ارجوكم مرو على وجاوبوني ولكم مني جزيل الشكر
اخواني واحبابي انا ابغى اراسل جامعه في امريكا للحصول على قبول جامعي والمشكله انا مبتعث على كندا وابغى قبول عاجل وابغى ارسل لهم كشف حساب من بنك الراجحي بس ما ادري اقدر او لا ؟ وهل يكفي كشف حسابي فقط او يبغون ابوي معاي واخوي ؟ مين يفيدني ؟ وكسف الحساب اللى من البنك يكون اوراق كثيره او ورقه واحده هذا السؤال المهم ؟
رد: ارجوكم مرو على وجاوبوني ولكم مني جزيل الشكر
الطريقة كالاتي
1) راسل الجامعة المراد الدراسة فيها.
2) تعبئة الابليكيشن حقهم بالاضافة لدفع رسوم تصل الى 100 دولار.
3) في خانة الابليكيشن تحصل شرط مكتوب sponsor يعني مين اللي راح يتكفل بتكاليف الدراسة.
4) طبعا اذا كان الوالد تكتب الوالد وتاخذ كشف حساب (طبعا انجليزي) يبين ان المبلغ في حساب الوالد اكثر من المبلغ المحدد (تحصله مكتوب في الابليكيشن).
5) وترسل الابليكيشن وتنتظر القبول (يمكن ياخذ اسبوع).
هذا بشكل مختصر
رد: ارجوكم مرو على وجاوبوني ولكم مني جزيل الشكر
الله يجزاك خير اخوي على الرد لكن سؤالي انا مبتعث على كندا وحصلت لي جامعه في امريكا وابغى اشوف هي تقبلني او لا للماجستير والمشكله اذا راسلتهم يبغون الظمان المالي وانا مبتعث على كندا يعني الظمان المالي تبعي مكتوب عليه مخصص لكندا فقط هذي المشكله وانا ابغى اراسل جامعه في امريكا وش الحل وانا ابي اسئل عن كشف الحساب من البنك ينفع او لا وهل يكفي كشف حسابي انا فقط او لازم ابوي ؟
رد: ارجوكم مرو على وجاوبوني ولكم مني جزيل الشكر
الوازرة اتوقع تمنع انك تغير الدولة. لكن ادرس على حسابك الخاص في امريكا وتقدر تضم نفسك على البعثة.
ومن ناحية كشف الحساب ينفع زي ما قلتلك لازم ما يكون اقل من المبلغ المقترح من قبل المعهد او الجامعة
واذا قصرت معاك ياليت الشباب يفيدوك
رد: ارجوكم مرو على وجاوبوني ولكم مني جزيل الشكر
لا ابدا ابدا يا صديقي ,, انت تروح بنك الراجحي تقول ابي كشف حساب بالانقليزي ,, والعمله بالدولار ,, يقولون طيب ,, ويطبعون لك واحد سريع سريع ,, توقع على ورقه وتدفع 25 ريال ,, وتاخذ الورقة في اقل من عشر دقايق :)
ويكفي حسابك انت بس ولا يبون حساب ابوك ولا اخوك ,, الا اذا في حساب ابوك دراهم اكثر مثلا وابوك يبي يتكفل بدراستك هذا شيء راجع لك ,,
وطبعا هي ورقة وحده بس
بالتوفيق ً
رد: ارجوكم مرو على وجاوبوني ولكم مني جزيل الشكر