معقوله..!! لا مااصدق.. خمس ساعات انتظار في مطار واشنطن..!!! ليه بس..؟؟؟

يا عزيزي زمان كانت 5 ساعات الان اقل ساعتين او 3 ساعات يعتمد على عدد المبتعثين اللي معاك في الطيارة انت عارف كل واحد يسوا معاه مقابلة.
من رأي انك تحجز على ولاية اللي بتدرس فيها بعد يومين من وصولك عشان لازم تجلس في واشنطن تسوي اجراءات الملحقية على كلامهم في ملتقى المبتعثين تاخذ يومين.
الله يوفقك وشد حيلك

والله أنا وصلت شهرأكتوبر الماضي وصلت الرحلة الساعة 2 وثلث الظهر ولا طلعت من المطار الا الساعة سبع واربعين دقيقة مساءً

هلا والله بحديد سابك بندر انا خالد

اخوي لاتنسى انك لازم تمر الملحقه تفتح ملف طالب و تاخذ الضمان المالي و تخلص امورك يبغالك من يوم ليومين في واشنطن ... و بالنسبه لاجراءات المطار الحين صيف و عطله و زحمه حط في بالك خمس ساعات و اكثر ,,, الله يعينك

موفق,,

حبيب قلبي بالنسبة للمدينة اللي أنت فيها من قال مدينة أشباح, مدينة روعة مرة وزرتها أكثر من مرة فيها أكبر مدينة ألعاب في ولاية أوهايوا ويحدها من الشمال بحيرة كلايفلاند الرائعة وقت الشتاء راح أقابلك فيها وأنواع التزلج....هههه.
وبالنسبة للمطار 5 ساعات من قال لك يا جماعة والله كان الكلام هذا أسمعه واجد قبل ما أجي هنا بس لما وصلت وجدت كل اللي يقال خرطي أنا بالنسبة لي جلست بالمطار ساعتين إلى ساعتين ونصف والسبب أنا, لاني تاخرت بأخذ عفشي ,ونصيحتي لك خل سسفرك لكليفلاند بعد وصولك لواشنطن بيوم منها تروح الملحقية وتضبط أمورك..

من واقع تجربة وبحسب قراءتي لردود الإخوان المفيدة جداً أستطيع أن أقول لك بأنه لا يوجد وقت محدد..!! الذي يأتي على خطوط أخرى غير السعودية تكون إجراءاته أسرع، إما الرحلات التي على الخطوط السعودية فكل من فيها سعوديون لذا قد تطول المدة، أنا وصلت على رحلة السعودية الوصول الساعة 3 وخرجت من الصالة الساعة 7 ونصف ورحتلي الساعة 6 ونصف، ولا توجد رحلة أخرى تنقلني للمدينة التي فيها الجامعة التي إدرس فيها، المشكلة إن الرحلة التالية في الصباح الساعة 9 ونصف..!!
أرى والرأي لك أن تحسب حسابك وتحتاط للظروف، أحسن من المخاطرة..!!
والرأي لك أولاً وأخيراً..!!

هل كان وصولك لأول مرة لأمريكا في هذي الرحلة؟

انا انصحك نصيحة من اخت لاخوها
اقرآ سورة ياسين ودد " وجعلنا من بين ايديهم سدا ومن خلفهم سدا فآغشيناهم فهم لا يبصرون "
وادعيلي ازا مشيت امورك باذن الله
والدعاء في ظهر الغيب مستجاب...
والله يوصلك بالسلامة يارب
وترا كليفلاند من وجهة نظري جيدة للدراسة مافيها اتراكشن حماس تلهيك عن الدراسة خخخخ
وبعيد عنها حوالي ساعة ملاهي سايدر بوينت يعني المدينة منيحة منا بطالة بس في شي مو حلو في الولاية
الشرطةةةةةة شدييييييييييييدة تلقطك على طول عشان كدا يا غريب كن اديب لا تسرع في السواقة واربط الحزام =)