رحلتي بكرة.. والمقابلة بعد يومين.. والآي تونتي ابن الذين ما وصل.. أكنسل ولا أكمل ؟؟

من كثر ما قريت في هالمنتدى وعايشت المبتعثين ومشاكلهم وتعقيداتهم وعرفت كل الاخطاء اللي وقعوا فيها في اجراءات ما قبل السفر وما بعده ..

جاني شعور بأني مستحيل اغلط غلط واحد .. بسوي كل شي perfect

اخذت ورقة بيضا وقلم اسود .. (سايل)

وبديت في التخطيط الاستراتيجي العظيم وكأني بصنع دولة او افتح مصنع..

رقم واحد دور مدينة حلوة رقم اثنين اختار جامعة مناسبة رقم ثلاثة راسل الجامعة
رقم اربعة خذ القبول والاي تونتي رقم خمسة احجز موعد المقابلة رقم ستة جهز كل طلبات المقابلة رقم سبعة احضر للمقابلة رقم ثمانية خذ الفيزا رقم تسعة اطلع الوزارة خذ قرار الابتعاث رقم عشرة خذ امر الاركاب والتذاكر رقم احدعش اقلـــب وجهك على امريكا..

لكن للأسف الشديد جداً جداً .. واكتب للأسف وصدري مختنق ونفسي منسدة..

للأسف اني ما حسبت حساب شي مهم جداً ..

وهو انك ممكن تطيح لك في موظف مكتب قبول معهد حيواااااان وثقيل دم وغبي ومتكبر ومتجبر ولا يعرف يتصرف ولا يعرف يتكلم ولا يعرف يتعامل مع الخلق ولا يعرف ثلث الثلاثة كم.. اسمه غريب وواضح انه ليس امريكي ولا حتى اسيوي .. ممكن يكون روسي او شي من هذا القبيل ..؟ المهم انه جاب لي المرض وكرهني في المعهد وكرهني في الجامعة وكرهني في امريكا كلها.

كنت في المخطط اللي سويته معطي مدة وصول الاي تونتي اسبوعين لا اكثر..

15 يوم يا عالم ما يقدر يرسل فيها الاي تونتي ؟؟!

مو يخلصه ويطبعه.. لالا .. يرسله بس

لاني اعطيته لاصدار الاي تونتي اسبوعين .. واتفقنا انه يخلص لي الاي تونتي في اسبوعين

اصلاً من البداية انا قلت له الاي تونتي لازم يُرسل خلال اسبوعين من الان والا كل اللي سويته بيضيع ويتخربط

قال بكل ثقة لا تخاف.. اسبوعين نخلص لك الاي تونتي فيها بكل سهولة ..

قلت تمام.. بدينا الاجراءات وفعلاً .. اسبوعين وارسل الاي تونتي ..

لكن اللوح وين ارسل الاي تونتي ؟

الله اعلم !

مر اسبوع والاي تونتي ما وصل ؟؟

حبيبي " جول " اليوم هو اليوم السابع من يوم ارسلت الاي تونتي .. لكن ما وصلني ؟؟ وينه؟؟

قال احنا ارسلناه لك ويوصلك في اي يوم .. يعني بالعربي يوصلك متى ما يوصلك .. لا تغثنا!!

عطيته 3 ايام زيادة والاي تونتي ما جا ولا حد دق بابي ولا كلم جوالي ؟؟ وين الاي تونتي يا جووول مرت عشرة ايام ؟؟

بعد ما وصلنا لـ 15 يوم .. وصار باقي لي يومين فقط متاحة لتسديد السيفيس ورسوم المقابلة ..
يومين لو ما جاني الاي تونتي خلالها كل شي سويته ضاع

ارسلت له قلت ياا ابن الناس ترى باقي لي كذا وكذا وكذا ولازم يوصلني الاي تونتي قبل المقابلة بأقل شي يومين.. انت قل لي بس على اي شركة ارسلت القبول وانا بروح لهم والله لو كانوا في ديرة ثانية لاسافر لهم واجيبه ..

رجع بكل برود يقول ارسلته عالبريد العادي..

هنا بغيت انجن انا ههههههههههههه

وانت وش عرفك بعنوان بريدي طيب ؟؟

تذكرت اني ارسلت لهم تفويض بالسحب من الماستر كارد وكنت كاتب فيها صندوق البريد ..

صندوق البريد هذا مكتوب صح في بيانات الماستر كارد حقتي .. لكن مو حقي!

صندوق البريد حق واحد من اخوياي..

رحت للصندوق انا وخويي اليوم وكانت الطامة ..

البريد السعودي المحترم اي طرد يوصل لبريد .. لازم يكون بنفس اسم صاحب البريد.. وإلا يتم ارجاعه الى مصدره .. حتى لو كان من امريكا ؟؟ بل حتى لو كان من المريخ!

واليوم طبعاً هو اليوم الاخير في المخطط.. والقبول ما وصل.. ولا راح يوصل
وضاعت كل الترتيبات..
وتخربط كل شي

وانسدت نفسي
وانقلب مخي
وودي اصفق جول هذا الين يكح العافية


الزبدة.. وش السواة الحين ؟؟

حتى السفارة الحين معد تقبل احد الا بالآي تونتي معه

فهل اروح لهم واتهور .. لاني حاجز طيارة بكرة عالرياض من جدة وشاري التذكرة وجاهز..
والا اكنسل كل شي وابدا من جديد :crap:

اللي يفقع القلب من جد.. ان الجامعة ارسلت لي القبول المشروط على الـ DHL

ووالله يا جماعة الخير انها 3 ايام فقط والقبول وصلني الى البيت ..
جاني القبول الى باب البيت ..

والمعهد واللي هو تابع لنفس الجامعة .. يروح يتفلسف ويرسله عالبريد العادي.. لييييييه طيب ما تسوون مثل جامعتكم وترسلونه بالـ DHL وتريحونا!!


نصيحتي لمن يراسل الجامعة بنفسه لاحضار قبوله .. انه يطلب منهم ارساله على الـ DHL
واذا رفضوا قول لهم انا بدفع التكاليف لا تدفعون ولا شي انتوا .. المهم لا تخليهم يرسلونه عالبريد العادي ويلطعونك نص شهر .. ومو اكيد يوصلك بعد..

حبيبي

والله اني انقهرت من قصتك المحزنة

اسمع خذ العلوم من شنب

روح السفارة،،،، تقدر تسوي المقابلة بالسفارة الأمريكية بدون الأي 20

و خذ رقم تلفون الجامعة وكلمهم و قلهم يا عيال الDog

ارسلو لي الأي -20 على البريد هذا *****************

و خلهم يرسلونهم بال DHL

قلهم لو ما ترسلونه يا animals بسرعة،،،،،،،،،،، بغير الجامعة

لا تخاف منهم

انا موعدي الاسبوع الجاي

ولا عندي اي توني ولا ادري متى بيوصل

لكن بروح للسفارة

واذا قاموا يخمبزون ويتفلسفون

رحت للوزارة وطلبت تحويل لبريطانيا

لا بوهم لابو ابوهم

هههههههههههههههههههههه

المشكلة ياخي اني ماني في الرياض ولا كان رحت لهم

اما اني اروح من جده للرياض واخرتها يردوني من عند الباب عشان الآي تونتي! لا والله ما بروح

آجل الموعد واذا وصل الاي تونتي يجيب الله مطر

الله يوفقك