انا شاب ابلغ من العمر 23 سنه اسكن بالرياض موظف في قطاع بنكي وشهادتي هي دبلوم موارد بشريه من كليه اهليه طبعا ..
والان لي ما يقارب 10 شهور في وظيفتي ..وكنت افكر التسجيل بجامعه الملك عبدالعزيز هذه السنه ولكن بدأت فكرة الانتساب بالجامعه هذه السنه تلغى بسبب ..
انه كنت اتحدث مع احد الاصدقاء واقترح على اقتراح ((وهذ اللي ابيكم تسنعوني فيه ) لاني ما ادري وش السالفه..
المهم قال ليش ما تجيب لك قبول من احد المعاهد في بريطانيا او امريكا او كندا وتروح تدرس عندهم مبدئيا لغه وتجيب معدل كويس بعدين تقدم على الملحقيه لاكمال مرحلة البكالوريس..
((سؤالي))
(( هل لو جبت قبول من المعهد وعطيته الملحقيه راح يتكفلون بدراستي على حسابهم ويعوضوني اللي دفعته من تذاكر ومعهد ..ألخ طبعا
مع العلم انه انا سمعت انه البكالوريس موقفينه سواء لدارسين على حسابهم وطالبين الالتحاق وايضا لاصحاب مراحل البعثات الرسميه ..))
..الزبده وش اسوي وودي بيني وبينكم اطلع ادرس واجيب شهاده حلوه ..
الله يسعدكم واتمنى انه احد من اخواني هنا انه يوجهني خطوه خطوه لاني تايه والله .
سؤال مهم جدا /
ميزانيتي مبدئيا لدراسه قبل الالتحاق حقت تقريبا ثلاث شهور بالكثير هل بالامكان انضمامي للبعثه خلال هي الفتره لانها لو طالت راح اتوهق ..واخسر الاجازه المقدمه من الوظيفه واخسر الفلوس المدفوعه واخسر وقتي ..
فياليت الله يبارك فيكم احد يجيب لي خبر اكيد ...
اخوي الغالي / rko2020
ابيك توجهني وتقولي عن المعاهد التابعه للجامعات الامركيه ويكون سعرها رخيص جدا وتكون جامعه قويه ومعترفه بها من الوزاره وهذي اهم نقطه عشان الالتحاق ..
بحيث تحسب لي الدراسه مع المعيشه بكافة جوانبها كم تكلف بالسنه ..لو طولت
رغم انه اتمنى التحق بدري لانه ميزانيتي ضعيفه ..
والله تاااااايه ..
وهل فعليا الالتحاق بسيط واجراءته سهله وايضا الدراسه هل هي سهله عشان اجيب المعدل المطلوب من الوزاره للالتحاق ..
وربي عارف تعبتك معاي بس تحملني الله يسعدك ..
معلومات /
ا- نسبتي الثانويه 75%
2- نسبه القياس 63%
3- خريج دبلوم كليه اهليه
4- مفصول من جامعة الملك سعود
5- سنه تخرج الثانويه 1424- 1425
ذكرت هذه المعومات للتوضيح مدري لها اهميه بخصوص الدارسين على حسابهم او لا بس عشان ردكم حبايبي يكون على اساس المعلومات هذي..