تعالوا شوفوا ورطتي في امريكا وانقذوني منها الله يخليكم !!!!!

وعليكم السلام ورحمة الله وبركاتة,,
أختي استهدي بالله و كل مشكلة لها حل

سؤال:انتي مبتعثة تدرسي ماجستير ولا بكالريوس؟

لو بكالريوس سهلة ان شاء الله
ادرسي في معهد اي ال اس واتخرجي من آخر لفل (واتوقع هذا اللي عملتية)
وقدمي بالشهادة على اي من الجامعات
وراح يقبلوكي لأن عدد كبير من الجامعات يقبلو شهادة اي ال اس
ونفس الشي لأغلب تخصصات الماسترز,

الحل السليم لمشكلتك انك تستمري تختبري الني تجيبي الدرجة,

ولا الين يجيكي مين يدلك على جامعة تقبلها
وربك يسهلك

أختي اللغة عادة مدتها سنة
لكن لو تحاولي تجيبي سبب مقنع عشان التمديد ان شاء الله يمددوها لكي
والله يوفقك ومايضيع لك تعب

انا من الطلاب اللي يحاولون يدخلون الجامعة عن طريق الاختبار هذا وانا في كندا على فكرة وماعمري حصلت جامعة تقبل 5 !!!! عشان تدورينلك جامعة تقبل ب 4 ونص!!! لاكندا ولا امريكا وعلى فكرة انا جايب 6 باقللي النص بس

انا اقول انك تصللي على النبي وتهدين الوضع شوي انتي تقولين انك جايبة 4 ونص لازم تقولين ليش انا جبت هذي الدرجة اول شي اذا كان في تقصير من الدراسة حلي الموضوع هذا بالدراسة فاذا كان بسبب المعهد اللي كنتي فيه هذاكي وغيرتيه وانتهيتي منه راح تغيرين المكان نفسيا ومعنويا راح تتجددين
الحين تروحين للمهارات اللغوية اللي جبتيها في شهادة الايلز مثلا اذا كان عندك الليسننق ناقص.. كثري من الاستماع للالشياء من حولك عندك مثلا ياطويلة العمر النيوز اللي كل ما جالك مذيع اخبار يتكلم كنه ببغان الله يعزك بس الزين فيهم انهم يفيدونك في التمرين للاستماع للكلام السريع ...حل ثاني الاي بود الله يسلمك مو تحطينلي وائل كفوري ولا راشد الماجدولا نانسي!!! الله لايهينك ماكيل جاكسون وبس ولا سيلين ديون وغيرهم كثيرواذا ماتسمعين اغاني عندك الراديو عن طريق الايبود طريقه فعالة تسمعين في البرامج الاذاعية .والاخبار وانتي بالباص بالسيارة في الكوفي شوب كللل مكان


مشكلة السبيكينق لااااااااا والف لاااا انك تتكلمين عربي مع زميلاتك لانه هذا اللي يخرب السالفه كللها وطبعا شي معروف اكيد اول ماطبيت كندا من وصايا الاهل اني ما اتكلم عربي كثير وياريت سمعت لكلامهم طبعا في الواحد لازم احيانا يتكلم بس يظغغغغط على نفسه اهم شي .. حل ثاني اختلطي مع الاجنبيات سولفي معهم اعرفي تقاليدهم عرفيهم بتقاليك من هذولي الكوريات ولا اليابانيات ولا الاسبانيات اللي مابقى معهد في نورث امريكا الا ومسوين ام الزحمة

الرايتنق يعتمد بصراحة على المعهدبشكل كبير وعليكي بشكل ثانوي انك تطوري مهارة الريدنق كييييييف ؟؟؟ اقري نيوز بيبر ولا سيري على البوووك ستور واشتريلك كمن كتاب يفيدونك تراها تفيد كثيير جدا

وفي ترا طرق كثيييرة جدا اذا كنتي ملمة بشكل كبير على الانجليزي من كلل النواحي راح تستفيدين منها بشكل كبير مو بس المعهد .. المعهد , الشارع و السوبرماركت, التلفزيون , الانترنت , الايبود , الموفيز الخ..


انشاء الله بس ما اكون طولت عليكي ..

وبالتوفييييييييييق انشاء الله

الكلام تمام و100% صح استفيدي منها وطبقيها
ياارب يوفقك ويسهل لك امورك آآمين ..