الله يفرج هم من يسعفني ويساعدني

السلام عليكم ورحمة الله وبركاته
من البداية الله يخليكم مابغى كلام كتب واشعار
ابغى حل عملي لانسانة مرت بظروفي وحاسة فيني وتقدر تساعدني قبل مايصير فيني شي
انا اكتب لكم الان وانا اشهق بالبكاء وقاعدة اضرب نفسي

تعبت تعبت ابغى حللللللللل عملي مابغى كلاممممم كتب

اسمعو مشكلتي
انا طبعا منفصلة من فترة وماعندي اطفال عن زواج دام اشهر قليلة والحمدالله على كل حال
لكن حالتي النفسية الى الان متدهورة
مرات اريح نفسي بالحرام وانتو عارفين ايش اقصد(العادة)
الى ان حبيت الان واحد متزوج وهو احبني وللاسف يقول اطلق زوجتي واتزوجك؟؟قلت له مستتحيييييل وحرام اصلا وانا مارضى

العموم ياريت المشكلة بس في كدا
للاسف انا قاعدة حياتي تنحدر للاسفل وللسيئ الى اسوأ
انا ابغى حب وحنان ورعاية لكن بالحلال
قاعد قلبي ينتقل من واحد لواحد لين انا تعبت وانهرت
وقاعدة اقول استغفر الله ليش ياربي تعذذبني انا ايش اسوي طيب

حتى دراستي اهملت فيها
جسمي اهملت فيه
امي وابويا اهملتهم
كل حياتي زفت في زفت
اعيش بهم وكدر ونكد

كل يوم اقول بكرة اتغير بكرة اكون افضل بكرة وبكرة
مع اني اقسم بالله بنت ناس ومحترمة وحافظة نص القران ومالي في الحاجات هده لكن الزمن رماني عليها للاسف

صرت مااقدر استغنى عن صوته كل شوية اكلمه واقول بيني وبين نفسي هل انا ارضى هالشي على نفسي لو انا مكانها؟؟طبعا الجواب لا
طيب ليش انا كدا ليش ياربي تخليني اتعلق بواحد متزوج

ياجماعة الخير ساعدوني
ابغى اتزوج واصون نفسي بالحلال
رغم اني عندي دراسة لكن والله ماذااكر وحياتي صارت فوق تحت
ابغى ارجع لربي
ابغى اعيش سعيدة
من منكن يامسلمات قريت قصتي ونجي تساعدني بدل ماتقفل الصفحة ولاكانها شافت شي!!!
ساعددوني يمكن يجي بيوم وتلاقوها في مازن اعمالكم
جزاكم الله خيرا