الأعضاء الإشتراك و التسجيل

الملتقيات
ADs

مساعدة في السكن في أريزونا - تيمبي ... وما هو الفرق بين الكوندو والشقة ؟

مساعدة في السكن في أريزونا - تيمبي ... وما هو الفرق بين الكوندو والشقة ؟


NOTICE

تنبيه: هذا الموضوع قديم. تم طرحه قبل 2622 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الدوشق
    الدوشق

    مبتعث جديد New Member

    الدوشق الولايات المتحدة الأمريكية

    الدوشق , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى هندسة كهربائية , بجامعة ASU
    • ASU
    • هندسة كهربائية
    • ذكر
    • Tempe, Arizona
    • السعودية
    • Jun 2008
    المزيدl

    June 29th, 2008, 03:09 AM

    السلام عليكم ورحمة الله وبركاته


    بداية حاب اعرف ايش الفرق بين الكوندو والشقة ؟! .... وهل عادة تكون الشقق مفروشة او بدون فرش !

    لاني راح اروح اولا لوحدي فمحتاج استديو او شقة بغرفة بعدها باربعة اشهر راح اغير ا لسكن واجيب العائلة معي !

    فمحتاج سكن كويس وممتاز لوحدي لاربعة اشهر وقريب من جامعة Arizona State University
    واذا يكون قريب من الـ Mill Ave يكون افضل علشان المطاعم والوناسة !

    السكن ابغاه يكون بحدود 300-500 دولار مو اكثر من كذا !
    وهل الافضل اني اسكن في غرفة برايفت في شقة مشتركة ؟! ... او الافضل اني اشوف لي شقة بغرفة لوحدي ؟

    وهل نظام السكن هناك يكون شامل الكهرباء والماء والمجاري والنت و و ! ... او يعتمد على المكان !


    مشكورين مقدما على اي مساعدة !
  2. هلا اخوي

    شروطك صعبه مره...صعب جدا تلقى بأقل من 500 دولار شي كويس. وصعب تلقى شي 4 شهور الاى اذا غرفه مشتركه مع اني ما انصح بها. اذا العائله صغيره يعني بتكفيك ون بدروم ريح نفسك وشف لك شغل مرتب من الحين ترتاح من الشيل والحط ومنها ترتب شقتك على رواقه وتشتري اثاث كل ما تيسر لك ولقيت لك فرص (طالب طالع, تخفيضات...الخ) وصدقني اربع شهور تمشي بسرعة. الله يعينك على التكلفه بس اعتقد هي افضل حل.

    المل افنيو راحت ايامه ترا...الوناسه الحين في المول المفتوح الجديد الي على تمبي ليك...ولا تحاول تسكن في المناطق الي ورا المل افنيو من غرب لانها مهيب زينه
    احسن شي تسكن في يونيفرسيتي درايف ولا برادوي في المنظقه الي بين رورال وماكلنتوك
    اذا بتشتري سياره بتصير الخيارات اكبر في بيس لاين وحتى تشاندلر

    راجع برد اخر ان شاءالله
    7 "
  3. αhad
    مشكور ما قصرت .. الملف مفيد جدا




    Abdullah 10

    انا اقتنعت اني من الافضل اني استأجر شقة غرفة واحدة وتكون مساحتها كويسة واجهزها على رواق
    بس ما عندي خبرة في المدينة واخاف اني اضطر اني اغير من مكان لمكان

    مخطط اني اشتري سيارة طبعا بس بعد شهرين ثلاثة ... وطبعا ودي في شقة تكون أمنة وهادية ومرتبة

    ايش رايك في Scottsdale كاني فهمت انها احسن في السكن ؟!
    او المنطقة الي تحت البرودواي كل ما اتجهنا جنوب ؟!

    وايش الافضل اني اسكن كومبلكس ولا اشوف لي شقة منفردة ؟!
    مفروشة ولا بدون فرش افضل ؟

    وكويس انك افدتني في المل افنيو لاني بصراحة كنت افكر في غرب الشارع علشان قريب من الاسواق والمطاعم والمحلات التجارية !

    واذا عندك فكرة عن هالكومبلكسات ياليت تفيدني فيها :

    San Marbeya
    The Palms on Scottsdale
    Galleria Palms
    Scottsdale Gateway
    7 "
  4. شف اخوي...كل الشقق او اغلبها في كومبلكسات..ماعندهم نظام عماير

    سكوتسديل ممتازه جدا بس تراها اغلى كثير...سكوتسديل ترا تعتبر من افضل المدن للسكن في امريكا ويجيها ناس كثير من الشمال ويستقرون فيها. خصوصا الشياب الكاش ...اهم شي ابعد عن ميسا وغرب تمبي. تشاندلر حلوه بس بعيده لازم سياره والبنزين بيكلف عليك. ما اذكر بالنسبه للاسماء بس فيه اكثر من كومبلكس كويس عى سكوتسديل رود بس غاليه. فيه كومبلكس ثاني على بيس لاين مع ال اي 10 كبير مره...وفيه عندك اقرب واحد للجامعه على يونيفيرسيتي درايف بين رورال وماكلنتوك..اسمه اذا منيب غلطان فلاجيو اولا ذا فيليج. اذا ما تعرف احد هناك انصحك انك تراسل جمعيه الطلبه المسلمين الي في الجامعه ممكن يفزعون لك ويرونك الاماكن اول ما تروح. او الشباب السعوديين واعتقد ان فيه عدد لابأس به هناك.

    San Marbeya ممتااااااااز بس اذا تقدر عليه وبتلقى شي فاضي...موقعه حليو يبعد عن الجامعه بالسياره خل نقول خمس الى عشر دقايق...

    Scottsdale Gateway جيد واسعاره افضل بس ما ادري شكل المجمع قديم شوي..بس ما يمنع تمر عليه وتشوفه

    بالنسبه لمفروشه ولا...يرجع لك...المفروشه اغلى من الي غير مفروشه بس ترا قليل جدا المجمعات الي توفر شي مفروش..الغالب انك منتب لاقي الا كاربت (فرشه) ومطبخ

    عساك حاط لك مبلغ على جنب؟ لان الشغله تكلف في البدايه. لو تقول لي وش ميزانيتك مثلا او كم مستعد تصرف ممكن اساعدك بشكل افضل...

    تحياتي
    7 "
  5. والله يا اخ عبدالله انا مخطط اني اصرف كبداية لتجهيز السكن والسيارة ما بين 10 الاف الى 15 الف دولار ! ... ممكن ازيده بس اذا اضطريت لهالشي !

    السكن انا يهمني يكون في منطقة هادية وأمنة بما اني راح اروح مع عايلتي ! ... وعلى حسب ما فهمت من اغلب الاراء ان كل ما قربنا من الجامعة كان السكن اقدم واغلى وازعاج اكثر وجرائم بسبب وجود الطلاب والحفلات وقلة الحيا ! .... فصرت اتجه اني ابعد عن الاماكن القريبة من الجامعة لان السكن يكون اهدأ وارخص وجديد اكثر ! ... ويهمني برضو يكون في حماية او Gate للكومبلكس .. يعني مكان يحسسك انك مو في الشارع اذا انك فاهمني


    ما ادري انا حاط في بالي ان شقة بغرفة في مكان كويس راح تكلفني حوالي الالف دولار مع اليوتليتيز ! ... ما ادري هالمبلغ قليل ولا كثير ؟!


    بالنسبة للكومبلكس الكبير هل هو الي يكون جنب Mile Mall واعتقد اسمه الغاليريا الي كتبته فوق ؟!

    وانا ودي اني احجز قبل لا اسافر علشان ما اتعب واتبهدل اول ما اوصل للجامعة في فنادق وغيرها ! ... او على الاقل احدد لي ثلاثة او اربعة اسماء علشان اشوفهم اول ما اوصل !

    سان ماربيا واضح انه فخم بس المشكلة اني كل ما دخلت وشفت الـ Reviews على اي كومبلكس لقيت ناس تذم وتمدح ويضيعونك بكلامهم !!! ... ما تدري الصدق من الكذب !

    هل تنصحني اني كبداية اسكن في فندق واجلس اشوف الشقق وحده وحده وبعدها اختار ؟؟؟ ... اخاف ان الشقق تروح وتمتلى وما الاقى في بداية اوغست ! ... او الافضل اني احجز من هنا وخاصة ان اغلبهم صار ممكن يحجز لك عن طريق النت !
    7 "
  6. بالنسبه للمبلغ..الف دولار اعتقد كويسه. والله كلها خيارات كويسه. ممكن انك تسكن كم يوم في فندق وتلف المدينه (الله يعينك على الحر) او انك تاخذ عقد والشكوى على الله كانه ما عجبك لين خلصت السنه الاولى تغير...انت بتدرس ماستر ولا باكالوريوس؟

    المبلغ حق الصرفيات كويس وماشاءالله يخلك تبدا كويس ..

    مشكله تمبي المواصلات.... الباصات لك عليها مع انه فيه شتلز للمجمعات القريبه مره تنقلك للجامعه. هذي يبيلك تشيك مع الجامعه وش طريق الشتل ومتى يجي وكذا

    لا تشيل هم من ناحيه ال gated complex اغلبها كذا...بعضها انضمتها افضل من كذا. الي قلت لك كبير وقريب من اريزونا ميلز نظامهم كويس مره صعبه تدخل اذا ماتعرف احد في المجمع.

    اذا تبغى الهدوء تشاندلر وسكوتسديل احسن لك...مع ان طلاب الجامعه المهبل موجودين في كل مكان...ترا اي اس يو ضخمه مره واذا منيب غلطان هي ثالث اكبر جامعه حكوميه...الكامبس الي في تمبي فيه فوق الخمسين الف طالب!

    طيب بتروح قبل الدراسه بكم يوم؟

    على فكره
    اريزونا ميلز مستواه متوسط يصلح لاشياء سريعه بس مهوب حق تمشيه...يتجمعون فيه المكسيكان ..المولات الزينه تشاندلر فاشن مول وسكوتسديل فاشن سكوير وفيه غيرها بس اصغر
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.