× أهــــــــل أمــــريكا .. ســــؤال لاهنتـــوا ! ×

السلام عليكم ،،

أخواني وخواتي ماراح أطول عليكم كثير

أنا إن شاءالله راح أكون مبتعثه لأمريكا إذا الله اراد

وأبي من أهل الخبره والمعرفه ينوروني

أبي منطقه تكون جيده من ناحية ( معهد للغة ممتاز + جامعه + سكن ...الخ)

علما بأن تخصصي راح يكون إدارة ضيافة << (بعثات سياحية الاخت)

وأبي منطقه جيده وآمنه وفيها جامعه تدرس ها التخصص أو أي تخصصات سياحية آخرى

في بعض الاخوه نصحوني بـ (متشجن) !

أنا ماعندي أي فكره عن ولايات أمريكا ومستوى الاسعار حقهم .. يعني أبي منطقه

العيش فيها معقول واسعارها مش غاليه !

ياليت تردون علي والله بدعي بقلب صادق .. لكل واحد يساعدني ويفيدني


في أنتظاركم . . .

يــــــــرفع ! <=== تكسر الخاطر أهيء أهيء

ياجماعة أمريكا شفيكم نايمين

أبي مساعدتكم

ماطلبت شي صعب !

اهلين فيكي
ياختي انتي ناشالله راح تدرسين وتتعلمين
طيب حاولي بس تقري شوي في المنتدى راح تلاقين كل الاجوبه بس لو تقري المواضيع المثبتنا
وعلى فكره امريكا على قولتهم غـــــــــــــــــــــــــــــــــــــــير دراسه حلوه وناس حلوه ومافي شي صعب
وعشان لاتزعلي هذي روابط بعض المواضيع
http://www.mbt3th.us/vb/showthread.php?t=42063
http://www.mbt3th.us/vb/showthread.php?t=20868
http://www.mbt3th.us/vb/showthread.php?t=40479
http://www.mbt3th.us/vb/showthread.php?t=229

بالتوفيق

*ونصيحتي عليكي بالتصفح والقراءة

السلآم عليكم ,,

كيف حالك اختي ,,,

انا طآلب ادرس بهيوستن ,,

هيوستن في ولآية تآكسس ,,

غنية عن التعريف الولاية ,,

وصرآحتاً اسعارها مناسبه ,, وفيها مميزاات احسن من غيرها ,

ومنها الاكل الحلال فيها ,, والمطاعم العربيه وبكثره ,, المساجد ,, الجاليات الاسلامية ,, شركة ارامكو ,, القنصلية السعودية ,, وفيها عرب ولله الحمد ومنهم من السعوديين ,, والسكن متوفر في كل مكان ,, وانا من ناحية السكن خبرهـ 100&#37; من كثر الدوارهـ في السكن ,,

طبعاُ السكن انواااع ,, فيه الغالي وفيه المتوسط وفيه الرخيص وعلى حسب طلباتك ,,

يعني مثل اذا كنتي من الناس اللي يبون آمآن وسكيورتي 24 ساعه وبوابه ,,

وسكن رآقي مرهـ وحتى الجيرآن راقين ,, حوآلي اسعارهـ للغرفة الواحدهـ مع التآكس والتأمين يوصل 1200 دولآر طبعاً الشهر الثاي تكون بـ 1000 دولآر ,, لآن الـ 200 تأمين ,, وهذي اللي انا ساكن فيها طبعاً من ارقى الاماكن والاحياء بهيوستن ,, انا والله اخذتها علشان الامان ,,

وفيه يرها اماكن حلوه وامان حوالي 700 دولار بالشهر ,,

هذا بالنسبه للسكن ,,


اما بالنسبه للجامعه والمعهد ,,

فيه عندك بالنسبه للتخصص حقك ,,
University Of Houston

طبعاً احد الجامعات الكبيرهـ جداً جداً في هيوستن وفيها جميع التخصصات ,,

وهذي الجامعه انا ملتحق فيها بعد اللغه ,,,

وفيها معهد لغة قوي , ,

اما اذا كنتي دارسه على حسابك الخاص ,,

نصيحه من اخ الى اخته ,,

ادرسيي اللغه في كلية مجتمع لآنها نظام سمسترات والتكثيف باللغه ,,

يعني انا قابلت الانترناشونال ادفيزر حقي بالجامعه ,, وقلت له عن خطتي ,,

قالي دايم طلاب المجتمع يجون عندنا قويين بالانجليزي مرهـ

لآن بالسمستر يعطونك 13 اسبوع ,, وباليوم فيه 5 حصص لغة ,,

يعني بيبلعونك اياهـ ,, هذا اذاكنت على حسابك الخاص ,,

وبالنسبه للجو ,, عندنآ متقلب مرهـ حر ومرهـ برد ,,

وهذا بالنسبه لولآية تآكسس- هيوستن ,,

اتمنى اني افدتك اختي الغاليه ,,

واي سؤآل او خدمه او اي استفسار لآيردك الا لسآآآنك ,,

بالتوفيق اختي الغاليه ,,

اخوك ,, تركي بن محمد

لا تحوشك كاليفورنيا

الاخت الغاليه

انا اشوف مالك الا شمال امريكا من ناحيه الامان والرخص والتخصصات اكيد تلقي تخصصك

يعني ولايه مينسوتا او اي شي حوليها

احسن شي اشوفها من ناحيه الامان والناس طيبين وحالهم حال نفسهم

بس في مشكله وحده مع اني اشوف المشكله بكل امريكا

ان الشمال ابرد من الجنوب انا عن نفسي برد الشمال وامانه ولا دفى الجنوب ومشاكله

بالتوفيق يارب

يعطيكم العافيه ماقصرتوا والله

وراح احط في بالي الولايات الا قلتوها و واختار

TISKY يعطيك العافيه اخوووي كفيت ووفيت والله

يوسف & احتمال & ازيموو

مشكووورين ماقصرتوا

موفقين جميعا يارب

السلام عليكم اختي

للعلم انا لم اذهب يوما لامريكا لكن بصراحة اعجبني هذا الموضوع في منتدى الطلبة السعوديين في بريطانيا لكاتبه جزاه الله خير...تكلم بالادلة والبراهين والخبرة وهذا اللي ريحني وخلاني اعتمد على موضوعه...ومن خلاله حطيت تصور لامكانية ابتعاثي لامريكا في المرحلة القادمة باذن الله

ونصيحة اختي... القراءة ثم القرااااءة والبحث في النت مع السؤال هي اللي راح تخليك تتخذين القرار الصح

http://www.saudistudents.org/vb/showthread.php?t=15526

وبعد هالراابط راح يفيدك اختي وكلها من منتدى الطلبة في بريطانيا

http://www.saudistudents.org/vb/showthread.php?t=12564

الله يوفقك يارب ...

:balloon: