تحصل من السعوديين نفسهم ؟؟؟؟؟؟؟؟؟ لان الاغلبيه من السعوديين يضايقون البنات السعوديات بكل شكل ؟؟ يعني مثلا في الكلاس يجيك الشباب السعوديين ويتكلمون ع البنت المبتثعه زي مثلا : ليش انتي هنا وش جابك وش تبين فضحتينا وووش موقف اهلك واللي مايستحوون زي كذا ؟؟؟
صراحه هذا كلام ولد خالي عن موضوع المبتعثات وحبيت اخذ ا راءكم جميعا وياليت نستفيد من الموضوع واللي عنده فكره يدخل ويقول لنا سالفته وخصوصا المبتعثات هل يواجهن مضايقات من السعوديين هناك ؟
رد: مهم جدا للمبتعثات السعوديات
ولللللللل بصراحه انا اول مره اسمع كذا
وصلت فينا الوقاحه لهدرجه هذا بدل مايكون لك اخو في الغربه يقلب عليك
الله يعينك ياختي
رد: مهم جدا للمبتعثات السعوديات
سمعنا كلام كثير عن الي قاعد يصير في امريكا
لكن كل مكان فيه الزين والشين والبنت دام وراها رجال مافي خوف عليها 000
رد: مهم جدا للمبتعثات السعوديات
طالما البنت واثقة من نفسها وبنت ناس
و زي ماقال الأخ وراها رجال
طنشي كل الطفيليين(الدشير)
و ادرسي و توكلي على الله
و عندك الملحقية اذا صار لك مضايقات من السعوديين
اتصلي عليهم و قولي لهم ،
الملحقية عندها صلاحية تشوت اي طفيلي للسعودية
رد: مهم جدا للمبتعثات السعوديات
لو لا سمح الله جاك واحد من الحثالة ما عليك إلا أن تفصخي الشبشب ( أكرمكم الله ) وتعطينه على عينه تعمينه عشان يرجع لأهله أعور الله يستر عليك وعلى كل بنات المسلمين
رد: مهم جدا للمبتعثات السعوديات
بصراحة قلة أدب اللي قاعد يصير ،
يعني هو ما عنده دراسة و لا جاي يتطفل يشوف مين سعودي و مين لا ،
و بعدين فضيحة مييييين الله يهديه !!
و لا اي بنت درست برة يعني خلاص صارت فضيحة ،
للأسف هذا تفكيره تعبان الله يصلح تقكير الناس اللي كذا ،
و يكفي ان البنت لها هدف سامي من ورى هذي الدراسة ، اما تخدم دين و او بلد او تشوف لها وظيفة تصرف على بيتها ،
و اولا و اخيرا معاها مرافق اما زوح او اب او اخو
و الله قهرتني الكلمة
من جد قهرتني
رد: مهم جدا للمبتعثات السعوديات
ما اقول غير (مع نفسهم) خخخخخخ
رد: مهم جدا للمبتعثات السعوديات
فضحتينا مرة وحدة!!!!!
وليه ما يروح يشوف اللي يسكر واللي يتمسخر!!!! هذول ما فضحوهم ولا فضحونا !! بس البنت لمن تروح تدرس برى صارت فضيحة!!! الله يعين من وراء هالفكر,,,
ما عليكي من احد ..
انا مبتعثة والحمدلله السعوديين مرررررة محترمين معاية ولا شفت منهم الا كل خير .. بالعكس انا احسهم أغلبهم يطالعوا للمبتعثات بانهم اخواتهم ..
رد: مهم جدا للمبتعثات السعوديات
ولله الحمد لم أشاهد مثل هذه العينات ...
نظرة الشباب لهم كأخواتهم ..
رد: مهم جدا للمبتعثات السعوديات
إذا شبابنا الي رايحين يدرسو يقولوا كذا
بصراحة
ما أقدر أقول إلا
حسبي الله ونعم الوكيل