قصصصصصصة عوييييصة ( قصة + اسئلة ) ادخل و فيدنا واستفيد مستعجل و ضروري

السلام عليكم ورحمة الله وبركاته
بستخدم اسلوب البساطة لشرح ماي ساتويشن :drool1:

تعريف بالمتحدث : انا حالياً متدرب في احد الشركات :rocket:

الهدف : اكمال الدراسة في امريكا على احساب الخاص :drool1:

التخصص المطلوب : هندسة الكمبيوتر او هندسة برمجيات :drool1:

الولاية المقصودة : انديانا - انديانابوليس :yay:

الجامعة : IUPUI Indiana University-Purdue University Indianapolis :sleep:

مقدمة : انا بروح انديانا لأن لي صاحب هناك يدرس على حسابه بس هو للحين مابعد يدخل الجامعة هو يدرس لغة في معهد ESL وجاب قبول من الجامعة بعد ما وصل امريكا وتالي اخذ البعثة . :stick:


المشاكل :1) صاحبي يقول بيطلع لي I-20 على اساس اني بروح ادرس في المعهد . ويقول إذا جيت امريكا بيجيب لي قبول من الجامعة . هل هذا ممكن ؟ :read:


2) اللي سواه صاحبي لي إلى الحين انه حجز لي موعد للسفارة في الرياض 7 سبتمبر . ورسل لي الموعد . :boxing:

3) انا رسلت له صور من وثائق : الجواز , الشهادة E ع , حسن السيرة و السلوك E ع :swear: .

4) انا للحين ما سددت رسوم السفارة الـ 380 ريال من سامبا. :ph34r:

_________________________________

اسألة :
1/ قال لي عن ورقة الفحص الطبي عشان اوديها معي للموعد ؟ من وين اسويها ؟
2/ قال لي لازم الوالد يكتب رسالة بالانجليزي انه بتكفل بكل مصاريف الدراسة (للموعد) ؟ ماهي الصيغة المتبعة ؟

3/ إذا ما عليكم امر تكتبون لي قائمة بكل المستندات المطلوبة للمقابلة ؟

4/ هل في اي رسوم اخرى اسددها ؟

5/ وش رايكم بالجامعة ؟ وكم مصاريف الدراسة فيها حسب التخصص للي اخترته ؟

6/ نفس السؤال المكتوب في فقرة (1) مشاكل ؟

7/ هل استطيع ان التحق بالبعثة ؟ مع العلم ان نسبة الثانوية العامة 87% و القدرات 83 ؟


بتقولون ليش ما تسأل صاحبك ؟ انا سألته بس ما استفدت منه واجد ؟ والامل فيكم اكبر لأن خبرتكم أكبر

______________________

حاولوا تجاوبوني وتردون على رسالتي في اقرب وقت الله لا يهينكم :fever:
ولا تبخلوا علي بالنصيحة
____________________

لي عودة مع معلومات اكثر لأني مابغيت ازاحكم في وقت واحد

لأن يمدحون التقسيييييط :LSHIC:

30 واحد دخل الموضوع ولا أحد رأف عليّ وحد نص رد

من جد يا شباب انا محتاج مساعدتكم ونصايحكم يكمن الموضوع تكرر بحكم وجود مواضيع مشابه
بس اكيد مافيه تشابه 100%

تكفون ردوا

هلا اخوي، اتمنى لك التوفيق وربنا يسهل امورك، بجاوبك على اللي اعرفه

1/ قال لي عن ورقة الفحص الطبي عشان اوديها معي للموعد ؟ من وين اسويها ؟
ما يحتاج فحص طبي توديه للموعد
2/ قال لي لازم الوالد يكتب رسالة بالانجليزي انه بتكفل بكل مصاريف الدراسة (للموعد) ؟ ماهي الصيغة المتبعة ؟
لازم تجيب شهاده بنكيه لحساب الولد توضح انه فيه مبلغ يغطي تكاليف دراستك واعتقد كشف حساب لاخر ستة اشهر
3/ إذا ما عليكم امر تكتبون لي قائمة بكل المستندات المطلوبة للمقابلة ؟
تلقى كل مايتعلق بامور السفاره في قسم "اجرائات التاشيرات وامور القنصليه" http://mbt3th.us/vb/forumdisplay.php?f=16
4/ هل في اي رسوم اخرى اسددها ؟
فيه رسوم ال SEVIS تسددها اذا وصلك ال I 20 عن طريق الموقع هذا https://www.fmjfee.com/i901fee/ وبرضو الاخوان مافصروا في قسم اجرائات التاشيرات، شارحين الطريقة بالتفصيل

بعد جبدي اخوي العزيز Emigre ما قصرت

لكن ما عليك امر عندي بعد سؤالين ؟؟؟

الاول ؟ هل انا ماشي على الطريق المضبوط ولا في شي خطأ في الترتيب ؟
الثاني ؟ انا جوازي القديم ( كنت مرافق مع الوالد فيه ) لكن بعد التجديد ماعطونا الجواز القديم خلوه عندهم ؟ هل ضروري اني اجيب الجواز القديم للمقابلة ؟

تسلم يالغالي وإذا لاهن تكمل جميلك و تجاوبني

المشاكل :1) صاحبي يقول بيطلع لي I-20 على اساس اني بروح ادرس في المعهد . ويقول إذا جيت امريكا بيجيب لي قبول من الجامعة . هل هذا ممكن ؟ :read:

نعم ممكن

2) اللي سواه صاحبي لي إلى الحين انه حجز لي موعد للسفارة في الرياض 7 سبتمبر . ورسل لي الموعد . :boxing:

3) انا رسلت له صور من وثائق : الجواز , الشهادة E ع , حسن السيرة و السلوك E ع :swear: .

4) انا للحين ما سددت رسوم السفارة الـ 380 ريال من سامبا. :ph34r:

الرسوم 498 ريال اعتقد ...لانهم رفوعها هذا المبلغ في السابق

_________________________________

اسألة :
1/ قال لي عن ورقة الفحص الطبي عشان اوديها معي للموعد ؟ من وين اسويها ؟

اول مره اسمع عن فحص طبي في السفاره الامريكيه

غير مطلوب
2/ قال لي لازم الوالد يكتب رسالة بالانجليزي انه بتكفل بكل مصاريف الدراسة (للموعد) ؟ ماهي الصيغة المتبعة ؟

لا توجد صيغه معينه ...تستطيع ان تكتب ماشئت...بشرط ان يوضح الخطاب ان والدك يستطيع ان يتحمل مصاريف الدراسة

3/ إذا ما عليكم امر تكتبون لي قائمة بكل المستندات المطلوبة للمقابلة ؟

1- القبول (I-20)
2- الفورمات 156-157-158
3- صوره ملونه مقاس 5*5 بخلفيه بيضاء
4- الجواز ( الجديد+ القديمه ) احتمال يسالوا عنها
5-ايصال دفع قيمة الفيزا من سامبا
6- ايصال دفع السيفيس
7-شهادة اخر مؤهل دراسي+ شهادت جميع الدورات التي حصلت عليها في حياتك كلها
8-كشف الدرجات
9-تعريفه من جهة العمل اذا كنت موظف حاليا
10-صوره ملونه للجواز الحالي
11- صور و نسخ لكل ماسبق

اذا كنت ستدرس على حسابك الخاص
12-كشف حساب من البنك ل 3 اشهر
13-شهده بنكيه
14-خطاب من الجهه التي ستتحمل تكاليف الدراسة

4/ هل في اي رسوم اخرى اسددها ؟

رسوم السيفيس

5/ وش رايكم بالجامعة ؟ وكم مصاريف الدراسة فيها حسب التخصص للي اخترته ؟

خل الشباب يفيدونك...واذا كان صاحبك يدرس هناك ...رح تكون معلوماته افضل ...
او تقدر تفتح موقع الجامعه على الانترنت و رح تلقى جدول بالمصاريف

6/ نفس السؤال المكتوب في فقرة (1) مشاكل ؟

مافهمت

7/ هل استطيع ان التحق بالبعثة ؟ مع العلم ان نسبة الثانوية العامة 87% و القدرات 83 ؟

جرب تقدم..باب الابتعاث رح يفتح ابوابه لهذا العام في القريب ...فقد توفق ...

تمنياتي لك بالتوفيق

نصيحة حاول تختبر التحصيلي وتقدم به

ماقصرتوا جزاكم الله خير
ما اتوقع ان انتوا و هالمنتدى خلى لي شي اسأل عنه كل شي له اجابة
وانا الحين بإذن الله عارف كل شي ( إذا احتجت شي برجع لكم لوول )
اللهم الحين السالفة هي بس حساب التكاليف المادية و سرعة استخراج الوثائق المطلوبة
وتساهيل رب العالمين في المقابلة و الفيزا ( الله يستر و يسهل )

المطلوب منكم الحين اللي يحب المساعدة يدخل على موضوعي الثاني ( تشوفونه في الفائمة تحت اسمي ) هو استفسار عن نكبة جامعة IUPUI
هذا ولكم مني جزيل الشكر والامتنان

ما قصرت اخوي دمعتي على النصيحة بس
مادري اخاف ادخل التحصيلي ولا اجيب درجة اقوى من السنة اللي راحت
وغير هذا انا السنة اللي راحت كانت المعلومات اللي درستها في المدرسة كانت فريييييش وطازجة وعلى هذا ما قدرت اجيب إلا 73 ؟؟
تبيني الحين وانا ناسي كل شي اروح اختبر ؟؟ اكيد اني مابحيب اكثر من 60
السالفة بالمنطق

وان شاء الله اتكالي على رب العالمين كبييييير وما يندرى يمكن ادخل التحصيلي ؟؟؟؟؟؟

وبأذن الله البعثة تجيني هنا ولا وانا مسافر على حسابي
ب بدري على هالسالفة
ح حسابي في البنك ان شاء الله يساعد
م مادري انا شسوي الحين
ا الله يستر
م ما عندي كلام زيادة وماقصرتوا ومشكورين على التفاعل