الولايات بشكل عام
أول شي بحط لكم هل روابط المهمة.
Climate Prediction Center - State Climate Divisions with Counties U.S. Universities, Alphabetic
في الرابط الأول يبين لك خارطة أمريكا وموضح فيها الولايات كلها. ويعطيك بعد خارطة تفصيلية لكل ولأيه معليك ألا انك تختار الولايه من الخريطه (يعني ترعص على أسم الولاية في الخارطة) وهو يعطك الولاية بمدنها وفيه معلومات كثيرة وتفصيلية عن مواقع المدن.
ورابط الثاني يبين لك معظم جامعات أمريكا وفي أي ولأيه تقع وفيه معلومات مهم كثير بعد.
أقسام الولايات
القسم الشرقي.
وهو زى مو بين لك على الخارطة (نيويورك, نيوجرسي , فرجينا ,وست فرجينيا, ماساشوستس , ونورث كرولينا,وكل الولايات على الساحل الشرقي)
مميزات الولايات الشرقية.
أول شي قريبه من السفارة يعني خطوتين وأنت في السفارة السعودية.
والشي الثاني كلها ولايات راقيه والشعب راقي في كل شي في التعامل أو في التصرفات.
وعيوب هذي الولايات.
اول شي ولايات غاليه (خاصة ماساشوستس فيها أغلى مدينة في العالم بوسطن يعني لو يعطونك ضعف راتب ألبعثه ما كفاك) يعني راتب ألبعثه يمكن يكفيك ويمكن لا
والشي الثاني انك راح تتعب وأنت تدور سكن يعني يا أنك تسكن في سكن ألجامعه أول لا تحلم في سكن مناسب ورخيص هذا إذ حصلت وأنا اعرف واحد كان ساكن في ضاحية من ضواحي نيويورك
الشهر 1500$ يعني راح تعني من الغلا كثير (ونصيحه شخصيه اذ انت تقدر على الغلا روح لولايات كالفورنيا في الجنوب الغربي احسن بالف مره من ولايات الشرق )
القسم الشمالي.
وزى مو بين لك على الخارطة ( أوهايو , أندينا , الينويز , وسيكنسون , ومنقتون, ومنسوتا , ومتشقن ,وكل ولايات الشمال)
مميزات الولايات الشماليه.
اهم مميزه لكل طالب هي رخص الولايات هذي وخاصة في السكن يعني هناك راح يكفيك الراتب ويزيد والشي هذا أنا متأكد منه لني جلست مع مجموعة شباب كان يدرسون في ولاية أوهايو وكدو لي الشي هذا و أنهم كانو يصرفون باعتدال ويفيض معهم شي من الراتب.
وشعب الولايات الشمالية شعب غير عنصري يعني (فرند لي ) ومتساعدين مع الغرباء مره وكل الولايات الشمالية تعتبر من الولايات الأولي في نبذ ألعنصريه.
وبعد من الشي الي يميز هل ولايات انه ذات طبيعة ساحره وجوها في الصيف مره روعه.
عيوب الولايات الشمالية.
بكل صراحة ومن خلال كل المعلومات إلي املك ما فيها إلا عيب واحد إلي هو البرد في الشتاء يعني هي مره بارد
ملاحظه :
(ابتعد عن الولايات ألمحاذيه للحدود مع كندا لنه باردة مره حتى في الصيف باردة )
القسم الجنوبي.
وزى مو بين عندك على الخارطة (تكساس , ارزونا , لووزينا , مسيسيبي . وكل ولايات الجنوب)
مميزات ولايات الجنوب .
اعتدال الجو يعني جو مقارب ويمل للحرارة في الصيف كل متجهة شمال ( بس عاد مو زى حر السعودية )
ولايات رخيصة بشكل عام ومتقاربة في الأسعار مع ولايات الشمال
عيوب الولايات الجنوبية .
كثرة الأعراق فيها يعني فيها أسبان ومكسيك (يعني من كل قيقن رقعه ) حتى ان ألغه ألثانيه في بعض الولايات يا تكون الاسبانيه او المكسيكية وفي كل ولأيه تتجمع عرقيه معينه بكثره مثل المسيسبي مليانه زنوج .
ومن عيوبه العنصريه ( بشكل نسبي مع ولايات الشمال )
القسم الغربي.
وزى مو بين عندك على الخارطة (كالفورنيا , أورقن , واشنطن )
وهنا وقبل نتكلم عن العيوب لازم نبين ان كالفورنيا ولأيه لها وضع خاص لنه بنظر الكل هي أفضل ولأيه مو بس في أمريكا ولا في العالم كله والي يعبه بس الغلا . ( راح التكلم عنها في قسم الخاص بكل ولأيه بشكل ممل )
مميزات ولايات الغرب .
الجو فيها معتدل أكثر من الشمال يعني في الصيف روعه وفي الشتاء مو برد مره ونزول الثلج خاصة في أورقن وكاليفورنيا شي نادر تعتبر متوسطه في الأسعار لا غالية ولا رخيصة يعني مو زى الشمال في الرخص ولا زى الشرق في الغلا.
ملاحظة (أورقن الولاية الوحيدة التي لا يوجد فيها ضرائب على المشتريات).
عيوب ولايات الغرب .
المطر ( يعني تمل وهي تمطر عليك حتي في الصيف ما تسلم )
ملاحظه :
هذي عبارة عن معلومات بشكل عام بس (يعني مو ظروري كل مدينه في الشمال رخيصة بس الأ غلبيه كذا ) وراح نغطي كل ولأيه بشكل خاص في القسم الثاني من الموضوع الي راح التكلم فيه عن كل ولأيه على حده وانشالله تسعفني المعلومات الي جمعتها على تغطيه اكبر عدد من الولايات بأمريكا
منقول للفائده :gr_906: