خطوات النزول في مطار واشنطن

السلام عليكم

الرجاء اريد ان اعرف ماهي الخطوات النزول في مطار واشنطن

اول شي ايش را ح يقابلني وكيف اخلص اجراءاتي؟
ياريت خطوة خطوة

وشكرا لكم

ابد سهله الاجرائات ,, تعبي الفورم وتخلص امورك ,,
يفتحون الباب يركبونك في زي االباصات توديكم للمطار ,, تنزلون كلكم والاجانب كلهم يروحون يسار وفيه صف تصف فيه ويجي دورك في دقائق تعطيه الاي توني مع الجواز مع الفورم الي عبيته في الطيارة ,, يكتب على اوراقك حرف كل السعوديين الي معي مكتوب عليها B ,, ويقول لك خلاص رح خذ عفشك ,,

تروح تاخذ عفشك وتروح للصف الثاني ياخذ جوازك ويقول انتظر ,, تنتظر لين ينادون اسمك ويسألونك كم سؤال ,, ويمكن ياخذونك يحققون معك داخل شيء طبيعي جداً ,,
واذا خلصت تطلع تلاقي لوحة الملحقية قدامك على طول ,,

مدة الانتظار لحد ماينادون اسمك تتراوح بين 1-4 ساعات !!

بالتوفيق ,, وتوصل بالسلامه ,,

يسلموا


انا ودي لو احد يتبرع لنا ويحط جميع الاسئله المحتمله

ماودي اتفاجا بسؤوال غير مستعده للاجابه عليه

ويسلموا على التوضيح

تقصدين االاسئله في المقابلة ؟ بسيطه معلومات شخصية يعني مش تحقيق !!
اسمك وعنوانك في السعوديه وعنوانك الي بتسكنين فيه ,, كم بتجلسين في واشنطون ووين بتروحين متى رحلتك ,, رقم جوالك في السعودية ,, اشخاص في حالات الطوارئ ,, اذا معك بطاقة ائتمانيه ياخذونها ويسجلون رقمها ,, اسم امك اسم ابوك واعمارهم ,, من بيدفع لك في دراستك ,, كم معك فلوس وليه جايبه هالفلوس معك ( اذا معك فلوس كثير ) ,,
والباقي اجرائات ,, ياخذون صور وياخذون بصمات ,, ونص الوقت يكون شغال على الجهاز ,,
هالكلام في التحقيق الي داخل ,, اما الي يخلصون اجرائاتهم من الطاولات الي برى اسئلتهم اقل واسهل ,,
وعموما الوضع مايستاهل الخوف كل الامور سهله وتعاملهم قمه في اللباقة والتهذيب ,, وماراح يحصل شيء اذا معك الاي توني والفيزه والفورم خلاص مستحيل يعقدون اجرائاتك ,,


بالتوفيق وتوصلون بالسلامـه يارب ,,

يعطيك العافيه رماش كفيت و وفيت ،،،،
بس ابي اعلمك اختي ترى البنات ما يسوون معاهم تحقيق و اسئله و بطيخ احنا باختصار من الطياره على الجوازات يختمونها على العفش على برا :D السالفه كلها على بعضها ماتاخذ معانا 10 دقايق بس الشباب مساكين تطول فيهم لين 4 ساعات و اكثر :D

عموما على قولت اخوي رماش مافيه شي يستاهل الخوف
بالتوفيق,,

طيب اذا لغتي ضعيفة كيف الوضع هل فيه مترجم

حتى لو ما تعرف إنجليزي...تبي تمشي أن شاء الله...


واحد من الشباب..جاء لأمريكا..ونص الحروف الأنجليزية أول مرة يشوفها...ومشت اموره سلام سلام...

التوفيق من الله.