البعثة أو سابك

السلام عليكم
بصراحه يا موظف سابك فعلا هو شي محير ... لكن اسمع لكلام مجرب ونا اخوك اللي هو انا شخصيا
انا اول شي رأيي يؤيد الابتعااااث لكن بشروووووط حااااااول تقراهااا زيييين عشان مايصيرلك مثل ما صار لكثيرين من الناااااس ..
الشروط ..
1 ـ معدلك لا يقل عن 3 من 4 .. اذا معدلك الجامعي من 5 حوله الى 4 وشوف كم يطلع
((طرية التحويل A=4 points , B=3 , C=2 , D=1) النقاط اضربها في عدد ساعات الماده واجمعها واقسمها على مجموع الساعات الكلي )

2 ـ قبول الماجستير في أمريكااا ياناااس لا تحسبونه بهذاك السهولة .. صحيح جتنا بعثه من خادم الحرمين الشرفين أطال الله بعمره وبمدة ثلاث سنوات لطلااب الماستر ولكن المسؤولين عن الابتعاث الله يصلحهم جابولنا قبول لغة وبسسس والجامعه انت تجيب قبوله .. طيب وش يسوي اللي استقال من عمله على انه يدرس ماستر في امريكا وبالاخير خلص اللغة ولا حصل قبول ماستر ولا غيره فبالتالي ضيع وظيفته وضيع الماستر
3 ـ بالنسبه لك كمهندس مطلوب من ال GRE وهذا مطلووب على جمييييييع طلاب الكمبيوتر والهندسة لدراسة الماستر .. لحد يلعب عليك ويقولك لا ما فيي .. انا في أمريكا ومتورط في الGMAT .. والدرجات المطلوبه للاختبارين تتراوح بين 540 الى 600 على حسب جامعتك .
4 ـ ال TOEFL .. اقل شي مطلوب 570 بالنسبة لل PPT .. فهل تقدر على الشي هذا ؟؟

5 ـ نصيحه اخوية قبل ما تقدم استقاله وممكن تندم .. لااااااا تطلع من السعوية الا ومعاك قبول جامعه حتى ولو كان مشروط .. بس على الأقل تعرف ايش المطلوب منك
النقاط اللي ذكرتها لك هذي اهم شي وررركز عليها سواء لك والا للي بيجي لأمريكا
قبول الماستر سهل اذا اجتزت الشروط هذي .. اما اذا ما اجتزت الشرووط فنصيحتي لك خلك في وظيفتك واكسب خبره .. فسابك ما يحتاج احد يمدحها .. واللبيب بالاشارة يفهم
اخوي اذا قريت كلامي لا يضيق صدرك .. لكن يعلم الله اني اتكلم لك من كل قبي وهذا اللي انا حاس فيه بالنسبه لي انا .. لأن الشي هذا صاير لي الحين وأنا في أمريكا .. صحيح بعض الاخوان ما شاء الله عليه اعطاك كلام من ذهب لكن .. يمكن ماجرب .. وكلنا برأي واحد نؤيد الابتعاث لكن بالشروط اللي ذكرتها لك عشان تمشي امورك هناك وانت قرير العين

ولا تنسونا يا اخوان من دعواتكم ان الله ييسرها لنا وييسر لنا قبول الجامعات .. اخوكم فيرساتشـ بحاجه الى دعائكم وكل طالب مبتعث كذلك

تحياتي لك من أبدى وجهة نظره .. اخوكم فيرساتشيـ
والسلام عليكم ورحمة الله وبركاته