رد: حوار حول فتح مطعم خاص
فيه شخص في المدينه الي انا ساكن فيها سعودي ويدرس هندسه يعني مشغول بالدراسه وفاتح مطعم خليجي
طبعا ما اعرف اش النظام هل يسمح له ام انه باسم شخص امريكي او لا
كمان اعرف عوايل يبيعون من بيوتهم فالموضوع ماشي تمام وانا اشوفها فكره حلوه خاصه في دي سي لكثرة الخليجيين
ممكن تسوي مطعم ولو تشوف لك من الموظفين في الملحقيه او السفاره احد يساعدك مثلا وتتشاركون اذا ماعندك سيوله
او انك تشتغل من بيتك وهذا اسهل ويكون بالطلب
تقدر تستخدم وسال التواصل الاجتماعي لنشر خدماتك
وتقدر تروح للملحقيه والسفاره والانديه الطلابيه الي عندك وتعرض خدماتك عليهم
صدقني راح تمشي خاصه لو انك مرافق ومنت ملتزم بدراسه
رد: حوار حول فتح مطعم خاص
فكرة جميلة جدا .. طبعا انا اعرف مواطنين امريكان يشتغلون اندر تيبل ولا احد يكلمهم وتقدر تشتغل من البيت بدون ما يكلمك احد بس لا احد يشتكي عليك راح يطبقون عليك النظام زبط وضعك تزين امورك وبالتوفيق
رد: حوار حول فتح مطعم خاص
انا فعلاً شفت هالشغله في عوائل أيام ما كنت في بريطانيا .. وكذلك ببعض الولايات الي عشت فيها بأمريكا .. كان عندهم رقم جوال منتشر بين السعوديين .. ف بالتلفون نطلب ونحدد الوقت الي نبيه ويوصلونه لنا لحد باب البيت .. طبعاً كان غويلي شوي .. بس الصراحة كان بحقه يعني شغل بيت + التوصيل ... ف المهم في الموضوع اتوقع ان الشغله ماهي نظاميه ( انتبه لهالنقطه ) لأنك اذا تبي تسويها بهالشكل ماراح تدفع تاكس للحكومه .. وما أدري عن ابعاد هالموضوع صراحة لكن وااضح انه مو نظامي اذا تبي تخلي شغلك من البيت ..
واذا انت ب DC ف خذني أول زبون عندك من الحين :) ..
Re: حوار حول فتح مطعم خاص
استشير محامي هذا اهم نقطة لان الموضوع فيه عدة محاور
- اولا ادارة الهجرة والجنسية لاتسمح لك بالعمل , اي دخل مالي من اي نشاط تجاري يعتبر عمل
- بامكانك ان تفتح مطعم اذا كان معك رقم ضمان اجتماعي وهوية من المقاطعة لكن ذلك لايعتبر بانه مسموح لك العمل , لانك كطالب اجنبي يجب ان تلتزم بانظمة ادارة الهجرة
- النقطة الثالثة الضرائب, مصلحة الضرائب الامريكية لايهمهم وضعك القنوني فيما يخص وضعك كطالب كل مايهمه هو ان تدفع الضرائب اذا كان لديك اي دخل , لذلك عليك ان تدفع الضرائب خاصة اذا الفلوس بتمر عن طريق حساب بنكي سواء حاليا او لاحقا .
- النقطة الاخرى هي خاصة بالسلطات المحلية, لم توضح هل ستفتح مطعم ام راح يكون عملك من البيت . لانه ستحتاج الى رخص من البلديه . ماذا سيحدث لك اذا لاسمح الله تعرض احد زبائنك للتسمم
- اذا بتفتح مطعم ,ايجار المطعم وتأسيسه سيكون لها مصاريف فكر في هذه الامر