كيف التحق بالبعثه من طق طق لسلام عليكم
السلام عليكم ورحمة الله وبركاته
يا اخوان ارجو ان احد يساعدني انا ابي اروح ادرس في امريكاعلى حسابي بعدين ابي التحق بالبعثه وش اسوي تراني ما اعرف شي
يعني من وين ابدا وماهي الخطوات خطوه خطوه وبعدين انا سمعت ان الوزارة اصدرة قرار هو ان عشان تلتحق بالبعثه لازم تكمل ثلاثين ساعه من التخصص الي انت تبيه وبعدين تقدم عل بعثه ارجو من لديه العلم ان يفيدني او اي واحد في امريكا يعلمنا وش السالفه لان في ناس يقولو ان هاذا القرار طبق على كل الدول ما عاد امريكا وكندا وشكرا لكم واسف على الايطاله
رد: كيف تلتحق بالبعثه من طق طق لسلام عليكم
والله ياليت الي يكتب اي رد يكون متاكد من جوابه مليون بالميه
لانه راح يترتب على كل كلمه مصير المبتعثين
وموفقين يارب
والله لايضيع تعب احد
ولاتحرمونا من دعواتكم
رد: كيف تلتحق بالبعثه من طق طق لسلام عليكم
اسئل الاخوان اللي طلعو على حسابهم وبعدين حولو بعثة .. :)
رد: كيف تلتحق بالبعثه من طق طق لسلام عليكم
كلامي موجه لك ياصاحب الموضوع " وريف .. لاتقرين كلامي ولا عليك منه لأني مو متأكد :S "
أول شيء ياطويل العمر تجيب قبول معهد مع قبول جامعة مشروط " فيه مكاتب تجيب لك القبول بس بمبلغ غالي الصراحه :( .. " مكتب الرحلات الذهبية بـ 1250 ريال .. بس مدري يجيب قبولات لأمريكا أو لاء لأنه كان متوقف عن هالشيء وقبل فترة كنت أتناقش أنا وإياه وقال إنهم راح يفتحون مجال للي يبون قبول لأمريكا " من زمان أنا عنهم لذلك ماأدري وأبحاول أجيب لك رقمهم على شان تتأكد بدال ماتروح لهم "
وأهم شيء إنك من الآن " بعد ماتقراء ردي تراقب موقع السفارة على شان تحجز لك موعد .. بس لاتوهق نفسك وتاخذ موعد قريب قبل يوصلك القبول .. أغلب القبولات تاخذ 20 يوم ...
في الفترة اللي تنتظر القبول فيها تجهز مبلغ وتحطه بحسابك " مبلغ فوق الـ 200ريال يعني حدود 55 ألف دولار أفضل " لأن فيه شباب رفضتهم السفارة الأمريكية بسبب المبلغ وكان المبلغ الموجود في الشهادة البنكية 30 ألف دولار " وفيه ناس مشت معهم " ... لذلك إلعب على المضمون أحسن لك ...
أول مايوصلك القبول ويجي موعدك بالسفارة تروح وتسوي المقابلة ويقولون لك إسبوعين إن شاء الله وتعال إستلم فيزتك " والله إني متفائل بقوهـ " .. والمقابلة سهله مرهـ وفيه موضوع أنا كاتبه بخصوص أسئلة السفارة المتوقعة ...
إذا خلصت الفيزا مر العطية يصرف لك أمر إركاب واحجز وعلى ديرتك الله يسهل دربك إذا وصلت هناك وسجلت في الملحقية وباشرت في المعهد تجيب شيء يثبت إنك بديت دراستك وتصور ختم دخولك أمريكا ورقم ملفك بالملحقية وترسله لأي واحد بالرياض وتخليه ينشب لهم لين يضمونك وسلامتك هذا كل شيء يالغالي
للمعلومية : من الحين دور لك واسطه على شان تحجز لأن أغلب الخطوط فل
أكون معك صريح " إذا بيتهون الأمور بيتهون عليك وإذا بيتصعبها بيتسود الدنيا بوجهك " سهلها وربك يعينك ولاتنسى دعوات الوالدين
بالتوفيق إن شاء الله ... دعواتك في ظهر الغيب دعم وتوفيق لي
رد: كيف تلتحق بالبعثه من طق طق لسلام عليكم
السلام عليكم...
إذا أنا لقيت مصباح علاء الدين و طلع لي الجني الأزرق و عطاني 3 أمنيات تمنيت التالي:
-الأمنية الأولى هي إن الناس في المنتديات يبطلون كتابة رد كامل بس عشان يقولون "جزاك الله خير و مشاركتك مميزة". ترى الدعاء بظهر الغيب أحسن.
-الأمنية الثانية هي إني أشوف مواضيع أكبر من تواقيع و ليس العكس!
- الأمنية الأخيرة هي إن الناس تقرأ قبل ما تكتب. المنتدى فيه آلاف المقالات المصنفة في أبواب واضحة جداً. و في 90% من الوقت، السؤال اللي في بطنك قد طرحه أحد قبلك... اقرأ الأبواب اللي تخص موضوعك و إذا ما لقيت الجواب اللي يبرد كبدك تعال و اكتب سؤالك.
بعدين وش جاب موضوعك هنا؟؟؟؟ رح لملتقى الدارسين على حسابهم الخاص!!
فيه هناك موضوع مثبت... كبر الجدار... اسمه مثبت: &&**الدراسة على حسابك الخاص من طق طق إلى السلام عليكم**&&
جعلك الصلاح انت وياه اي و الله!!
رد: كيف تلتحق بالبعثه من طق طق لسلام عليكم
مشكووووووووووووووووووووووور اخوي دمعتي ماتقصر كفيت ووفيت
وانت اخوي ما ادري وش اسمك ايمامو الظاهر الزبده لو ما تكثر هرج وتكتب المفيد تطلع اطلق واحد وتحياتي لكم
رد: كيف تلتحق بالبعثه من طق طق لسلام عليكم
رد: كيف تلتحق بالبعثه من طق طق لسلام عليكم
والوود...
الله يعينك على نفسك و يكبر عينك و عقلك...
المفيد مكتوب قدامك:
"رح لملتقى الدارسين على حسابهم الخاص!!
فيه هناك موضوع مثبت... كبر الجدار... اسمه مثبت: &&**الدراسة على حسابك الخاص من طق طق إلى السلام عليكم**&&
"
رد: كيف تلتحق بالبعثه من طق طق لسلام عليكم
ايمو ياخي خل الرجال في حاله خله يكتب موضوع انت حاطه في راسك.
وبعدين لايكون انت الي تشتري حبر للمنتدى