جديد في الملتقى ..

الســـــــلام عليكــــــــــم

أول مشاركة لي في الملتقى .. أتمنى تتقبلوني بصدر رحب .. وياليت أكون خفيف على قلوبكم ..

بعد عناء طويل .. وبعد هم اختبارات الوزارة والخوف اللي كان مخيم علينا من كل جهة .. الحمدلله توفقنا وتخرجنا من الثانوية وانتهت المعاناة ..

وأعتقد ان الآن كل واحد فينا راح يحدد مستقبله .. صراحة خطوة مو سهلة .. فما لنا إلا الدعاء .. ويارب توفق الجميع ..

حقيقتا .. أشكر خادم الحرمين الشرفين الملك عبدالله بن عبدالعزيز .. على تقديمه برامج الابتعاث إلى الولايات المتحدة الأمريكية .. وحرصه على أبناء وطنه .. وسعيه للرقي بالعلم .. كما أشكر جميع القائمين على الملتقى .. وخدمة الملتقى .. على الجهود الجبارة الواضحة لخدمة الطلاب ..

أخيرا .. سجلت بالبعثة .. وعطوني اسم مستخدم وكلمة مرور لمتابعة الطلب ..

أعتقد ان هذي الخطوة الأولى للابتعاث .. سؤالي .. وش المفروض أسوي بهالفترة هذي .. ؟!

واحد من العيال قاللي ترجم الشهادة .. ولازم تصدقها من وزارة الخارجية .. ؟ هل كلامه صحيح .. ؟! وإذا كان صحيح .. هل أترجمها الآن .. ولا أصبر لين يتم ترشيحي مبدئيا .. ؟

طيب .. بعد الشهادة .. ؟ هل فيه شي مهم أسويه .. ؟ يعني مثلا أحجز موعد مع السفارة .. ؟

أو متى أفضل وقت لأخذ موعد مع السفارة .. ؟

وبالنسبة للتخصص .. انشاءالله ناوي هندسة معمارية .. وفيه ناس قالوا لي لي هندسة ديكور أفضل .. وش رايكم .. ؟ وهل هندسة الديكور ماشية عندنا في السعودية (فرص وظيفية) .. ؟

ما هي أفضل الجامعات في الهندسة المعمارية .. ؟ واحد قاللي عندك University of Pennsylvania حلوة في هالمجال .. كلامه صحيح .. ؟

وأخيرا بالنسبة للولاية .. وش رايكم بـ Pennsylvania طبعا من جميع النواحي ..

أسأل الله أن ينفعني واياكم بما يحبه ويرضاه ..

ومتأسف جدا على الاطالة .. يعطيكم ألف عافية ..

أخوكم :

عبدالله (كلي رجا)

حياااااااااااااااك اخووووووي بالملتقى .. أمــا عن أسألتك .. أنا والله ماالي بالبعثاات .. خل أهل الاختصاص يجاووبوونك .. وحيــــــــــــــاك مرة ثانية ..

سلام عليكم

اهلا وسهلا ومرحبا بك بين اخوانك

من ناحية ترجمة الشهادة اي انا انصحك انك اترجمها واتصدقها من وزراة الخارجية
ومن ناحية الترجمة هنا وقع الأختلاف نفر من الناس يقول انه تقدر اترجم الشهادة في مكتب ترجمة , والنفر الثاني يقول لا لازم اترجمها من المكان اللي تطلع منه شهادتك المصدقة "اللي تجي مع الشهادة الصلية هيه منسوخة بس مختومة يعطوك المدرسة منها 6 نسخ تقريبا ويحاسبوك عليها وهالمكان مثل حالتنا في الشرقية اتصدقها في مدرسة مكة في الدمام في حيى العدامة <<< الله وش هالإسم " وطبعا انت لازم اذا رحت تترجم الشهادة تحمل معاكصورة من جواز السفر حتى يكتبوا اسمك الأنقليزي بالتهجئة الصحيحة.

ومن ناحية حجز الموعد اهنيي الغربال موعد السفارة انصحك تحجزه من الحين بس اول لازم اترتب افكارك لأنه الموعد ماتروحه الا ومعك قبول يعني انت شوف وسوي اللي تقدر عليه وجيب قبول ورح المقابلة . وانا اعتقد حاليا طريقة حجز المواعيد صارت عن طريق النت ولازم يكون عندك قبول والله اعلم .

ومن ناحية التخصص ما اعرف عنهم واجد صراحة

وبالنسبة الى جامعات بنسلفينيا عامة الناس يمدحونها وكولاية ايضا لأنه فيها كثييير مسلمين .

وانشاء الله اني افدتك اخينا

حيهم تحياتي

وااااحــد نصــااااب

الله يحييك يالغالي .. وتسلم على الطلة ..

basel

يعطيك ألف عافية أخوي .. وفعلا بالنسبة للترجمة .. ناس كثير مختلفين فيها ..

وصراحة .. شكلي بروح أترجمها من عند الوزارة .. وأصدقها أضمن ..

اقتباس:

---

ومن ناحية حجز الموعد اهنيي الغربال موعد السفارة انصحك تحجزه من الحين بس اول لازم اترتب افكارك لأنه الموعد ماتروحه الا ومعك قبول يعني انت شوف وسوي اللي تقدر عليه وجيب قبول ورح المقابلة . وانا اعتقد حاليا طريقة حجز المواعيد صارت عن طريق النت ولازم يكون عندك قبول والله اعلم .

---

كيف تتوقع أقدر أحجز موعد .. مع العلم اني ما عندي قبول لأي جامعة هناك .. ؟!

هل فيه طريقة ثانية غير الحجز عن طريق الموقع .. ؟!

وما تقصر يالغالي ..

بانتظار باقي الاخوان ..

سلام عليكم

الله يعافيك ويسلمك

بالنسبة للحجز ما اعتقد انه في طريقة ثانية .

وانصحك انك اتراجع المنتدى وراح تستفيد انشاء الله .

حيهم تحياتي