-
استلام القبول
السلام عليكم ورحمة الله وبركاته
جاتني رسالةاليوم من وزارة التعليم بمراجعة الوزارة لاستلام القبول
وانا قد جاتني الرسالة من ثلاثة شهور ورحت الرياض واستلمته ومددت القبول واستلمت الجديد
فيا ريت الي جاته رسالة مثلي يخبرنا ايش الموضوع او يسأل في الوزارة انا فقط منتظر الفيزا خلاص سويت المقابلة بالقبول الي عندي
وشكرا
-
رد: استلام القبول
انا ايضا وصلتني مع انه قبولي عندي ،،
يمكن الوزاره فقدت الذاكره ،،
كل شي جايز :)
-
رد: استلام القبول
وانا بعد مثلكم شكل الوزاره مضيعه شوي
ياليتني انا الوزير كان خليت كل واحد يستلم قبوله وقرار الإبتعاث من
المدينه اللي هو فيها
بس عاد ماني وزيره ولا وزير مجرد طالبه وما ادري بعد الدراسه بنلقى وضايف
ولا بتستت في البيت كما هو الوضع الآن
-
رد: استلام القبول
الله يعين حقيقة في اخطاء كثيرة قاعدة تحصل وامور مبهمة ولخبطة مو طبيعية لكن الله المستعان ( خلونا نكون متفائلين ) ترى انا قالو لي الوزارة رح غير الدولة اللي مبتعث لها تخيلوا بعد ماجاء القبول النهائي لزوجتي وهي مبتعثة على استراليا قالوا لها غيري الدولة .
يعني الوضع سلطة ( وسلة سلطة ) الله يعين ويستر لايغيرون رايهم ويلغون البعثة من الاساس .
-
رد: استلام القبول
سبحان الله نفس المشكلة جاني قبول لغة فقط في الهند الاسبوع اللي فات يوم الاثنين ودقوا علي حتى استلمه ومرة تانية دقوا علي خبروني اني لازم أحول استراليا وانا الى الان أنتظر قبولي من أحد الجامعات الاسترالية ,,,
-
رد: استلام القبول
وأنا بعد جاتني رساله باستلام القبول
يوم الإثنين إلي طاف
واستلمنا القبول
ورحنا الوزاره الأربعاء أمس لتأجيل البعثه
واليوم الخميس جات رساله باستلام القبول
هل يصير إن أمس نأجل واليوم توصل رساله باستلام القبول الجديد
-
رد: استلام القبول
نفس المشكلة
شكلهم يبون يقولون استلام القرارا بس غلطوا تعرفون اللي عند الرسبشن جايبين العيد
-
رد: استلام القبول
زين طمنتوني
لما جاني المسج جلست اهوجس حسبت في مشكلة بالنسبة لوضعي
طلعت المشكلة في الوزارة
-
رد: استلام القبول
ياريت احد من اهل الرياض يسأل عشان لا يكون في شئ مهم ويخبرنا
-
رد: استلام القبول
شرحكم سرا
يعني حتى انا وصلتني رسالة امس
واستغربت واندهشت وبحلقت عيوني ماني مصدق
وش سالفة هالرسالة؟
تعال استلم قبولك!
ممكن تفيدونا يا اهل الرياض؟