اللي عنده علم بالمطارات

السلام عليكم
عندي سؤال اتمنى من اللي عنده علم يرد
الان معروف ان شركات الطيران الأمريكيه غيرت اجراءاتها وان الطيران الداخلي شنطة وحدة بس لكن الطيران الدولي شنطتين
السؤال اللي يطرح نفسه هو
انا الان لما اروح ان شاء الله اول شي راح اوصل امريكا في واشنطن بعدين من هناك الى ولايتي فهل السفر من واشنطن الى مقر بعثتي يعتبروه من ضمن الرحلة الدولية او رحلة داخلية

وسؤال ثاني انا الان لما اوصل واشنطن مش ضروري اني اخذ الشنط كلها فكيف الأجراءات بحيث اني اخليهم وما استلمهم الا لما اوصل ولايتي ممكن بالتفصيل لأني ماعندي خبرة ابد

من واشنطن الى ولايتك .. تعتبر رحلة داخلية حتى الطيارات حتحسها صغيرة مقارنة بالطيارات الدولية ...


امممم يعتمد انتا وحظك ..
لمن توصل مطار واشنطن اذا ختموا على جوازك ختم معين او حط رمز معين عالجواز وقالولك تفتيش حتروح تصف طابور وتستنى ساعة ساعتين تلاتة .. وبالدور تفتيش انتا وعفشك...... عشان كدا لازم تشحن شنطتك مرة تانية ...

اذا ما حطوا هذاك الرمز المعين اللي ماادري ايش يبغى!!! وشيكوا عليك الامن وما قالولك تفتيش .. حتاخد شنطتك وتروح تشحنها تاني.. هذا اللي اتذكروا

والله موضوع محير يعني نقعد تحت رحمة الختم المعين والمربع والمثلث

طيب اش الحل عشان ما يحطو الرمز المعين هذا ؟؟

مرره ما ينفع نروح ونجي بالشنط كلها كاننا حجاج

مافي حل!!! وانتا في الاميقراشن حتشوف موظف الاميقراشن يختم عادة وممكن يحط رمز على جوازك (ماادري ايش يعني ) بعدها حتاخد شنطك بعدها حتشوف الامن يقولولك روح هنا والا هنا .. واذا طلع تفتيش عادي معاك شنطك واستنى طابور ما حتكون لحالك لا تخاف كتير من اللي شفتهم في الطيارة السعودية حتشوفهم واقفين ..

وقت التفتيش ترى عادي ممكن حتى ما يفتح الشنطة!!! انا بالنسبة لي ما فتح شنطتي بس سألني ايش فيها وجاوبته وقالي خلاص اوكي


عشان كده افضل اني انزل على مطار شيكاغو ... مافيه تعقيد زي مطار واشنطن.. لكن العيب انه مافي دايركت من السعودية لواشنطن .. واذا حتاخد خطوط اوروبية لازم توقف في اوروبا ..... بس الحلو انك ما حتشوف شنطك الا في شيكاغو وترجع تشحنها تاني على ولايتك

في النهاية نستنتج ان كل الحالات فيها انتظار

اختي مافهمت وين اشحنها ترى اختك غشيمة في هالأمور ممكن تفصيل لو سمحتي

اذا انتي عالخطوط السعودية .. حتشحنيها من السعودية وحتاخديها في واشنطن وبعدين ترجعي تشحنيها من واشنطن الى المدينة اللي رايحتلها من مطار واشنطن ..