ابي ارخص خطوط في العالم من الرياض لا امريكا
السلام عليكم
ياخوان ان انشالله طالع على حسابي
وابي خطوط طيران رخيصه
ايه وانا صادق وشوله البعزئه على قولت المصرين:bleh:
ما يهمني وش بيكون مسار الرحله ووين بتوقف وكم بتوقف واي خطوط تكون
اهم شي تطلعني من الرياض وتوصلني لواشنطن ومن واشطن على الاباما في مدينة موبيل
وامس دقيت على طيران الاتحاد لقيت رحله من الرياض ابو ظبي ومن ابو ظبي لنيويورك
بالفين وتسعميه
بس انا ابي واشنطن علشان اروح الملحقيه وافتح ملفي واخلص اوراقي
بعدين اروح الاباما
> ناطر فزعتكن:flower:
رد: ابي ارخص خطوط في العالم من الرياض لا امريكا
دامك مو فارق معاك خط السير والمهم السعر .. أجل نصيحتي لك تروح بسفينة .. أرخص !!
ياخوك هين قرشك ولا تهين نفسك .. ترى خط السير لما يكون فيه ترانزيت يكون مقرف ..
روح من الرياض لواشنطن سيدا حتى لو تدفع دبل .. أو اطلع على رحلة أبوظبي نيويورك .. طيران الاتحاد حلو ..
أو حاول تشوف خطوط مريحة شوي .. ترى الشغلة مو ساعة أو ساعة ونص .. تراها نص يوم ويمكن أكثر !
إذا مرة ملزم .. شوف الخطوط السنغالية يمدحونها .. الظاهر يعطونك فلوس وتطلع معهم ..
أصلاً ماعندهم مطار .. يعني بيلقطونك بحبل :D
وماعندهم ترانزيت غير في نواكشوط .. يعبون بنزين بس
لووووول
رد: ابي ارخص خطوط في العالم من الرياض لا امريكا
سايلنت مدري انت خفيف دم والا وقح
ع العموم انا كلامي كان موجه للناس موب لغيرهم
رد: ابي ارخص خطوط في العالم من الرياض لا امريكا
والله مدري انت زعلت من ايش !!
أنا رديت على استفسارك والله العالم كل نيتي خير .. وماقصدت أي شي سيء .. والله كله بحسن نية .. وكل القصد إني أريحك وماتتعب في سفرك ..
على العموم سامحني إذا أخطيت عليك أو جرحتك بدون قصد ..
و اعتبر كلامي كله مردود عليّ .. واعتبرني سحبته ..
العذر والسموحة أخوي .. (مع إني باقي مو فاهم سبب زعلك)
والله يسامحك إذا كان غلطت عليّ :)
أخوك سايلنت
رد: ابي ارخص خطوط في العالم من الرياض لا امريكا
عقرب وسع صدرك
شف طيب انا محتاسة ابي رحلة مباشرة لواشنطن دي سي وباقيم فيها ما لقيت أو على الأقل انزل بدولة خليجية عشان لو طولنا الواحد يقدر يطلع ويروح أما اوقف في فرانكفورت ولا ديرتن مدري عنها ما ابي وش السوات
ابي رحلة على 19 20 اوقست وش الدبرة انا على حساب الوزارة بس ما بعد عطوني امر اركاب لأن السفارة ما طلعت فيزا بعلي > زوجي
رد: ابي ارخص خطوط في العالم من الرياض لا امريكا
الهولندية من ارخص الخطوط KLM وتحصل فيها حجوزات قريبة ..
رد: ابي ارخص خطوط في العالم من الرياض لا امريكا
عندك اتحاد الامارات بس لازم ترانزيت على ابوظبي ترى والله مرررررررررررره رخيص .
ثم الخطوط المصرية و ايضا لازم ترانزيت على القاهرة وهذه ب 4200 ريال سعودي
رد: ابي ارخص خطوط في العالم من الرياض لا امريكا
الافضل انك تروح مكاتب سياحية وتحدد التاريخ وبناء على طلبك يطلعولك ارخص خطوط.
وبالتوفيق
رد: ابي ارخص خطوط في العالم من الرياض لا امريكا
اقتباس:
عقرب وسع صدرك
شف طيب انا محتاسة ابي رحلة مباشرة لواشنطن دي سي وباقيم فيها ما لقيت أو على الأقل انزل بدولة خليجية عشان لو طولنا الواحد يقدر يطلع ويروح أما اوقف في فرانكفورت ولا ديرتن مدري عنها ما ابي وش السوات
ابي رحلة على 19 20 اوقست وش الدبرة انا على حساب الوزارة بس ما بعد عطوني امر اركاب لأن السفارة ما طلعت فيزا بعلي > زوجي
اما عقرب:pissed:
المشكله انك جايه بوقت زحمه اذكر اني كلمت مكتب استفستر عن حجز في اوقست قال كله فل
مافي الا في بداية اكتوبر نصيحه خذي لك اي حجز حتى لو تلطعين شوي احسن انك ما تلقين شي
مره
اقتباس:
الهولندية من ارخص الخطوط KLM وتحصل فيها حجوزات قريبة ..
الله يعطيك العافيه اخوي
رد: ابي ارخص خطوط في العالم من الرياض لا امريكا
اقتباس:
عندك اتحاد الامارات بس لازم ترانزيت على ابوظبي ترى والله مرررررررررررره رخيص .
ثم الخطوط المصرية و ايضا لازم ترانزيت على القاهرة وهذه ب 4200 ريال سعودي
عندي خبر عند الاتحاد بس مشكلته تنزل في نيويرك
وانا ابي واشنطن والا والله رخيصه وحلوه
اقتباس:
الافضل انك تروح مكاتب سياحية وتحدد التاريخ وبناء على طلبك يطلعولك ارخص خطوط.
وبالتوفيق
الله يعطيك العافيه انا كلمت مكتب بس ممكن احد من الاعضاء تكون له تجربه يفيدني فيها اكثر